Rikōjparok eo
Jen Būreejtōn Henry B. Eyring
Rikakpilōklōk eo Kein Kajuon ilo Būreejtōnji eo Kein Kajuon
Kom̧ naaj kajoorļo̧k im im̧we n̄an jeļā jon̄an maron̄ eo ami n̄an jerbal.
Eļap aō kam̧oolol n̄an pād ippāmi jotenin. Kōrā ro uwaan Kabun̄ eo an Kraist em̧ōj aer em̧m̧akūt m̧aanļo̧k erom juon doulul an sister ro me jinen Rikanaan Joseph Smith, Lucy Mack Smith, eaar kōmeļeļeiki ilo naan kein: “Jej aikuj iakwe doon, oņaake doon, kainōm̧m̧an doon im ekkatak ippān doon, bwe jen aolep jijet ilo lan̄ ippān doon.”1
Ewōr jilu m̧ōttan ko n̄an kōmeļeļe in ejej uwaan n̄an ekkar n̄an iaio ilo juon mejatoto in m̧ōņōņō ippān Anij. Juon ej n̄an kōjparok ro jet. Bar juon ej n̄an katakin doon im ekkatak. Im jilu ej n̄an jijet laļļo̧k ippān doon ippān Anij.
Jibadbad eo aō jotenin ej n̄an jipan̄ kom̧ en̄jake nōbar im kam̧oolol an Anij kōn ta eo em̧ōj kadede ami kōm̧m̧ani n̄an jipan̄ doon tōpar kōttōpar in eutiej. Im, ruo, ej n̄an kōmeļeļeik jet iaan ta eo ej itok wōt ilo jerbal in ippān doon eo ami.
Āinwōt kar sister ro raar mour juon tōre m̧okta, kom̧ kar uwaake kūr eo an Irooj n̄an etal n̄an ājmour an ro jet. Ilo 1856 rikanaan Brigham Young kar kajjitōk ippān Rikwojarjar ro n̄an jipan̄ handcart paineer ro rāikuj ilo toļ ko rejiņo. Eaar ba n̄an membōr ro ilo kweilo̧k eo eļap bwe iien aikuj: “Ami tōmak, kabun̄, im jerbal an kabun̄, rej jamin lo̧mo̧o̧r juon jetōb ilo aiboojoj an celestial eo an ad Anij, mae kom̧ naaj m̧akūtkūt ekkar n̄an pedped ko āinwōt ij katakin kom̧ kiiō. Etal im bōktok armej otemjej kiiō n̄an meļaaj kein, im tiljek ilo kōjparok men otemjej jej ba rej iiookļo̧k aikuj ko ilo ānbwin. … Eļan̄n̄e jaab ami tōmak enaaj jejtokjān.”2
Bukwi kōrā ro ilo Utah raar uwaak. Ilo aer jerata raar kobrak waikōn ko kōn men otemjej remaron̄ kōjparoki im men otemjej remaron̄ aiini jān ro jet n̄an kainōm̧m̧an ro repād ilo en̄taan. Juon iaan sister rein reperan eaar je, “Ej jamin ju būruwō eļapļo̧k im, imaron̄ ba, lan̄lōn̄ ilo jabdewōt jerbal iaar kōm̧m̧ani ilo mour eo aō, kōn ippān doon in em̧ool an en̄jake in eaar waļo̧k.”3
Ke jerbal in lo̧mo̧o̧r eo eaar dedeļo̧k im snow ko raar ōnļo̧k, ejja sister eo wōt eaar je kajjitōk in etōmak iburuwōn: “Ta ej itok tokālik n̄an jabdewōt eo em̧ōņōņō in m̧akūtkūt ak jerbal?”4
Ilo tōre in ad, kumi ko an sister ro reperan aolepān laļ in raar ukōt tōmak eo aer n̄an m̧akūtkūt ilo bukwi jikin ko. Im raar kajjitōk ilo buruwāer im jar ko ejja kajjitōk eo wōt kōn ilju im jekļaj an mour ko aer kōn jipan̄.
Kom̧ kajjojo ej pād ilo juon jekjek ejenolo̧k ilo iaļ eo ami n̄an mour indeeo. Jet ewōr iiō in aer imminene, im ro jet repād jinoin aer rikaļoor ilo mour in. Kajjojo ej jenolo̧k ilo bwebwenato eo an make im apan̄ ko. Ak kom̧ aolep sister ro im leddik jitōn bōro ro nejin Jemedwōj Ilan̄, eo ejeļā im ej lale kom̧ kajjojo.
