Roronrikirake

Am Kakabwaia mairoun te Tamanuea

E kabwarabwara Beretitenti Monson bwa ana kakabwaia te tamanuea bon “oin am Kambati are e na bweena manangam ao ni kaira kawaim” Ma ngaia are tera te kakabwaia aio, ao e na kanga ni buokiko ni kaira maium?

Tera ana kakabwaia te tamanuea?

Iai uoua oin kantaninga ibukin am kakabwaia. Te moan, e na kamataata rikiim, ke te baronga ra ae ko mena iai inanoni batan Iteraera. Te kauoua, e na iai inanona te rongorongo are e na buokiko ni kairiko. E na bae ni iai inanon am kakabwaia taian berita, taian reirei, ao taian kauring.

Te rorora ngai are N na kona ni karekea au kakabwaia?

Akea katauakin te roro, ma ko na riai ni ikawai raoi ni kona ni kakaitau ibukin aron tabun te kakabwaia. A mwaiti kaain te aro are a moana iangoakin karekean aia kakabwaia inanon aia ririki ni kairake.

N na kanga ni karekea te kakabwaia?

Ko na taetae moa ma am bitiobi ke am beretitenti n te mwaanga. Ngkana ko a tauraoi man kororaoi, ko na anganaki te kariaia. Imwiin anne, ko kona ni kabaea am tai ni marooro ma te tamanuea inanon am aono .

Tera ae N na karaoia ma au kakabwaia?

Kawakinna n te tabo ae mano raoi, ao warekia n tainako. Uringnga, bwa am kakabwaia e tabu ao bon ti ngkoe iai. Ko kona n tibwauaia ma ae bon oin kaain an utu, ma ko aki kona n tibwauaia ma te botanaomata. Kakabwaia ni kabane ake a taekinaki inanon am kakabwaia mairoun te tamanuea a bane n aanaki iaon am kakaonimaki ao n ana tai te Uea.