Náánáła’ Nee Adi’nídíín bił Hólne’
Neill F. Marriott ake’eshchį́
At’ééké Alą́ąjį Bi Nat’áánii Naaki Góne’ Dah Sidá
Nihee ’oodlą̨́’ bidziilgo bee nida siidzį́į doo, dóó na’nitin t’áá aníinii bee háádeedzih dooleeł.
Díí tł’éé’ baa hadeesdzihígíí éí naakigo nihinaanish dahyiidlééł: áłtsé góne’ t’ááłahjį Jesus Christ bina’nitin dóó Bi bee’á’di’nídíín bídahwiil’aah goo, bee da hiinii’náadoo, áádóó, naaki gone’ éí na’nitin dóó adi’nídíín náaná ła’ bił dahwiilni’ doo.
Da’ ayóo íínílį́įgoo’ísh niłbééhózin? T’áá’ anółtsǫ---t’áá k’ad--- íínilínígíí binahjį nihiZhé’é Diyin God, bi nahat’a bee yisdá diidááł goo yá nahaz’a’. Nihinaanish hólǫ́. Bi nahagha’ hasht’e’ ánályaa’ígíí t’áá’aníigo nihił bééhózin. Da’ áko’ísh t’áá’aníníinii bá siidzį́į goo bee hasht’e’ áda’díilzin? Bee hiinii’ná dooleeł; bee nida’niitiin doo. Nihee’oodlą́ nihidziil goo bá siidzį́į doo dóó Jesus Christ bina’nitin t’áá aníinii bee háádeedzih dooleeł.
Bini’anit’ą́ą́tsoh 2014 biyi’ Ensign and Liahona,Eldir M. Russell Ballard kót’ao ak’e’eshchį́: “Sáánii ła’ t’áá’íyisíí nizhónígo hadahidzih’ígíí daniidzin. Éí diyin bi na’nitin yídahodooł’ááł dóó deeniidlánígíí yik’idadidootį́į́ł, ákoh bee oodlą’ yee háádadoodzih dooleeł.”1.
Shádí dóó adeezhí, ninahjį Jesus Christ yinishdlánígíi náásgo bee shidzil. Nihoosh’į́ dóó nihee oodlą́’ baa háádaadzihgo disíts’ą́ą́, nahasdzáán bikáagii Brazil dóó Botswana da holyéejį nihee oodla’ shi deesnáá’! T’áá nanináágóó diné nits’ą́ą́dóó nidzil goo yaa’ákoh danízin. Diné ninaagó naakai’ígíí bił bééhózin---nighaan haz’ą́ądi dóó béésh bee hani’í bee bichį yáníłti’ígíí dóó béésh bee náłtąshí bee nik’is danilínígíí inda díítł’ééh níígha dasidáh’ígíí bitah nádleeh. Sister Harriet Uchtdorf ak’e’eshchį́, “Ni….ayóo ná’áhwiinítį́ dóó bínindlį́ azhą́ díí nahasdzáán bikáágii doo yá’á’hootéehda ndi, nee iina’ bitsą́ą́dóó diyin bi na’nitin baa hózhónígíí át’éigoo dayaoo’į́.”2
Alą́ąjį Naatáanii, Thomas S. Monson ání, “Náánáła’ ádi’nídíín baa deesh lééł nínízingo, éí nih áłtsé nitsá’di’nídíín doo.”3 Haash yit’ao t’áá aníínii t’ááłahjį’ nihitah adinídíín dooleeł? Shí łada doo hózhǫ́ shi ts’á’di’nídíin da nisin łeh. Haash yit’ao éí yéígoo nihits’á’ di’nídíín dooeeł ?
Diyin God bizaad biyi’dóó kót’áó na’nitiin, “T’áádoo le’í yá’ádaat’é’ígíí éí Diyin God bi bee áadinídíín ádaat’é; dóó adinídíín néidiiláhígíí, dóó God yikéé sizį́į goo, éí adinídíí’ígíí ła’ baa náá náłyéé.”4 T’áá God bikéé’ yiidáałdo, Diyin God bi naaltsoos bikáa’. Adinídíín bichį yiikahdoo---Yá’ąąshdi NihiZhé’e’ dóó Jesus Christ dóó naałtsoos diyinígíí bich’į. Diyin God Bighaan Ntsaa góó ałnánéedaa doo, ákóne’é bee nanitiin’ígíí éí Christ baa íhoo’aah, éí nihił bééhózin, bi bee iiná yee nihá niná’ídlá’ígíí ałdó’ bóhoo’aah.