Ta eo kom̧ ar kōm̧m̧ane em̧m̧an ippān doon ej n̄an iakwe, oņaake, im kainōm̧m̧an doon. Iaar juon rikam̧ool an jilu kabwilōn̄lōn̄ juon allōn̄ em̧ootļo̧k ilo ami jerbal n̄an juon sister. Āinwōt eo jemān, ij kam̧oolol eok im ikōņaan leļo̧k aō kam̧oolol n̄an Anij, eo eaar tōl juon rūkaki in loļo̧k an kōrā.
Leddik eo nejūm̧ Elizabeth, eo ej jokwe ilo bar juon bukwōn im awa eo ettoļo̧k jān kōm̧, eaar pād m̧weo ippān leddik eo nejin jilu iiō dettan. Eo juon nejin ej wiik eo an kein kajuon ilo kindergarden. Elizabeth eaar jiljino an allōn̄ im reim̧aanļo̧k n̄an iien kōļļotak eo an n̄an eo nejin kein kajilu, eo taktō ro raar jiron̄ļo̧k bwe enaaj bar juon leddik. Ḷeo ippān, Joshua, eaar ettoļo̧k ilo jikin jerbal eo an.
Ke eaar loe bwe eaar bōtōktōk im ļapļo̧k an to̧o̧r, eaar ko̧o̧ļe ļeo pāleen ilo talboon eo. Eaar jiron̄ ļo̧k e n̄an ko̧o̧ļe waan aujipitōļ im bwe enaaj iioone ilo aujipitōļ, eo eaar 25 minit ettoļo̧k jān mweo im̧ōn. M̧okta jen an kar iten kōm̧m̧ane ko̧o̧ļ eo, eaar ron̄ juon ainikien kōļļaļaļ im̧aan kōjem eo.
Ilo kōjem eo eaar ilbōk in lo rūkaki in loļo̧k eo m̧ōttan jen Doulul eo an Kōrā. Eaar ejjeļo̧k aerro appointmen n̄an jibbon̄ eo. Eo m̧ōttan eaar lukkuun en̄jake bwe eāikuj itok im lotok Elizabeth.
Eaar jipan̄ e n̄an kaar eo waan. Raar tōkāākļo̧k aujipitōļ eo jet minit m̧okta jen an Joshua tōkāākļo̧k jān jikin an jerbal. Taktō ro raar pepe jab aitokļo̧k jen 20 minit ko n̄an bōk nin̄nin̄ eo jen m̧wijm̧wij n̄an lo̧mo̧oren Elizabeth im nin̄nin̄ eo nejin. Innām juon leddik jidikdik eaar itok n̄an laļ in, jan̄ 15 wiik m̧okta jen jikejuuļ eo. Eaar eddo in wōt juon baun, jon̄oul juon ounces (765 g). Bōtaab eaar mour, im barāinwōt Elizabeth.
Naan ko an Lucy Mack Smith kar ilo m̧ōttan kūrm̧ool raan eo. Juon membōr etiljek uwaan Doulul eo an Kōrā ro, kar im̧ōk jen Jetōb Kwojarjar eo, oņaake, iakwe, im kar kainōm̧m̧an kōrā eo jein ilo aelōn̄ in kiin̄ eo an Anij. E im jon̄oul taujin ro jet ro raar leļo̧k jipan̄ eo eim̧we n̄an epepen ko raar jab kam̧oolol wōt kōn ro otemjej raar jipan̄ er im ro rejitōn bōro ak n̄an Irooj.
Kom̧ij kememej naan in kam̧oolol ko An n̄an ro otemjej raar bōk jidik nōbar kōn jouj: “Im Kiin̄ eo enaaj uwaak im ba n̄an er, ‘em̧ool Ij ba n̄an kom̧, ilo ami kōm̧anm̧an jabdewōt n̄an juon iaan rein ro jatū ediktata, kom̧ ar kōm̧anm̧ane n̄an Eō”5
Ak kabwilōn̄lōn̄ eo an juon sister jen Doulul eo an Kōrā ej itaaktok n̄an jipan̄ ilo iien eo ej orļo̧k jen kajoor an juon doulul in kōrā ro reippān doon. En̄in ej baj m̧ōttan wōt ennaan eo an bisop eo an Elizabeth kar jilkinļo̧k n̄an Joshua ilo Aujipitōļ awa ko ālkin an nin̄nin̄ eo kar ļotak: “Būreejtōn eo an Doulul an Kōrā eaar peek men otemjej. Em̧ōj am kadede kalōk juon karōk n̄an tokālik n̄an jipan̄ leddik ro nejūm̧ ilo m̧weo bwe Elizabeth en maron̄ etal im itok n̄an aujipitōļ tōre eo nin̄nin̄ in ejjeļo̧k etan ej pād ijeņ. Kōm̧ kar kōm̧m̧ane m̧okta, kaitokļo̧k iien, im ro [m̧ōttam] raar m̧ōņōņō kōn wāween eo em̧m̧an n̄an er.
