Nizhǫ́nigo Diyin Ba’ałchiní dah nǫ́lį́

Naat’aanii President Russell M. Nelson Ák’eshch’į́

She’ ayóó’óó’ní dóó nihik’íjisdlí nighaa nishłé, áko nizhónígo Diyin bizaad déíyídoołta’, dóó bina’nitinígíí nihee’ iiná chódaałį́į́’ doo.

Díí éí nizhónígo áłah siidlį́į́’. Diit’į́į́go nihił dahózhǫ́ naasgo ádahodoolnįįłígíí. Ko’doo nizhónígo nihi naat’ąąnii dóó Diyin yikeenąązinígíí dóó da’hataalígíí bina’jí nihí yá’át’ééhgo yiidaał doo! Hazhó saad bee há’da’į́į́dziihígíí díí damóó doo niwójį́ hazhó baa nisókees doo.¹ Háálá díí éí Diyin God nigha yinizin diishjį́.

Díí ániidí t’áá hooghandí na’nitinígíí éí iłhaajeeh ayóó bidziil doołeełgo át’é, díí hooghandí oodlá bee baah áwiiyaahgo. Ákot’áó nihighan bineelnishgo iiłyaahgo Damóógo diyin bina’nitinígíí éí bóhonęędlį́į́’ doo. Ná’ałchiní Yisda’iiniilii bina’nitin bił danizhǫ́ doo, dóó Nihi ts’ąąjí nilinígíí Satan éí doo bidziil da doo. Áko nighaandí iłhaajeeh bił dah hózhǫ́ǫ́’ doo.

Díí nitsaago áłahsiidlį́į́’dí Diyin bizhí yá’át’ééhgo chó’deelį́į́’ doo, k’ad doo niwójį́. Díí áko’t’áó Diyin Bizhí hazhó’ó cho’deelį́į́go binají diyin k’ehjí nihee’oodla’ dóó diyin k’ehjí nihi dziil doo.

K’ad éí diyin bigahan nitsaa’igíí baa yashtí doo. Hasdádiidaal dóó hoolaagoo iiná nidzingo éí diyin bighaan nitsaadi áłajį́ yah aneedaa doo, dóó biłhaijeehiǵíí bá.

Áádóó diyin bighaandi nihikí nahayaago dóó Diyin bił ághadinį́į́’t’ąą’go, t’áá aniiltsoh Diyin binánitin k’ehjí nonhidinootiił éí diyin bighaandi nitsaadi t’éíyá ákot’áó ndahnitin. Dóó nihizaazí ba’nisíídziihgo bá nidah diilnish.

Tá doo nahasdzáán ádaalnéyąądą́ą́’ nihi Diyin God ayóó’óó’ní bee t’áa’ háíshį́į́h t’áá doo Diyin bizaad yideests’ąąígíí éí naasdi diyin bighaan nitsaadi bá nit’ǫǫnish. Díí diyin bighaan nitsaadi bee ó’oolį́į́hí t’áá áłk’idą́ą́’ át’é. Shí éí shił nizhǫ́ní t’áá ałk’idą́ą́’ naas yití́ígíí át’éí lá.²

Shik’is dóó shilakee, nihi ts’ąąjį́ nilinígíí Satan éí yéígo nihinaalnishgo át’é.³ Diyin bighaan Nitsaadi ałahjį́ yá’aneedaago éí hasdá hootí. Hazhǫ́ tsodiłzingo oolkiłígíI baa nisokees. Hazhǫ́’o naagoo niha’ałchiní bá nisokees. Diyin bighaan nitsaa t’áá áyidigo, —áádí Diyin bił yá’ánádaah doo — dóó naasgo áádi bánináhó’áá doo. Ákot’áó álilee ninizinígíí nihich’į́ kwiiłį́į́’ doo, diyin bighaan nitsaadi yá’anandaahgo.

K’ad éí 159 diyin bighaan nitsaa’ígíí nidaaznil. ^{Diyin bighaan nitsaa naasnilígíI éí ayóó baah ádahwiiłyá. T’áá ałk’idą́ą́’ diyin bighaan nitsaa ádaalyaa’ígíí éí hashté andaalné. Éí baah Salt Lake Temple dóó naana łá’ áłdo baah nidah doonish. Naas holzishgo éí baa dawiiné doo.}

Diishjį́į́dí éí naakidts’aadah diyin bighaan nitsaaígíí ánąądah doolneeł. Díí éíyá nahasdzáán bikaadi: Mendoza, Argentina; Salvador, Brazil; Yuba City, California, Phnom, Cambodia; Praig, Cape Verde; Yigo, Guam; Puebla, Mexico; Auckland, New Zealand; Lagos, Nigeria; Davao, Philippines; San Juan, Puerto Rico; and Washington County, Utah.

Diyin bighaan nitsaa ádaałnégo dóó baah ágha’yá, éí doo łágo nee’iiná íídoołį́į́’ da, ndi áłahjí yá’ánandaahgo éí nee’iiná łago íídoołį́į́’. T’áá háíshį́į́h t’áá ałk’idą́ą́’ yá’ííyahąą, hágo woshdę́ę́’ hasht’é’idilneehgo nihił yá’ánandaah. Dóó diyin bighaan nitsaahdí sodilzin áko Yisda’iiníiłii bee ayóó’ó’óó’ní baah áko diniilziił, binají ne’oodla’ hodoołeeł, háálá binaanish baah hastíjígíí yiląąjí sizį́.⁴

Shik’is dóó shalakee, áhé’hee nihee’oodlá dóó diyin bánidaalnishígíi. Ayóó’óo’ní dóó nihik’idjídlí nighaanish łé, áko diyin binánitinígíí yínołtá dóó bik’ehgo deenókaah doo. Diyin bizaadę́ę́’ bik’ehgo naas yiikah doo, “Diyin binaanish áłtsoh alyaago inda, ádidoo’niił, naanish áłtsoh áyaah.”⁵

Nihik’id hojisdlí nihee’oodlá’ naasgo nooseel doo, dóó binaanish hodiyin, dóó nihich’į́ ndawiiná’ígíí bich’į́ nihi dziil doo. Nizhǫ́nigo Diyin Ba’ałchiní dahnó’lį́. Jesus Christ éí hiná. Dóó Jesus éí Christ nilį́. Díí éí bisodizin át’é. Ba’ałchiní daniidlį́, Diyin bizhi binajį́, Jesus Christ, Amen