Diyin God Bighan Ntsaa binaagó ádahoot’éhíí baanitsínkees. Kin naaznilgóó da nizhóní; dóó dayisk’id dę́ę́’ bitsá’da’di’nídíín. Ha’át’ísh biniinaa bits’ą́ą́dóó hozhóníyee’ dóó bits’ádóó adi’nídíín? Diyin God bizaad dashijaa’, “T’áá aníinii éí bitś’á’adi’nídíín,”5dóó Diyin God Bighan Nitsaa t’áá’aníinii biyi’ dóó hool’áágóó bídéét’i’; nidó ákónít’é.
1877 yihaah yę́ędą́ą́’ Naat’áánii George Q Cannon alą́ąji dahsidáa goo kódíiniid…”T’áá God Bighah Ntsah naaznil góó Chį́įdii doo hózhǫ́ bidziilda.”6 Shí yinishdlą́ą goo éí t’áá háádishį́į́ Diyin God Bighan Nitsaa ła’ si’ą́ǫ, binaagó chahałheeł t’ą́ą́ kóyósin. Diyin God Bighan Nitsaa éí diné bá’ályaa dóó nihiTáá’ ba’áłchíní baa nídookah dóó yił kéénááhót’į́į dooleeł biniyé naaznil. Da’ nihíísh díí Diyin God Bighan Ntsaa yishdlééshígíí gi’ádaniit’é ? Nihíísh nánáła’ bí ká’andeílwo’ doo dóó bił chahałheel yę́ę nahó ádoonííł goo ísh bíká’adiilwoł dóó Yá’ąąshdi nihiZhe’e’ bits’á di’nídíín bich’į’ji goo nídoodááł?
Diyin God Bighan Ntsaa góne’ na’anish’ígíí éí Christ binahjį nihee oodlą bidziil dooleeł, áádóó binahjį nááná ła’ bidziilgo da’oodlą́ da dooleeł. Diyin God Bighan Ntsaa góne’ hodiyin, Yisdá’iinííłii nihaajooba’ dóó bidzil dóó t’áá anííh nihá ti’hooznii’ nihił bééhózin dooleeł.
Dikwii shį́į́ naahai yę́ędą́ą́’ nihichį naahwisnáá’. Diyin God Bighan Ntsaa gó nisíyá dóó shił yinííh hólǫ́ǫ sodeeszin. T’áá aníínii shił ííshją́ą́ ályaa. Niłtóolígoo doo bee shidziil’ígíí shich’į ályaa dóó shiyaa hodeesyiz. T’áá hooshch’į diyin goo nashi’di’neeztáá’, ákoh asdzááni t’áá bí nízinígi’ átao t’áá doole’í ííł’į́įgoo yiiłsą́, doo yee’ Bóhólnííhii yinizin gi’at’ao ádoolnííł nízinda dóó t’áá bi yee ádahoo’nii goo yiłtsą́. T’áá shí ádi’nísh’į́į lą́. Shijéí biyí’dóo nihiZhé’é yá’ąąshdi kóbidííniid,̨“Shí asdzááni ákót’éhígíí nishłį́į̨goo doo nisinda, hash yit’áo łaho ánísht’éidoo?” dishníigo bich’į yishchah.
Diyin God Bighan Ntsaa biyi’ góne’diyin k’éhjí ła’ shił ííshją́ą́ ályaa. Yisdá’iiníiłii t’áá’íyisíí shá nidzin goo nashidi’neeztą́ą́. T’áhoshchi’ Yisdá’iiníiłii Jesus Christ baa nitsidíkééz dóó bee yiníł nishłínée nahó hódzaa dóó shijéí biyi’di yá’áhoot’ééh násdlį́į́. Yisdá’iiníiłii binajį ha’ííníshnóo bąą dahsítíidoo nisin. Shił niłtóólí yee’, asdzáání t’ábí t’éí ádaantsíkees goo éí God bi ana’í nilį́”7dóó binaaǵó diné ałdó’. Diyin God Bighan Ntsaa góne’ Jesus Christ nihá bitsíís náádiilyá’ígíí binajį t’ááshí nisin née łahoo ándeeshdlííł dóó binaji’ yá’át’éé’ígíí bííníshgha dooleeł. Ayóó’áshoo’ní shitah hazlį́į́ dóó níłch’i diyin’ígíí yee nashídínóotį́į́ł dóó łaho áánshidoodlííł, jó shijéí t’áá át’éh ba’di’ní’ą́ągo dóó doo t’ą́ą́’ nishłį́į́góó.
T’anidi łahda doo shidziil da, ndi Jesus Christ nihá ti’hooznii’ígíí binahjį shíká’ adoowoł ba’ííníshłí. Shąąnidookał dóó shił bééhodoozįįł nisinée, Diyin God Bighan Ntsaa góó nisiyáagoo, niłtólí goo shich’į ályaa. Shitah hódaaz goo ákǫ́ nisíyá dóó Yisdá’iiníiłii shee hólǫ́ shił bééhózin goo ch’íníyá íinda bee adi’nídíín nídiilá dóó bee lą́ asíłį́į goo binajį shił hóózhǫǫd.
