Chedaol Locholt el mo er a Ikelesia, Chedaol Locholt er a Klengar Kid
Aikel merael mei el klebesei eng mo diak el sebeched el mo selbechakl er a chedaol tekoi a lak a ulekrael, oterkeklel me a blechoel odbechel a Chedaol Reng.
Ng meral klebokel el techall el doldeu er tial temel a Baskua lobengkemiu er chelechal Sandei er tial klou el ongdibel! Ng diak a ngodech el mo uai sel doldeu er a kot el klou a belkul tekoi el mla duubech er a beluulechad el doldanges er a kot el klou a ultutelel chad el mla ngara beluulechad. Tial, Ikelesia er a Jesus Kristo er a Uriul-klebesei el Santo e ke de mengull er Ngii el ulemuchel er a Urerel a Tngakireng er a Sers er a Gethsemane. Ngii a kilengei el mo er a ringel el kirel a kengtid me a chelitechetud, el ngii el ringel a rirelii el mo mengerngars a resechel.” Ng mlekerus er a Kolkata e milekiis er a ongedei er a klebesei el mle kot el mekiis el chad er a rokui el ngelekel a Demad er a Babeluades. Ng betik a renguk er Ngii e sioning el kmo Ngii a ngar! Ngii a omtebechel e omekrael er a Ikelesia er Ngii.
A lak a Tngakireng er a Osobeled, eng diak a ta er kid el mo sebechel muut el mo er a Demad er a Babeluades. A lak Okisel er a kodall, e a kodall a mo ulebengelel. A Tngakireng er a Osobel a uchul eng sebeched el mo nguu a diak a ulebengelel klengar me a diak el luut el kodall el mo er a rokui el chad.
Ngokiu sel kot el ngarbab el urerel me a budech el Ngii a mesterir a roltirakl er Ngii a uchul e a bechik er a, Wendy, me a ngak a milchesuar ongelaod er sera January 2, 2018, er a ki bekar er a dengua louchais el kmo a President Thomas S. Monson a mla mo smecher.
Kede mera sabisi er a President Monson! Ke de mengull a klengar ngii me a dikesel lebilechei. Ng smiich er a chedaol tekoi, e milechei a diak dobes el omerellel er tirkel mle medengelii me a chelsel a Ikelesia el ngii a kmal mle betik a rengul er ngii.
Sera Sandei, el mle January 14, 2018, er sel rebab el delmerab er a Salt Lake Temple, e a First Presidency a liluut el mechederoder er a beot e kmal chedaol teletael el Rubak a mla kudmeklii. E a chelii er a tutau er a temel ongdibel, e a rechad er a Ikelesia er a beluulechad el rokir a uldars chimorir lolchotel aikel osisiu lomeruul el milekdmokl ruchei er a re Apostol. A kmal ngara omereng el saul el kirel a klaumera er kemiu.
A kmal mereng a sulir tirkel luleak kuchei er ngak. Ak mereng a saul er a techall el kulesiou el ngara chedal a Chelechad er a Teruich me a teru el Apostol el okeua me a eua el rak e kmal mlo ungil medengelterir a reteruich er tirkel President er a Ikelesia. Ng betok ak siluub er a redersta er tir.
Ak dirrek el mereng a sulir a ruchelek. Tirkel teai el uchelek a rokui el ulebult el mo chedal a Ikelesia er a beluu er a Europe. Dersta er tirkal chad a mlo chuarm el kirel a mei er a Zion. Eng di aikel telcheroll ruriul er tir, a dimlak el tir el rokui el uchelek a millemolem el mesisiich er a klaumerang. Sei a uchul, e ngak a dimlak mukeroul er a chelsel ebangkelio.
Ak chemat er a rechad er a blik. Ng mle meklou a belkrir el mei er ngak e ulsisecheklak a meklou a belkul suobel. Ng diak el sebechek el mereng a sulir er a ungil delengchokl el tir a kildmeklii el kirek me a rebebil er ngak. E ng di, se er a ak ngalek, ak mle medengei el kmo ng mlar ngii a dibus er klengar ngak. A tara klebesei e ak ngilasech er a mlai er a beluu e mlo er a blil a oteruul hong er a rechad er a LDS losiik er a hong el kirel a Ikelesia. Ng kmal mle soak el mesuub el kirel ebangkelio.
Sera bo kudengelii a Llach el kirel a Ulekerreuil a Bedenged, eng mle soak a rechad er a blik a bo loltirakl er ngii. Me a, tara klebesei el ksal dirk el ngeasek, e ak mlora chemrungel er blimam e mlo tmaut el meu aika el rokui el butiliang el blil a rrom! Ak ulemdasou el kmo a demak a mo kulebsengak, eng di dimlak a ngera el tekoi ledung.
