Mwet Fuhsr

Mwe Insewowo luhn Patriarch Lom an

Prestuhn Monson el ahkuhtweyac sie mwe inswowo luhn patriarch in oacna “sie Liahona in pwen kom ac kol acn kom fahsr we an.” Na meac mwe insewowo se inge, ac e kahsruh kol fuhkah moul lom an?

Meac mwe insewowo luhn patriarch uh?

Mwe insewowo lom an oasr ma yohk srihpac luo kac. Ma se met an, ac fahkwack tahk in sucu lom an, kuh nuh ke sruf ke lohm sin Mwet Israel ma kom oasr kac an. Ahkluo, ac nein koanon sramsram ma in kahsruh in kol kom. Mwe insewowo lom an ac kuh in nein olwelah, kaiyuck, ac mwe sensenkackihnyuck uh.

Kuh nga enenuh in yac ekahsr in eis mwe insewowo luhk uh?

Wacngihn matwac oreklac, tuhsruhk kom enenuh in matwac fal in luhngkihn mwe insewowo muhtahl ma sikyak uh. Mempucr pucspucs muhtwacwacack in nuhnkuh in eis mwe insewowo lalos ke yac in mwet fuhsr lalos.

Nga ac eis fuhkah mwe insewowo uh?

Ma se met sramsram nuh sin pisap kuh pracns prestuhn lom an. Fin kom ahkolah ac nwacsnwacs, kom ac fah eis sie pwepuh in lwelah. Tukun ma sacn, kom kuh in orwaclah sie pacl an in sun patriarch ke acn sum an.

Meac nga ac oruh ke mwe insewowo luhk uh?

Fihliyac ke sie acn sef an, ac riti in fusus. Esam, mwe insewowo lom an ma na lom ac ma na muhtahl se. Kom kuh in akacsruhi kac nuh sin mwet ke sucu lom an, tuhsruhk kom tiac enenuh in oruh in etweyuck. Oacyacpac, mwe insewowo nuh kwewa ma fwackyuck ke mwe insewowo luhn patriarch lom an wiwina luhlahlfongi lom an ac pacl luhn Leum an.