Binulan a Mensahe ti Para iti Pigsa dagiti Agtutubo , Nobiembre 2024
Simple ti Doktrina ni Jesucristo
Dagiti naadaw a sao
Colombia
Ti balikas ti Dios ket doktrina nga insuro ni Jesucristo ken dagiti Propetana. …
… Daytoy a doktrina ket ti pammati ken ni Apo Jesucristo, panagbabawi, panagbuniag, panangawat iti sagut ti Espiritu Santo, ken panagibtur agingga iti panungpalan ket mangbendision kadagiti amin nga annak ti Dios.
Bayat nga isurotayo dagitoy a prinsipio kadagiti ay-ayatentayo, tulongannatayo ti Espiritu Santo a mangammo iti kinapudno. Gapu ta kasapulantayo dagiti pannignay ti Espiritu Santo, nasken a liklikantayo ti espekulasion wenno personal a panangilawlawag nga ad-adu ngem iti panangisuro iti pudno a doktrina.
… Maysa kadagiti kapennekan a wagas tapno maliklikan ti yaasideg iti palso a doktrina ket ti panangpili nga agbalin a simple iti panangisurotayo. …
Ti panangisuro ti mangpalubos kadatayo a mangibinglay iti doktrina ti pannakaisalakan iti damo, bayat nga agtalinaed dagiti ubbing a saan a maapektaran kadagiti sulisog ti manangallilaw a maipasango kadakuada inton agangay, sakbay pay a dagiti kinapudno a masapul a masursuroda ket marimbawan gapu iti pannakasinga kadagiti social media, kapatadada, ken ti bukodda a personal a panagrigat. …
Bayat nga ar-aramidentayo ti amin a kabaelantayo a mangisuro kadagiti ay-ayatentayo maipapan iti doktrina ni Jesucristo, mabalin a saan latta nga awaten ti dadduma. Mabalin a sumrek iti panunotyo ti panagduadua. … Saankayo a sumuko kadagita a panagduadua. Agpatulongkayo iti Dios. …
… Agbalinkayto a nagaget ken naanus. Ket iti kasta maammuanyo nga inaramidyo ti amin a kabaelanyo a tumulong kadagidiay ay-ayatenyo ken kadagidiay ikarkararagyo a mangsango iti panangikagumaan ni Satanas a mangdadael kadakuada.
© 2024 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, November 2024. Ilokano. 19345 864