A kurael klungang e bocha kudengelii a klebekelel a uldesuel a Chedam er a Babeluades, e ak mle blechoel uase, “Ng diak el soak a lmuut el beresent er a Kurismas! Ng kmal di soak el mo moak el mora rechad er a blik.” Tial urungulek a dimlak lemotaut el mol muut er a lengelakl er a okai a rekrir a rechad er a blik, eng di ng tilaut el tekoi. Ng diak el sebechek el mui el smodii a deureng el kulchesuar er sel sils, e a bek el sils e ak omelchesiou a deureng er sera bol merenged me ngak el mlo merenged el mo er tir.
Sera 1945, er a kngara skuul er a omesubel a kltoktang, e ak mlo bechil a Dantzel White er a Salt Lake Temple. Ngii me a ngak a mle ngeltengat er a tetiu el ngelekam el redil me a chimol sechal. Chelechal sils e tial mla mukeroul el telungalek er kemam a tara kmal klou el deureng er a klengar ngak.
Sera 2005, el kmeed el okolem el rak el ki bechiil, e a betik er a renguk er a Dantzel a di mle kiul mo smecher. Ng mle telkib el taem, el ak ngara dmolech el kelngitelreng. Eng di a klemechel a Basqua me a yaksok el kirel okiis er a kodall a silbecheklak.
E a Rubak a milkrolii a Wendy Watson el mei er ngak. Aki mlo moak el kaubuch er a chelsel a Salt Lake Temple er sera April 6, 2006. Ng meral betik a renguk er ngii! Ng kmal smiich el redil—el klou el klengeltengat el mei er ngak, me a telungalek er kemam, me a Ikelesia el rokir.
A dersta er a ikal klengeltengat a mlei lokiu sel kusiik e kultirakl er a odbechel Chedaol Reng. A President Lorenzo Snow a dilu el kmo, “Tia kmal klou el techall er a rebek el Uriul-klebesei el Santo … el lemelted el nguu a oterkeklel Chedaol Reng er a klengar kid er a bek el sils.”
A tara tekoi el Chedaol Reng a kmal klou a klisiichel er a uldesuek er sera kot el nguu tial beches el okedong el Merredel er a Ikelesia a sel blakereng er a Rubak lochotii a Uldesuel me a Soal. Sel techall el ngmai chedaol ocholt a tara kot el ngaruchei el sengk er a Dios el mo er a Rengelekel.
Ngokiu odbechel Chedaol Reng, e a Rubak a ngosukid er a ikel rokui el llemalt el dosiik. Ak lotkii a chelsel a delmerab er a botk, e ak mle dechor bita er a smecher el chad—el diak sal medengei el kmo ak mekera kumuchel er a kuk beches el teletael er a botk—e sola melchesuar Chedaol Reng louchais er a teletael er a uldesuek.
Sera kulekoi a chebechiil er a Wendy, e ak dilu er ngii el kmo, “Ak medengei a kirel chedaol ocholt e mekera knguu.” A mle nger ngii— sera bo kungil medengelii ruriul—eng bai dirrek el mla nguu a chedaol ocholt el kiram, el uchul eng mle sebechel kongei.
Ser ak chedal a Chelechad er a Teruich me a teru el Apostol, eng bek el sils el kululuuch el kirel chedaol ocholt e mirreng a sulele a Rubak er a bek el taem el Ngii a milngedecheduch er a renguk me a uldesuek.
Ka momtab er a mengasireng el teletelel! Ngii di el ngerachel er a Ikelesia dolab, eng sebeched el meluluuch el mo er a Demad er a Babeluades e ngmai a nger me a ulekrael, e muklatk el kirel a kengaol me a olibesongel, e mo sebeched el kudmokl aikel tekoi el dimlak el sebeched el di kid el kudmokl. Alsekum e kede meral nguu odbechel Chedaol Reng e mesuub el mo omtab e medengelii a Odbechel, e ke de mo mukrael er a meklou me a mekekerei el tekoi.
Sera bok meringel lomdasou el melilt er a reteru el mo counselor, e ak uase ak mekera e sebechek el melilt er a delongelir a reteruich me a teru el chad el betik a renguk er tir e mengull er tir.
