Te Rongorongo ni Kaakawari n Reirei,Beberuare 2010
Babairean Raoi Bwaai aika a Kawakinaki ao Kararoako man te Tarau
Reirei koroboki aika tabu ma taeka aikai ke, ngkana e tangiraki, te reirei riki teuana ae na kakabwaiaia tarimi ake kam kawariia. Anga am koaua iaon te reirei. Kaoia naake ko kawariia bwa a na tibwa te bwai are a tia n namakinna ao n ataia man te reirei.
Babairean Bwaai aika a Kawakinaki
“‘Te maiu n tatabwi’ … e kaota kakawakin bwaai ake ti kawakin, te rabakau ni babaire iaon taekan te mwane, ma kakawakin tararuan tararaoin marurungira, ao te katauraoi ae tau ibukin te reirei ao karikirakean ara mwakuri, ao karekean te tararua ae riai nakon te karaobwai ao kawakinanbwai ni mweengara n ai aron naba karikirakean korakoran anuara. … Ngkana ti maeka ma te wanawana ao te kaiko, ti na bon kamanoaki inanon Baina.”1
Beretitenti Spencer W. Kimball (1895–1985).
“Tera rabakau aika ti kainnanoi ibukin buokara ni riki n toronibwai i bon iroura? … Ni boong aika a bwaka nako n te Ekaretia, e karaoa aia maroro Brigham Young ma taian titita n reiakini anga n totokoi taian aoraki inanon taian utu nako, ni katei taian mwakuri n te mweenga, ao n reiakini aron mwakurian te mwane ma kawakinana ao ai bon bwaai tabeua ake ti na rabakau ni karaoi. Taian moan tua akanne a bon teimatoa karaoakiia ni boong aikai. E bon waaki nako kakawakin te reirei. …
“I titirakiniia tabeman bitiobi bwa tera ae a rangi ni kainnanoiia taian titita n aia uoote ibukin te rabakau n riki n toronibwai, ao a kaeka te rabakau ni babaire iaon te katau mwane. A kainnanoa te kamataata aine iaon irekereken te bobwai iaon te tarau ao tiaki te aro ni maiu ni kanoan te katau mwane. Te kauoua n rabakau are a koreia naba bitiobi bon te kuuka. Amwarake ake a katauraoaki ao mani kanaki inano te mweenga a kantaningaki bwa e na uarereke te kabane mwane iaoia, e na kamarurunga te rabwata ao e na karekea te itoman ae korakora n te utu.”2
Julie B. Beck, te beretitenti ni kabuta n te Bootaki n Aine.
Katinanikua te Tarau
“I kona n taekini nimaua iango ibukin inaomatam n te mwane. …
“Te moan, kabwaka am kabwianibwai. …
“Te kauoua, kabanea ae karako nakon are ko karekea. …
“Te kateniua, reireiniko te kaiko. …
“Te kaaua, karinei kabaeam ibukin kabonganan te mwane. …
“Te kanimaua, reireinia am ataei ni iriira bannam.”3
Unimwaane Joseph B. Wirthlin (1917–2008) man te Kooram n Abotoro ake Tengaun ma Uoman .
“Ngkana ti mena inanon te tarau, ti anga nako tabeua aron kakawakira, kaakean arora ni inaomata ao ni menaira inanon te tautaeka ni karawawata. Ti tiatiana ara tai, korakorara, ao anga ni kabomwi ibukin bwaai ake ti a tia n tangoi—bwaai ake ti kawakini are a kona ni kabonganaki ibukin buokara, ara utu, ao tabeman riki
“Ni kabwaran ara tarau ngkai ao ni katinanikuan te tarau n te tai ae na roko e kantaningaira bwa ti na kamarurunga ara onimaki iroun te Tia Kamaiu—tiaki ti ni karaoa ae tamaroa riki ma ni karikira n tamaroa riki. E anganiira te onimaki ae korakora n atongi taeka akana a bebete akanne, ‘Ti aki kona ni karekei.’ E anganira te onimaki ni kakoaua bwa te maiu e na tamaroa riki ngkana ti anga ma nanora ni koaua bwaai ake ti tangiri n te aro are e na kaitarai oin kainnanora ao tabeman riki.”4
Unimwaane Robert D. Hales man te Kooram n Abotoro ake Tengaun ma Uoman.
@2009 iroun Interllectual Reserve, Inc. A bane n tauaki mwiin taian kariaia ibukin katootongana. Boretiaki i USA Kariaiakaki n te Ingiriti: 6/09 Kariaiakaki rairana Rairakin te Visiting Teaching Message, February 2010. Kiribati. 09362 859
Ibuobuoki ibukiia Taan rerei ni Kakawari
Maroro ma toam bwa ko na kanga n anaa katein te rongorongo aio nakon waakin aroaroia titita n tatabemania nako. Tera te rabakau ibukin te toro ni bwai ae ko kona n tibwaia ma neiene?
Oin Katauraoakim
Ibukin rongorongo riki, tara All Is Safely Gathered In: Family Finances (namban te aitem. 04007).