Para kadagiti Ubbing

Yaasideg iti Apo

Iti Kirtland, Ohio, immawat ni Propeta Joseph Smith iti maysa a paltiing. Kinuna ti Apo kenkuana, “Umasidegkayo kaniak ket umasidegakto kadakayo; sapulendak a sireregta ket masarakandakto” (DkK 88:63). Maysa a wagas tapno makaasidegtayo iti Apo ket babaen ti panangsurottayo iti propetana.

Mangidrowing kadagiti ladawan dagiti banag nga indawat ni Presidente Thomas S. Monson nga aramidentayo:

Agkararagkayo.

Agbalinkayo a naasi.

Agtrabahokayo a naimbag tapno makasursuro.

Tulonganyo dagiti sabali.

Iburayyo ti pammaneknekyo.

Basaenyo dagiti nasantuan a kasuratan.