Naanish áyóó’at’eii bitłáádoo há’astłin niniilyé

Eldir Steven R. Bangerter áke’éshchį́

Tsosts’idiiní

Nihighan hazání goné t’áá háíshį́į́h nishehí ndi bee na’nitinígíí dóó bee iinanígíí éí dííhjį́į́di ilį́įgo baantsáhakees.

Amá dóó azhé’é niidlíinii nihá’ałchiní Jesus Christ bina’nitin binajį́ iłhózhǫ́, diyin bee adinidíin, dóó t’áá’aaníínii át’eii ayóó’adyoníí dooleełígíí bił iishją́ą́ adiilnííłígíí nihideet’i’. Nihá’áłchíní nihighan hazą́ągi bee naniitinígíí binajį́ yá’át’ééhgo ałchį’ ýati’ dóó bik’ehgo ajit’éedoo’ígíí yaa ákodanizin doo. Ach’į nawiiná adaat’eii bidááh nidahaleeh ndi yich’į́ dabiziil doo.

La’í naahai shá’ałchiní bił Uintah Dziłghą́ądi nidanhiilkáah nt’ę́ę́’. Naadiin tsin sit’ą́ągóó t’áá łeezhtahgo atiin. Hózhónígo hodootłizhgo hazą́ą leiigi tsé dani’aa dóó tó niłtólígo sik’azgo nilį́. Shí dóó Susan t’áá ninahahááh nihá’ałchiní dóó nihisooké bił ahineiikahgo diyin bina’nitin yá’át’ééhgo yee dahináadoo’ígíí biłiishją́ą́n áneilįį, dóó áadihastą́ą́ nihá’ałchdiní ashkiike bá’áłchiní bił haiit’éégo Christ bina’nitin binajį́ hooghan hazą́ągi bee hołdzil doo’leełígíí adadoołiił dabidiiniid. Áádóó ałah siidlį́įgo na’nitin nihił iishją́ą́n adayiilaa.

Díí yiha’ígíí bighi éí nihisooké tsé yikáagi na’nitin ndayíizoh, dóó łá’í nitinigo adiighahgóó łeeh dayiisnil, háálá éí hooghan bitłaadi tsé nastł’ingo bee niłdzilígi at’éego Jesus Christ binahjį́ bisodizin bahooghan bee niłdzilgo si’ą́.

Isaiah aní, “bóh́lníihii éí God aní, ziondi tsé atłáadi tsé nia’ago ashłeeh, tsé bidishtlígíí , tse ayóó’at’eii , kin biyaa nastłiní.¹ Jesus Christ éí díí zion bi tsé atłaadi ahee ni’ahígíí nilį́. Háálá Bi éí Diyin Yáyałti’í Joseph Smith: “T’áádoo baanini’í, háálá ayóó at’eii naanish ninahjį́ ni’bikáajį́ ninalyéeh doo. Ałts’iisi ndi bis’ą́ą́dę́ę́’ ayóó’at’eii neheleeh.” ²

Nihighan bighi’ doo na’itin ázhą́ ałts’íísígo bee na’neestą́ą́’ ndi dííshjį́įdi illį́įgo baantsákees. Ha’áat’íílá ázha ałts’íísí shį́į́h alyaa’ígíí nihá’ałchiní yee yika’adoolwoł?

Naat’aanii President Russell M. Nelson t’áá aniidi Toronto, Canadadi diné haal’áago yich’į́ haaddziihgo amá dóó azhé’e danilíinii ba’ałchiní nideinitinígíí biddeet’ígíí yił iishjaan ananiidlao, ts’idá’iighísíí bee nidiniitį́į́łid́gíí éí hat’ii binighwh ba’a’h dóó tó deidlanigíí, dóó diyingo nihimá dóó nihizhé’e bił ahidanidiil jeehígíí, dóó nihi siidzinigi nihá sodizin alį́nígíí bibá hasht’e adiilnééhígíí, dóó nijha’ałchiní Diyin bizaad bił deiyiniilta’ doo.³ Díí adeill’į́į́go, binajį́ nihighan goné oodla’ bee niłdzil doo nihił ní, Diyin Yalti’í. ⁴

Mormon binaaltsoos bighi’, Enos bizhé’e yá’át’ééhgo básizį́įgo yaa aheehnisingo yaa yałtii’, “háálá éió t’áá bizaad k’ehjí nabineeztą́ą́’, dóó bóhólníihii binatin bee nabidineestą́ą́.” Nabiiłnáago Enos aní, “Díí binajį́ God baahashniih.”⁵

Baa ahee nisin ázha nihghan gone’ ałts’íísígo tádiin dóó biaan ashdla’ naahai ahidiitaash do’o’ hoshdę́ę́’. La’í na’nitin bik’ehgo dahiniinanígíí ázha ałts’íi’́isí ndi ayóó at’e’ego baantsáhakees.

Doo hooghandi sédáagóó, shighé aląąjį’ naaghahígíí t’aadoo abidininí Diyin bizaad nidayołtaha, dóó sonidadilzįįh.⁶
Náána ałdo ádeetį’ígíí hooghandóó danidiikahgo, doodago beesh bee ahne’é t’doo danideitį́ígóó, “Ayóó’áníínishní” ałch’į́ anidadiiniih.
Niháałchiní ashiiké nizinigo bił yanidaashtigo binajį́ nihik’ih hojisdli’. Łah nihe’awéé’ nanitiní dooleełígíí daats’í yaants’íkees dóó yiba’ asht’e’adilnehígíí banabidełkid. Baa yeilti’ dóó hodiinago aní, ”Shizhé’e, shą́ą́’ anists’ís yę́ę’ shich’į́ yananiłtigo hahoolzhiizh, “Aoo’ nidiiniid, “Íídą́ą́’ na’nitiní deeshleeł nidííniid, dóó shimá naas soolį́įgo nánitiní dootleeł dooniid,” Doo iits’ałigoo hodiina’. “Há’át’éego da nichichłį́ anahoot’i’ígíí daats’í biniinaa doo nihá biighah da —nihika’adeeshwoł daats’í.”