Eng di ak medengei el kmo a ungil ulekrael a ultuil er a ungil tekoi, e ak mlara nglunguuch e mlo mengedecheduch er a dersta me a dersta er tirkal Apostol. E mocha berrotel el di ngak er a chelsel a templo e ulengit er a soal a Rubak. A kuchais el kmo a Rubak a silbedak el mo ngiltii a President Dallin H. Oaks me a President Henry B. Eyring el mo counselor er ngak er a First Presidency.
Osisiu el teletael, e a kuchais el kmo a Rubak a ulemekedong er a Elder Gerrit W. Gong me a Elder Ulisses Soares el mo moterekokl el mo Apostol er Ngii. Aki mengemedaol er tir el mo teloi er tial tokubets el chelechad er a klodam er a omesiou.
Sel ki bom keldibel el chelechad er a First Presidency me a Chelechad er a Teruich me a terung, e a delmerab er a mitelengam a delmerab er a chedaol ocholt. A Chedaol Reng a desa el ngar ngii. Sel kim kebetech a uldasou el kirel a chetituokel el tekoi, e a mengasireng el teletael a mocholt sel locholt a ngara uldesuel a dersta er tirkal Apostol. Ng uaisei el kakerous aikel kot el uldesuam, eng di sel beltikereng el ki molchesuar el mo er a ta me a tang a ngar ngii. A keltalreng er kemam a ngosukemam el mo metebengar a soal a Rubak el kirel a Ikelesia er Ngii.
Chelsel aikel mitelengam, e ng diak ki moba uldesuir a rubdois! Aki ngara nglunguuch e orrenges er a ta me a tang e chadecheduch el mo er sel ki moterkeklii a chimo el uldasou. E seikid e kemam a kongei er a uldasou, el odbechel Chedaol Reng a kmal mesisiich! Aki medengelii sel losischeklel a Profet Joseph Smith el kmo, “Sel doba keltalreng e ke de nguuu a klisichel a Dios.” Ng diak a chedal a First Presidency malechub a Chelechad er a Teruich me a terung a melib a teletael er a chelsel a Ikelesia er a Rubak el di oba sel oleko ngungil a uldesuel!
Rodam me a rodos, ke de mekerang e mo sechal me a redil—lolab a blekerdelel a Kristo—e mesiou er sel teletael el Rubak ousbech er kid? Ke de mekerang e metik a nger er a rrau a rengud el ker? Alsekum e sel teletael mlo er a Joseph Smith er a Chedaol Chereomel a osischeklid er a kmo ngerang, e ke de kmo a babeluades a nglai a chesmerel me a Dios a mengedecheduch er a Rengelekel.
A profet Joseph Smith a tilketekii a teletael el kired loltirakl er ngii er a kerid. Meng milenguiu er sel yaksok el ngara Jakobus el kmo a dousbech a llomes eng sebeched loker er a Dios, me a ngeasek el Joseph a ngiluu a keril e millemalt el mo er a Chedam er a Babeluades. Ngulsiik a chedaol ocholt, e tial teletelel losiik a milkengii chelechal uriul taem.
Osisiu el teletael, aikel mosiik ngerang momok el kirem? Ngera el llomes a molngesonges er ngii? Ngera sel momelchesiu lorechudel el bo modengelii? Moltirakl er a okesiu er a Profet Joseph. Mesikii a chelellakl el basio el sebechem el blechoel mong. Mnguu a ngerum el mo riou er medal a Dios. Mochotii a rengum el mo er a Demam er a Babeluades. Mobult el mo er Ngii el kirel a nger me a ongelaod.
Moluluuch el ngara ngklel a Jesus Kristo el kirel a kerim, dektem, me a chelitechetum—choi, aikel kmal ngara chelsel a rengum. E sola morrenges! Mluches aikel uldasou el me duum er a uldesuem. Mluches aikel momelchesiu e moltirakl lokiu omerellem. Sel momelekl er tial teletael er a bek el sils, bek el buil, bek el rak, e kau a mo “mukeroul er a chelsel chedaol ocholt.”
A Dios ng locha meral soal mengedecheduch er kau? Choi! Chom ko a chad a mlo sebechel tomer er a omeuachel er a Missouri eng locha dirrek el sebechel tomer er a Dios meng diak loltengel a llomes er a babeluades el mo er a uriuel-klebesei el santo.”
Lak bo moumededenger el kirel a kmo ngera klemerang. Ng diak el kirem el mo oumededenger el kmo ng techang omoumera er ngii. Ngokiu a chedaol ocholt, eng sebechem el nguu a sioning er kau el kmo a Babier er a Mormon a tekingel a Dios, me a Joseph Smith a profet, e tiang a ngii a Ikelesia er a Rubak. Ng diak el iior er a lolekoi me a loruul a rebebil, le ng diak a ngii di el chad el sebechel choridii sel sioning el ngara rengum me a uldesuem el kirel a kmo ngera klemerang.