Bisop eo eaar etal wōt im ba, kōn e make im ward eo: “Kōm̧ ar barāinwōt itok n̄an aujipitōļ eo im kar jijet ippān ajri ro ilo ruum̧ in ikkure eo ke m̧am̧a ro rekar jab kōņaan in likūt er ijoko jet.”
Innām: “Kōm̧ij jab kōm̧m̧ane karōk eo am ilo an ejjeļo̧k pepe im mālim jān eok, aaet. Baj kōņaan bwe kwon jeļā bwe kōm̧ij inepata kōn men otemjej kōm̧ij kōm̧m̧ane.”
Ta eo raar kōm̧m̧ane n̄an leddik eo nejū eaar kapidodoik n̄an e bwen aiboojoj iien eo an m̧oktata ke eaar kein kajuon an jibwe, leddik eo nejin.
Im bishop eo eaar kiil ennaan eo n̄an Joshua im Elizabeth ippān juon eo me sister ro raar leļo̧k an doon jen kalim̧m̧ur eo aer aolepān laļ in n̄an jerbal n̄an ro jet n̄an M̧aajta eo. “Dāpij tōmak eo.”
Kōn aolep oktak ko ami ilo jekjek ko an kajjojo im en̄jake ko m̧okta, imaron̄ jiron̄ kom̧ juon men eo epād im̧aan n̄an kom̧. Ilo ami dāpij tōmak eo, kom̧ naaj lo kom̧ make ro rej ruwainene jen Irooj emakijkij n̄an jipan̄ juon eo epād ilo aikuj n̄e enaaj meļak. Ej waļo̧k āinwōt juon jerbal enana im bōlen ļapļo̧k an pen. N̄e kūr eo ej itok, emaron̄ āinwōt n̄e kwoj aikuj in pād ak bwe ewōr bar juon emaron̄ kar leļo̧k jipan̄.
Kememej bwe n̄e Irooj ej kōm̧m̧an bwe jen jipan̄ jabdewōt ilo en̄taan, jej kautiej Risamaria eo em̧m̧an kōn ta eo eaar jab kōm̧m̧ane barāinwōt kōn ta eo eaar kōm̧m̧ane. Eaar jab eļļā ļo̧k wōt n̄an jikin eo rājet men̄e riitoitak eo ejorrāān ilo iaļ eo eaar juon ruwamaijet im bōlen juon rikōjdat. Eaar kōm̧m̧ane ta eo emaron̄e n̄an em̧m̧aan eo em̧ōj m̧ane innām likūti ilo jikin ilo juon karōk ejenolo̧k n̄an an ro jet kōm̧m̧ane ijo elapļo̧k. Eaar kōm̧m̧ane men eo kōnke eaar meļeļe bwe jipan̄ emaron̄ aikuji eļapļo̧k jen ta eo juon armej emaron̄ kōm̧m̧ane.
Katak ko ilo bwebwenato in emaron̄ tōl kom̧ ilo jabdewōt wāween emaron̄ waļo̧k ilju im jekļaj. Ejja katak kein wōt raar pād ilo tōre ko kom̧ij iddik im en̄jake ko kiiō.
Diktata juon kōttan, im bōlen emakijkijļo̧k, kom̧ ar bwilōn̄ ke kom̧ ar jelm̧ae juon eo epād ilo kōjparok. Emaron̄ kar juon m̧am̧a im baba, bubu ak jim̧m̧a, juon sister, ak juon ajri, juon brother ak juon sister eaar en̄taan jen nan̄inmej ak utame. En̄jake in tūriam̧o ko ami raar waļo̧k ioon kōņaan an armej ļōmņak kōn juon mour eo ejjeļo̧k burom̧ōj ie. Kōn menin kom̧ ar jino leļo̧k jipan̄.
