Naan in Katak an Kōrā, Jānwōde 2010
Erom̧ Wun̄n̄are-Peid make
Katak jeje kein rekwojarjar im elij ko ak, elan̄n̄e aikuij, bar juōn pedped in katak eo me enaaj kōjeram̧m̧an jejtōr ro kwoj loļo̧k er. Kwaļo̧k am naan in kam̧ool kōn katak eo. Karweineneik jabdewōt ro kwōj loļo̧k n̄an aer kwaļo̧k ta eo rej en̄jaake im kar katak.
Ta In Un̄n̄are Peid make?
“‘Un̄n̄are Peid make meļeļe in kōjerbal aolep jeram̧m̧an ko ad jān Jemed Ilan̄ n̄an kōjparok kōj make im baam̧le ko ad im n̄an pukōt uwaak ko n̄an inepata ko ad make.’ Kajjoj iaad ewōr juōn an eddo n̄an kajieon̄ in joļo̧k inepata ko m̧okta jān aer waļo̧k im n̄an katak n̄an anjo ioon apan̄ ko n̄e rej waļo̧k. …
“Ekōjkan ad erom̧ un̄n̄are peid make? Jej erom̧ un̄n̄are peid make ilo bōk jeļāļo̧kjeņ ebwe, jikuul, im riiti im jeje; kōn kilen kōjparok jāan im menin jeram̧man ko ilo māletlet, kajoor ilo jetōb, kōpopo n̄an idin̄ ko im jabdewōt men ko remaron̄ waļo̧k, im kōn ājmour ilo ānbwin im ippān doon im en̄jake m̧ōņōņō.”1
Julie B. Beck, būreejtōn eo eutiej an Doulul eo an Kōrā.
Eddo eo ilo Gospel eo
“Ilo ad mour n̄an kōpooj tok ālik eo im kōļapļo̧k menin leļo̧k ko ad im tōļan ko, ej ļapļo̧k ad erom̧ un̄n̄are peid make. Un̄n̄are peid make ej n̄an bōk eddo n̄an jeram̧m̧an eo ad make ilo jetōb im kaniōk im n̄an ro me Jemedwōj Ilan̄ eaar kappeik kōj n̄an kōjparok er. Eļan̄n̄e wōt n̄e jej un̄n̄are peid make jermaon̄ m̧ool in anōk RiLo̧mo̧o̧r eo ilo jerbal im kōjeram̧m̧an ro jet.
“Eļap an aorōk n̄an meļeļe bwe un̄n̄are peid make ej juōn meļeļe n̄an jem̧ļo̧kin. Menin kōttōpar eo ad eļap tata ej n̄an erom̧ āinwōt RiLo̧mo̧or eo, im bwe menin kōttōpar eo ej kōkōm̧anm̧an ļo̧k kōn jerbal in jipan̄ eo ad n̄an ro jet. Maron̄ eo ad n̄an jerbal ej ļapļo̧k ak jako ļo̧k kōn jon̄ak eo kōn un̄n̄are peid make.”2
Eļtōr Robert D. Hales an Doulul eo an Jōn̄oul Ruo Rijilōk ro.
“Un̄n̄are peid make ej juōn tōprak in jerbal eo ad im ej lukōj aolep menin jeram̧m̧an ko jet iminene kaki. Ej juōn menin aorōk ilo m̧ōņōņō ko ad ilo jetōb im barāinwōt ilo kaniōk. Ikijien pedped in, Būreejtōn Marion G. Romney [1879–1988] eaar ba: ‘Jān jerbal n̄an ta eo jej aikuji. Jān erom̧ wun̄n̄are-peid make im jeno̧lo̧k ļo̧k iaad. Lo̧mo̧o̧r emaron̄ bōk jān bar jabdwōt pedped. Lo̧mo̧o̧r ej an kajjojo, im jej aikuj in jerbale lo̧mo̧o̧r eo ad make ilo kaniōk im barāinwōt ilo men ko an jetōb.’ …
“Būreetōn Spencer W. Kimball [1895–1985] eaar katakin kōn un̄n̄are peid make: “Eddo eo n̄an kajjojo ippān doon, en̄jake, men ko an jetōb, kaniōk, ak menin jeram̧m̧an an armej rej pād m̧oktata ioon e make, karuo ioon baam̧le eo an, im kein kajilu ioon Kabun̄ in eļan̄n̄e e ej juōn eo uwaan etōmak ie.’”3
Būreejtōn Thomas S. Monson.
© 2009 by Intellectual Reserve, Inc. All rights reserved. Kar jeje ilo USA. Kōmālim kajin Pālle eo: 6/09. Kōmālim ukok eo: 6/09. Ukok in Visiting Teaching Message, January 2010. Marshallese. 09361 874