Blong ol yut

Petriakel Blesing blong Yu

Presiden Monson i bin tokbaot wan petriakel blesing olsem “wan Liahona blong yuwan, blong i soemaot mo i gaedem rod blong yu.” Wanem nao hem i blesing ia, mo olsem wanem nao i save helpem yu blong gaedem laef blong yu?

Wanem nao hem i wan petriakel blesing?

Ol blesing blong yu oli gat tu impoten stamba tingting. Faswan, bae i soemaot stret famle laen blong yu, o long wanem famle laen long haos blong Israel nao yu kam long hem. Seken, bae hem i gat ol infomesen blong oli save help blong gaedem yu. Blesing blong yu bae i save gat ol promes, ol strong toktok, mo ol woning.

Bae mi mas gat hamas yia blong mi save kasem blesing blong mi?

I no gat wan stret yia, be yu mas bigwan inaf blong yu save glad long blesing ia olsem wan samting we i tabu. Plante memba oli stat blong tingbaot blong kasem ol blesing blong olgeta taem oli yang yet.

Olsem wanem nao mi save kasem blesing ia?

Fas samting toktok wetem bisop o branj presiden blong yu. Sapos yu rere mo klin inaf, bae yu kasem wan rekomen. Afta long hemia, yu save putum wan apoenmen wetem petriak long eria blong yu.

Wanem nao bae mi mekem wetem blesing blong mi?

Kipim long wan sef ples, mo ridim evri taem. Tingbaot, blesing blong yu i tabu mo i blong yuwan. Yu save serem long ol famle memba blong yu nomo, be yu no save serem long pablik. Mo tu, evri blesing we oli tokbaot insaed long petriakel blesing blong yu oli dipen plante nao long fetfulnes blong yu mo folem taem blong Lod.