Āinwōt riitoitak eo ilo bwebwenato eo jen jeje ko rekwojarjar an Risamaria eo em̧m̧an, ej āinwōt jipan̄ eo aikuji eaar oktakļo̧k n̄an kōjparok eo eaitok kitien jen kom̧ maron̄ kōm̧m̧ane jen kom̧ make. Risamaria eo eaar aikuj in eļļāļo̧k jen riitoitak eo n̄an an kōjparok rilale model eo. Karōk eo an Irooj n̄an jipan̄ ro jet ilo aikuj ej letok tiim ko.
Bisop ro im būreejtōn ro an Doulul eo an Kōrā aolep iien rej karuwaineneik membōr in baam̧le ko n̄an jipan̄ ro jet n̄e ewōr juon aikuj. Elōn̄ un ko rellōn̄ n̄an pedped rot in. Un eo eaorōktata ej n̄an bōktok kōjeram̧m̧an n̄an elōn̄ļo̧k armej iakwe eo eļapļo̧k me ej itok jān jerbal n̄an doon.
Kom̧ ar etali im en̄jaki kōjeram̧m̧an in. Jabdewōt iien kom̧ij kōjparok jabdewōt aaet ium̧win juon iien ekadu kom̧ ar en̄jake iakwe n̄an armej eo kom̧ ar jipan̄ e. Ilo an iien eo n̄an kōjparok aikuji ļapļo̧k kōjparok, en̄jake in iakwe āinwōt eļapļo̧k.
Kōnke jej armej wōt, ļapļo̧k ilo iakwe maron̄ bōbrae jen en̄jake in ebbeer ko im mōk. Menin ej bar juon un etke Irooj ej kōtļo̧k ad jipan̄ ro jet ilo jerbal in jipan̄ n̄an jabdewōt ro repād ilo aikuj. En̄in ej etke Irooj eaar kōm̧anm̧an doulul in rikōjparok ro.
Jejjo wiik remootļo̧k iaar pād āinwōt juon rose an jiron̄ n̄an rejtak ilo juon kweilo̧k in kwojkwoj āinwōt juon rijipan̄ ej kōpeļaake jerbal in loļo̧k an kōrā ro. Iaar kōļmenļo̧kjeņ eļan̄n̄e eaar jeļā ewi jon̄an an Irooj kautiej e im leļo̧k n̄an e im ān̄inn̄in e. Kōnke nin̄nin̄ eo em̧ōk ilo pein, kōn menin eaar aikuj in etal jen kweilo̧k eo m̧okta jen aō kar maron̄ jiron̄ ļo̧k ewi jon̄an an Irooj iakwe im kam̧oolol e kōn an jipan̄ Kōpeļaake kijejeto ko an rikaļoor ro An.
Kea kōn jabdewōt ilo aikuj ebōk juon tiim, juon doulul eakwe im ippān doon. En̄in ej ta eo Irooj ej kalōk ilubwilijimi. Ej iakwe kom̧ kōn jabdewōt m̧ōttan eo kom̧ij kōm̧m̧ane.
Juon kam̧ool kōn kautiej eo An ej bwe Anij ej kōtļo̧k ami en̄jake ļapļo̧k in iakwe n̄an jabdewōt ro kom̧ij jerbal n̄an er. En̄in ej juon un etke kom̧ij jan̄ ilo mej an juon kom̧ ar jerbal ippān ilo juon iien eaitok. Luuji iien em̧m̧an eo n̄an kōjparok er maron̄ en̄jake āinwōt juon luuj eļapļo̧k jen jidik eo ej jidik wōt iien. Iaar ron̄ kōn juon kōrā, wiik eo ļeo ippān ar mej, eaar kwaļo̧k juon an naan in kam̧ool im kam̧oolol kōn iien em̧m̧an eo an eaar jerbal n̄an ļeo ippān n̄an jem̧ļo̧kin mour eo an. Ejjeļo̧k dān in kōmjaļaaļ eaar waļo̧k ak an m̧ōņōņō im ettōn̄ eaar waļo̧k.
Men̄e jipan̄ in iakwe eo eaar ilo̧k n̄an armej elukkuun eļap, kom̧ ar katak bwe ewōr jon̄an ko n̄an ta eo emaron̄ ilo ānbwin, en̄jake, im ilo jāān. Armej eo ej leļo̧k kōjparok eļap jen jon̄an emaron̄ erom eo im ej aikuji kōjparok eo.