Nahasdzáán bikáagii Diyin God Bighan Ntsaa łahó naaznil, azhą́ łaho ádanoolin, ndi hóne’é éí hool’áágóó adinídíín dóó t’áá aníí na’nitiin éí t’áá át’é aheedaałt’éh. 1 Corinthians 3:16 biyi’ éí kót’ao deé’níilta’, “Da nits’íís éí Diyin God Bighan Ntsaa’ígíí yił aheełt’é dóó God bi Níłch’i diyinii nii’ silágo’ish doo nił bééhózinda?” Nihí éí God bitsi’ daniidlį́h, ákoh Diyin God Bighan Ntsaa nahalingo nahasdzaan bikágii dahoniidlǫ́h dóó t’áá ániit’é łahoo ádaniidlin, Diyin God Bighan Ntsaa gii’ át’áo. Áádóó diyin k’ehjí nihi ii’sizíinii ałdó bits’á di’nídíín, Diyin God Bighan Ntsaa nahalin goo. Díí adinídíín éí Yisdá’iiníiłii bits’á’di’nídíín nahalin. Náánáła’ adi’nídíín yaa ákó danízin dooleeł.
T’áá ’áníiltsǫ nahasdzáán bikáagii nihinaanish łaho at’é---ach’é’é daniidlį́, amá daniidlį́, naat’áanii daniidlį́ dóó na’nitiní dóó nideelnish dóó ła’ nihich’ooné dahólǫ́ dóó lą’í goo nihinaanish hólǫ́. T’áá’áníit’é nihitś’ą́ą́dóó óhoo’aah. Nihinaanish t’áá ’at’é yá’át’ééh’ígíí bee ééhozin, Jesus Christ bi na’nitiin t’áá’aníí dóó Diyin God Bighan Ntsaa góne’ ałhadadiit’ą́ née bee dahiinii’náa doo.
Eldir D. Todd Christofferson kódíiniid, “T’áá baa na’aldeehíí, amá bi na’nitin éí nááná ła’ bilááhóó bi nanihinitin ílį́įgo bíighah.8
Niha’áłchíní adałts’íísí yę́ędą́ą́’, tsin naa’eeł’í, sha hastiin David bił tsin naa’eełí bi bikéédóó sizínígíí nishlį́ niizįį́’ dóó niha’áłchíni éí t’ááła’í nítínígoo bi tsin naa’eełí yázhí bee dahólǫ́ nisin. Nihinaagóó tó biyi’ nidaa’eeł nisin. Ákót’ao nahasdzáán dee diiltsééł biniyé hasht’e’ ádá’diilnéé. Shí dóó David éí t’áá’ákwííjį́ Bóhółníihii éí háájigoo niha’áłchíní bił nihił oo’ooł doo nabídíilkidgo biniyé bich’į́ sodiilzin.
T’áá ákwííjį́ naanish ádoolníł’ígíí baahoyos na’ígíí hólǫ́, éé’ ahą́ą́doolyééł dóó áłchíní naałtsoos bich’į ajółta’go dóó ch’iiyáán álnéego da. Łada hooghandi t’áá doole’í doo baa ákóhniidzinda--- ahił sodadiilzingo, diyin bi naałtsoos deíníilt’a, hooghan haz’ą́ądi nida’niitingo----díí bitsą́ą́dóó ílíinii hólǫ́. Shił bééhózin, hooláágóó ílį́. Nihił hózhǫ́ǫ́ łeh tsin naa’eełí yázhí---niha’áłchíní---danóóséełgo, Jesus Christ bi na’nitin bitsą́ą́dóó adi’nídííngo “Diyin God yá nidaalnish doo.”9 Nihee ’oodlą áłtsíísígoo nihi naanish dóó náánáła’ bíká anéelwogoo éí binaji’ God bikéé’ yiikah doo, áádóó hooghandi kéédahoot’ínígíí dóó nihik’is dóó bił áłah néedlee’ígíí éí hool’áágo adinídíín dóó ayóo baa hózhónígíí bee hólǫ́ǫ dooleeł. Nits’áádóó adzil nee hólǫ́!
At’ééyázhí Primarygoo ałnánádáá’ígíí éí bi oodlą’ binaji’ yił keedahat’ínígíí bitah hółdzil. Díí hane’ baa ntsínkees, Shich’é’é bi oodlą’ bidzil. Kin dahshijaa’di Park góó áłchíni bił nisiikai. Ashkii yázhí nihitsą́ą́ yóó’ ííyá. Nihita hóóyéego ła’ałyóígóó ch’ééh hadaniitá. Shich’é’é náhast’éé binááhai goo ayóo bee ’oodlą bidzil, Primaryji atah nilį́į. Shigaan yótągo kó shidíiniid, “Shima, Da’ sodadidiilzįįł ísh?” T’áá’aníí aníígo haadzíí’! Diné nihinaagó ła’ daníhół’į́į goo, ahíikai, nihi yázhí bá sodasidiilzįįd. Ch’íín dasiilt’e’. At’ééké, Primaryjí atah danoołínígíí, kó nihidishní, ”Nimá dóó nizhé’é’ sodadidiilzííł dabidoníi doo!”