T’áá ałlahjį’ nihighangi sodin holǫ́ǫgo, Diyin bizaad wolta’go, hooghangi ahinaakahgo, sodizin báhoghangóó ałnaa’aldaago, ázha ałts’i9́ísígo e’el’íi ndi binajį́ ayóó ’ó’ní, baa a’a’í hwiinidzin, ahiłidlį́, dóó bee hak’inodeest’į́į́gi at’éehgo hwił haz’ą́ądoo. Kot’éego iináago, nihá’ałchiní bąąhagi at’eii bits’ąąh baa’ahayą́ą doo.

Helalman bighe’ yich’į́ yałti’go binahjį́ beneilniih: “Beenałniih Jesus Christ nihida’iiníiłii, God Bighe’ binajį́ danołdzil, áko ch’į́įdii t’áá’ałtsoní yee nik’ihjį́ nidilnish ndi, doo éí nihideełni’ida háálá tsé niłdzilgo kin bá aheeni’ahígi bee nołdzilgo doo bąąhagi at’eii nihideełníida doo.”⁷

Dikwíí naahai yę́ę́dą́ą́’ t’ah aniid naasháago Biship nishłįįgo, hastiin t’áá naasilį́į́ lei bił ahii’aazh. T’ah tsełkéí jilį́įgo sodizin báhooghan doo hamá dóó hazhé’é diyingo yee nahwineeztą́ąjí bits’ą́ąjį́ dashdiiyá. Beeso binajį́ iłozhónii dóó at’į́ wolyei hajit’įįgo nahaszhiizh. Áko k’ad naasjizlį́įdi áłchiní yázhí jilį́įgo bee nahodineestą́ą yéé Diyin God be’ajooba’ binajį́ yich’įgo nahooloosgo baaákojiniizį́į́’. Bimá dóó bizhé’é diishjį́į́di diyin bizaad bee na’nitin dóó hada’iisdzi’ígíí yaa aheeniizįįhgo Enos yee haadzíí yę́ę́ yee adiiniid: “Éí biniinaa God bizhi’ baa hashnii.”

T’óó áhayóí tsełkéí danilį́įgo sodizin báhooghan yits’ą́ą́jį́ dadahidiik’aago, díí diné sodizin báhooghan yeediidzahigi at’éego nat’ą́ą́ bee nidabidineestą́ą́ yę́ę́ binajį́ ninahakááh. Hohot’į́į́go lą́ą́ amá dóó azhé’é bee bich’į́ ha’oodzii yę́ę́ baa’akohnildzįįh, “Niha’ałchiní náásgóó yee hinaa doleełígíí bee nanohtin, áko naas silį́į́go doo yits’ą́ąjį́ dadidookaał da.”⁸

T’áá ałtso ámá dóó azhé’é da yiniił dóó íní nili’inii’ dóó bee adziil adaat’éíi yee naasgóó ba’ałchiní deinisé. Áko amá dóó azhé’é be’oodla’ binajį́ ba’ałchiní ayóó’ó’óni, dóó t’áá’aanii at’éegóó hazhó’ógo ndeiinitingo binajį́’ naasgóó bijéí dóó binsékees bighi’di daneeseeł doo.

Moses éí’ t’áá’ałahjį́ na’nitinígíí yaa ’akonizin. Na’nitingo aní,”Díí saad nihá’ałchiní nihighan goné, dóó bił nidaakaigóó, dóó danohjeehgo, dóó nidoojeehgo beee nidano’tin,”⁹

Nahá’ałchiní bił nitsidiigo’go sonidadiilzįįh, yá’át’ééhgo baa’ahayą́ągo Diyin bizfaad nideiyinniiltah, ayóó’ó’óní bee home evening nida’iidleeh, dóó jooba’ atł’éego yá’ąązhgo basonidiilzįįh. Diyin bizaad bee nanitinígíí bijéí dóó bintsékees bighi daneetseeł doo laanaa niidzin.

Nihá’ałchiní Diyin bizaad bił deiyiniita’go, doodago home eveninggo bił anhineikahgo, doodago mutual goné da, dóó Sodizin Báhooghandi ałah na’adleeh goné daats’íl bighi’ yik’ihdadiitįįh. Áko amá dóó ázhé’é nidliinii daats’i’ nehe’oodla’ binajį́ nihiBóhólníihii anihiłnígíí bek’ehgo hiiniináago na’nitiin, dóó Jesus Christ bina’nitin yik’ehgo dieyikáah too bádaniidzin. Díí éí nihe’oodla’ bee naas yit’i—nihe’oodla’ binajį́ háádíshį́į́h naasdi tsełkéí bijéí bighídi dadinooseeł.

Baa yeilti’igíí, bee na’nitinígíí éí bihodooniił. Christ bina’nitin bee na’nitingo, Niłch’i Diyinii t’ááláanii at’eii nihił iishją́ą́ iidooliił, dóó nihá’ałchiní bijéí bighi’ dadinooseeł doo, t’áá nihí bá aniit’éehgo. Jesus Christ bizhi’ binajį́ adishní, Amen.