Irooj, eo ej Maajta eo ej Rinaajdik armej ro reaikuj, eaar leļo̧k im̧we in kapilōk n̄an rikōjparok ro rōm̧ōk ilo naan kein ilo Bok in Mormon eo: “Bwe kom̧in maron̄ etetal ilo ejjeļo̧k ruōmi im̧aan Anij…, ikōņaan bwe kom̧in leļo̧k m̧ōttan m̧weuk ko ami n̄an ro rijeram̧ōl, kajjojo armej ekkar n̄an men eo ewōr ippān, āinwōt najdik ri kwōle, kanuknuk ri kelwaan, loļo̧k ri nan̄inmej im leļo̧k n̄an aer rōļo̧k, jim̧or ilo jetōb im ilo kanniōk, ekkar n̄an kōņaan ko aer.”6
Ak Ewōnm̧aanļo̧k wōt n̄an kakkōl jabdewōt ro remaron̄ likjab n̄an uwaak n̄an kam̧ool eo kom̧ij iuniļo̧k wōt ettoļo̧k im aitok ilo jerbal in jipan̄ eo ami: “Im lale bwe aolep men kein rej kōm̧m̧an ilo loļātāt im kwoņ; bwe e jab aikuj bwe juon armej en ettōr mōkajļo̧k jān kajoor eo an. Im bar juon alen, emenin aikuj bwe en tiljek, bwe en maron̄ tōblaļ e wōnan eo; kōn menin aolep men kein rej aikuj kōm̧m̧an ilo kwoņ.”7
Kapilōk in emaron̄ in pen n̄an ļoori n̄e kālet wāween am bōļane kōņaan eo jan kōm̧m̧ani men otemjej komaron̄e n̄an jipan̄ ro jet kōn māletlet eo n̄an kōjparok aikuj ko am n̄an am maron̄ wōnm̧aanļo̧k im jerbal. Komaron̄ kar lo an ro jet en̄taan kōn kālet ko reppen. Juon waanjon̄ak ej kālet eo n̄an kōjparok n̄an juon armej ej kepaakļo̧k jem̧ļo̧kin mour eo an ilo m̧weo ak ilo juon jikin kōjparok ijo komaron̄ epaak n̄an m̧ōk.
Ta eo kom̧ jeļā kōn karōk in lo̧mo̧o̧r eo maron̄ ami tōl ilo kālet ko reppen. En̄in ej juon un etke Lucy Mack Smith eaar ba bwe sister ro raar “bōk kōmeļeļe.”
Ej jipan̄ n̄an bōk juon kam̧ool em̧ool kōn kōttōpar eo an Irooj n̄an aolep ajri ro nejin Anij ilo en̄jake in epen an mour in. Eaar katakin aorōk eo an karōk in lo̧mo̧o̧r eo n̄an Rikanaan Joseph wāween in ilo An kakkōt n̄an meļeļe apan̄ in kōn mālijjon̄ ko ejjeļo̧k jem̧ļo̧kier: Irooj ej ba bwe eļan̄n̄e enaaj kijinmej kake, Anij enaaj lelōn̄ļo̧k e ioon ijo eutiej.8
Kālet eo ad ej n̄an jipan̄ jabdewōt jen malijjon̄ ko reppen innām erom, “Kooj ta eo ij aikuj ļoore eo enaaj jipan̄ armej eo ij iakwe n̄ane kijinmej kake?” Kōttōpar eo ad ej n̄an ad kōm̧m̧ane einļo̧k wōt n̄e jemaron̄ kōjerbal tōmak eo ad ilo Kraist, dāpij wōt juon kōjatdikdik eo emeram an mour indeeo, im kōjerbal iakwe em̧ool, iakwe erreo an Kraist, n̄an jem̧ļo̧kin mour an ļeo ak lieo.
Iaar lo sister ro rej pedped wōt ioon Rilo̧mo̧o̧r eo im kōttōpar eo An ilo aelōn̄ in kiin̄ in. Ļōmņak kōn iien eo kom̧ ar etal n̄an ruum̧ eo an Doulul eo an Kōrā ro ak Būraimere ak ijo Doulul eo an Jiron̄ rej kweilo̧k ie.