Shįįdą́ą́’ Alaskadi at’ééké áłah silįį. 900 ánéelt’e’go áłah silį́į́’. Ayóo dashidiyeesnáá’. Kót’ao Diyin Kehjí hast’e áda’diidzaa, Naaltsoos Morman Wolyé’ígíí ałtsǫ dayíłta’ dóó “Christ Hiiná: Naaki Ts’áádah Bikéé’ Naazínígíí bee ’Oodlą’” yídahooł’áá’. Táá bi tł’éé’ góne’ at’ééké t’áá áát’éé 900 ánéelt’é’ goo, nidaazį́į goo t’áá át’é yee ádadííniid.
Diyin Ii’sizíinii nihił hadéébįįd, dóó shí ałdó atah ádideeshniił nisin ndi, doo bíínishghada. Áadoo bóhool’ą́ąda biniinaa doo bééhonisin da.
K’ad éí saad dashija’ígíí, “Christ Hiiná” wolyé’ígíí bóhosh’aah, at’ééké gi’ át’áo. Bitsą́ą́doo éí bááh dóó tó shaa nákáágo Yisdá’iiníiłii bił ahi’diist’ánée bénáshnii dóó Naaki ts’áádah Jesus yikéé naakai’ígíí bee da’odlą́’ t’áá łahjį bee ádíshní. Bááh dóó Tó éí diyingo k’ad baanitsiskees dóó alááhó shił ílį́.
Díí yigha’ígíí, Késhmishjį ahoolzhizhgo Yisdá’iiníiłii łá’ baa deeshłééł nisin, éí éiya “Christ Hiiná” December 25th góne’ ałtsǫ bóhodeesh’ááł. Shí ałdo shits’ą́ą́dóó yá’át’ééh’ígíí bee íhodoo’ááł ---jó sáanii dóó at’ééké Alaskadi shinááł ádayiilaa.
Da’ nísh saad “Christ Hiiná” biyi’di dahshijaa’ígíí bee ádééhonílzin? T’áá aníiltsǫh, shikéé yínááł nihi díiniid. Christ éí Palestinedi, atiin yikáá’ tádííyá, bitah doo dahats’íídígíí yik’i sodolzin dóó bits’íís yá’át’ééh nidasdlį́į́, dóó diné doo da’oo’ínée da’oo’į́įgo áyiilaa, dóó ła’ daneeznánéé bits’íís ní née diidlá.”10
Nihí, asdzání daniidlínigíí Jesus Christ bi sodizin báhoghan atah daniidlínígíí éí doo Christ gii át’áo Palestinedi ni’da’atiin’ida, nidi bá sodadiilzin dooleeł, nihá ni’ná’ályáhigíí binají ayóó’óní bee ałtsą́ danilínígíí bá sodadiilzin do.
Doo Yisdá’iinííłii nahalingo, bináá’ ádaadinígíí doo da’oo’į́įgo ándeelne’da nidi yisdá áná’iilnéé bee nahast’ą́ éí diyin k’ehjí doo da ooínígíí nihee oodłą’ bił dahodiilnih. Anáá’ ąą’ájiilaa nahalingo Hol’áágo bee ahi’diit’ą́ą’ígíí éí Diyin Bi bee adziilii át’é, éí yaa’ákoh dínóozįłgo yiidoołtsééł.
Doo Yísda’iiníilii nahalingoo daneeznánigíí bee iina’ náádadiilyééł da nidi Diyin God Bighan Ntsaa’ígíí góne’ bízhi’ bá ya’adadiiltsoos dóó binaanish bá ádadiilníł. Ákoh éí bi’ii’sizíinii awáalya dę́ę́’ ch’ínált’e’ nahalin doo dóó hool’áágo iiná bá bighago hoolǫ́ǫ dooleeł.
Yisdá’iiníiłii, Jesus Christ éí hiináa goo shił beehózin, dóó Bidziil, dóó Bitsá’di’nídíín ákoh nahasdzáán bikáagii ch’ahałheeł nát’áá kódeéníilzingo bídeéníiga dooleeł, dóó t’áá’aníinii bee háádeedzih dooleeł, diné nihinaago nidaakai’ígíí nihinąjį Jesus yich’í’ yikah dooleeł. Díí Jesus Christ Bízhi’ binahjį ádíshní, Amen.