Ak mengelechel er kemiu el muut el smisichii a duch er kemiu el mo ngmai a chedaol ocholt, le Rubak a mla yaksok el kmo a [omoker], e ko mo ngmai a chedaol ocholt, me a klemedengei, me bo modengei aikel mengasireng me a klebokel tekoi el ngii a meskid a deureng, el uchul a diak a ulebengelel klengar.”
Ng, meral lmuut el betok aikel Chedam er a Babeluades a soal a bo modengei. El uaia osischeklel a Elder Neal A. Maxwell, “Tirkel rokui el ngar ngii a mederir lomes me a dingerir lorrenges, ng bleketakl el kmo a Chedam me a Ngalek a merous aikel bertelel a beluulechad!”
Ng diak a ngodech el mekengii a babeluades el uai sel omklikiid, blekongesenges, meral losiik, e omekeek er kau er a tekingel a Dios er a bek el sils lokiu a Babier er a Mormon, me a temem el mo er a templo me a ureor er a reksi er a telungalek.
Ng uaisei, el ngar ngii a taem e ke locha mo omdasou el kmo a babeluades a chelsimer. E ng di ak yaksok er kemiu el kmo sel molemolem lolngesenges, e moureng a saul er a bek el klengeltengat el Rubak a meskau, em ngara klou el reng e mongiil er sel temel a Rubak, e ke mo ngmai a llomes me a klemedengei el kau osiik. A bek el klengeltengat el Rubak omechei el kirem—luldimukl ongasireng a mo—duubech. Tiakid a teletelel a chedaol ocholt el kirem.
Ak mesa ngar medad el mui er a klungiaol. Ng mo mui er a techall er a dersta er kid el mo mesisiich, olngeseu, e nguu ebangkelio el mo er a bek el merkelel a beluulechad. E ng di ngak a dirrek el diak sal ngara rrau beluu el kirel aika el merael mei el klebesei. Kede kiei er a chetituokel e klou a uldikel er ngii el beluulechad. A bek el bedengel a social media el ngar ngii me a chais el ngara news er a bek el sikang a oldechelakl er kid er a bek el bedengel a tekoi. Alsekum e ngar ngii a urunguled el mo ungil merritel aika kakerous el teletael me a uldesuir a rechad loldechelakl er a klemrang, eng kired el mesuub el mo ngmai chedaol ocholt.
A Osobeled e Olsobel er kid, el Jesus Kristo, a mo meruul a bebil er a kmal mengasireng el Urerel er chelechang el mong me sel luut el mei. Ke de mo mes a mengasireng el tekoi lolchotel a kmo a Dios el Chedam me a Betik er a rengul Ngelekel, el Jesus Kristo a bdelul tial Ikelesia el oba klisiich me a klebkall. E ng di, aikel merael mei el klebesei eng mo diak el sebeched el mo selbechakl er a chedaol tekoi a lak a ulekrael, oterkeklel me a ongelodel a Chedaol Reng.
Rodam me a rodos er ngak, a kulengit er kemiu me bo mongisois er a chedaol klengar kemiu el mo ngmai chedaol ocholt. Tial Sandei er a Basqua bol tokubets el taem er a klengar kau. Molilt el mo meruul aikel chedaol tekoi me bom ngara deureng er a sengk er a Chedaol Reng me bo blechoel rongesii a bleketakl el ngerel Chedaol Reng.
A kubengkel a Moroni, e olengit er kemiu er chelechal Chedaol Sils er a Basqua el “mei er a Kristo, e bo murrekodel a bek el ungil sengk,” lomuchel er a sengk er a Chedaol Reng, el ngii el sengk a sebechel mo ngodechii a klengar kau.
Kid a oltirakl er a Jesus Kristo. Sel kot el klou a belkul el klemerang el Chedaol Reng a mo sioning er ngii leko er kau a kmo a Jesus a Kristo, el Ngelekel a ngar el Dios. Ngii a ngar! Ngii a Sebechekled er medal a Chedam, e Okesiud, e Osobeled. Chelechal Sandei er a Basqua, e ke de oldeu er a tngakireng er Ngii, me a meral Okisel er a Kodall, me a chedaol klengar Ngii.
Tia Ikelesia er Ngii, el mla moluut lokiu a Profet Joseph Smith. Ak dirrek el sioning, lobengkel a beltkil a renguk leko er a dersta me a dersta er kemiu, el ngara chedaol ngklel a Jesus Kristo, amen.