Juon pija in Rilo̧mo̧o̧r eo ak naan ko An remaron̄ jab kam̧ool eo, ak kom̧ jeļā juon naan in kam̧ool em̧ool im aorōk an Pinmuur eo An kar en̄jake awa eo. Emaron̄ jab juon pija an juon tampeļ ekwojarjar ak naan ko “Baam̧le ko Remaron̄ Pād n̄an Indeeo,” ak kom̧ maron̄ loe kōjatdikdik eo ilo ettōn̄ dikdik ko aer.
Im em̧ōj kar ami loi, āinwōt n̄a, juon riloļo̧k m̧ōko an kōrā emāletlet ej kalōk lōke ilo juon sister ej kate bwe jerbal eo an n̄an juon armej ej menin aikuj im aorōk wōt. Būreejtōn ro reļļap an Doulul eo an Kōrā ro rej lo wāween ko n̄an kōm̧m̧an bwe jabdewōt ro rej aikuj jipan̄ rej bōk jipan̄ ilo kōjparok an ro jet. Rej kōm̧m̧an iien ko rem̧m̧an n̄an sister ro n̄an kijinmeji mālijjon̄ ko barāinwōt ilo aer kōjparok doon ilo iakwe em̧ool an Kraist. Eo emaron̄ kitbuuj rōjan̄ rikōjparok eo em̧ōk n̄an kakkije im errā ilo bōk jipan̄ an ro jet.
Sister ro rej kapidodo menin jen aer jab m̧ōkaj in ekajet ro rej jelm̧ae mālijjon̄ ko. Enan̄in aolep armej rej inene kōn eddo ko reddo im jino pere er make im aorōk eo aer make. Jej kōmeraikļo̧k eddodo ko āinwōt jaar rinan̄inmej ro kōn m̧ōjņo̧ ko aer im m̧ōņōņō kōn jabdewōt em̧m̧an jemaron̄ loe ilo er. Irooj ej kōm̧m̧ane menin. Im jemaron̄ ļoor waanjon̄ak eo An—E ej rikaajiriri eļap an aolep ro repād ilo aikuj.
Jej ekōnono emakijkij kōn kajoor eo an doulul eo an sister ro ilo Kabun̄ eo an Jisōs Kraist. Jenaaj ekkatak n̄an kile bwe Rilo̧mo̧or eo ej aolep iien pād ilowaan doulul eo ilo ad karuwaineneik E.
Elōn̄ im lōn̄, jenaaj lo leddik ro nejin Anij rej karuwaineneik sister ro ilowaan doulul in ippāer. Ilo an sister ro itok n̄an juon kweilo̧k im pukōt juon aer jea, renaaj ron̄ naan ko remera, “Jouj, itok im jijet ippa.”
Jenaaj ron̄ naan ko ilju im jekļaj Lucy Mack Smith eaar loe m̧okta n̄e sister ro renaaj “jijet ilo lan̄ ippān doon.” Jej jab m̧aanjebpopo n̄an raan in ilo juon iien. Enaaj itok jān raan ko im iiō ko ilo kōjparok doon im bōk naan in mour indeeo laļļo̧k ilo buruwōd.
Ej aō jar bwe elōn̄ iaadwōj enaaj pād ippān doon ilo ilju im jekļaj in eaiboojoj eo epād im̧aad. Ij kwaļo̧k n̄an kom̧ aō naan in kam̧ool bwe ami kōjatdikdik n̄an raan ko renaaj kwaļo̧k. Irooj Jisōs Kraist, jen Pinmuur eo, an ejjeļo̧k jem̧ļo̧kin eaar kapidodoik n̄an kōj kajjojo. Jemedwōj Ilan̄ ej ron̄jake im uwaaki jar ko ami retōmak kōn tōl im kōn jipan̄ n̄an niknik ilo jerbal in jipan̄ eo ami n̄an E.
Jetōb Kwojarjar eo kar jilkinwaj n̄an kom̧ im n̄an jabdewōt ro iaami rej kea kake. Kom̧ naaj kajoorļo̧k im im̧we n̄an jeļā jon̄an ami maron̄ n̄an jerbal. Jetōb eo enaaj kainōm̧m̧an kom̧ n̄e kom̧ij ļōmņak, “Ebwe ke Aō kar kōm̧m̧ane?”
Ij kam̧ool bwe Irooj enaaj pād ippami im bwe ami iaļ enaaj pojak im kōkkaļeik n̄an kom̧ jen E ilo ami jerbal n̄an jabdewōt eo E ej iakwe ilo aer aikuj im mālijjon̄ ko. Ilo etan ekwojarjar an Jisōs Kraist, amen.