Pweng ke Forfor Luti, Fepweri 2010
Lahlmwetmwet in Karihngihn Mwe Kahsruh ac Tiac Soemoul
Luti ma suhmuhslah ac fahk inge kuh, fin enenuh, sie pac mwe luti ma ac ahkinsewowoye tahmtahel ma kom muhtwacta nuh yohroh an. Fahkwack luhlahlfongi kuh lom ke mwe luti an. Suli elos suc kom muhtwacta yohroh an in akacsruhi ke ma elos puhla ac lotwelah an.
Karihngihn Mwe Kahsruh
“‘Moul wowo’ … kalmeyac [karuhnganwacng] nuh ke kahsruh lasr uh, plwacn lahlmwetmwet nuh ke ip luhn mani, enenuh yohk nuh ke kuh in mahno luhn kais sie mwet, ac ahkolah wowo nuh ke kapkapwack luhn lutlut ac orekma, sang lohacng wowo nuh ke kuhfa in lohm an ac nien sef mongo oacpacna nuh ke kapkapwack luhn sa in acsmak ke puhla uh. … Fin kuht moul lahlmwetmwet ac wo, kuht ac fah moullac oacna ke kuht ac oasr in Pahol uh.”1
Prestuhn Spencer W. Kimball (1895–1985).
“Orekma fuhkah kuht enenuh in kahsrwe kuht in kuh in sifacna uh? … Ke muhtwacwacackiyen Alu uh ah, Brigham Young el fahk nuh sin tahmtahel uh in luti in onwelah mas in sucu lalos an, orwaclah kuhfa in lohm an, ac luti in sihmihs fahsr luhn mani ac liyacacng ma sihmlac ke fahsr luhn mani an ac kuhtuh pac mukwikwi sahyac an. Mwe luti ingacn srwackna orek nwe mihsenge. Lutlut uh srwackna yohk srihpac na upac. …
“Nga siyuck sin pisap puhkantwen lah meac orekma ke kuh in-sifacna ma tahmtahel ke ward lalos an enenuh yohk uh, ac eltahl fahk muh budgeting [sef mani]. Muhtwacn uh enenuh in kahlwem kac lah ohiyac ma in moli ma ke misac ac in tiac moulkihn budget uh. Mukwikwi se ahkluo ma pisap el tahkuhnlah an pa orek mongo. Mongo ma ahkoeyucklac ac mongolac lohm an srihklac molo, ac wo nuh ke mano, ac oruh inmahsrlon sucu uh in fokoko.”2
Julie B. Beck, prestuhn luhlahp ke U luhn Muhtwacn in Kahsruh.
Kahingkihn Soemoul
“Nga kuh in fahk limekohsr ki ke fahsr nuh ke sukohsohk ke fahsr ke ip luhn mani. …
“Ma se met, molwelah sie tahfuh singucul lom an. …
“Ahkluo, sislah in srihklac liki ma kom eis …
“Ahktolu, luti in sefi. …
“Ahkahkosr, ahkfuhlwactye misac ke mani lom an. …
“Ahklimekohsr, luti tuhlihk nuhtum an in ukwe srihkasrak lom an.”3
Elder Joseph B. Wirthlin (1917–2008) ke U luhn Mwet Sap Singucul Luo.
“Ke kuht soemoul uh, kuht kihtaclah kuhtuh ma sacohk lasr uh, sulaclah koluk ac fihlikuhti sifacna nuh ke mwe kuhmahk. Kuht sang pacl lasr, kuhiyacsr, ac ma nuh kwewa in molwelah ma kuht paroelah—mwe kahsruh ma kuh in orekmakihnyuck in kahsrwe kuht sifacna, sucu lasr, ac mwet sahyac. …
“In moli soemoul lasr ingena ac in kahingkihn soemoul lasr ke pacl fahsruh uh ma oruh kuht in ahsrosrye luhlahlfongi lasr ke Mwet Lahngo—in tiac oruh muhkwena tuhsruhk in wo likina met ah. Enenuh in oasr luhlahlfongi yohk in fahk kahs fihsrwacsr ingacn, ‘Kuht tiac kuh nuh kac.’ Enenuh in oasr luhlahlfongi kuh in luhlahlfongi lah moul uh wolac liki na met ah ke kuht kihsackuhnlah kena lasr uh in muh sun enenuh lasr sifacna ac luhn mwet sahyac an.”4
Elder Robert D. Hales ke U luhn Mwet Sap Singucul Luo.
© 2010 sel Intellectual Reserve, Inc Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke English: 6/09. Ahkkweyeyucklac ke lweng: 6/09. Lwenglah luhn Visiting Teaching Message, February 2010. Kosraean. 09362 868
Kahsruh nuh sin Mwet Forfor Luti an
Eis kahsruh sin mwet se wi kom an ke ohiyacn ahkfihsrwacsrye in kapsra pweng se inge nuh ke kais sie ohiyac luhn tahmtahel an. Mukwikwi ke kuh in-sifacna fuhkah kom kuh in akacsruhi nuh sel kac an?
Ahkolah luhn Kais Sie
Nuh ke mwe fahkwack, liye All Is Safely Gathered In: Family Finances [Ma Nuh Kwewa Orekweni Loac: Mani luhn Sucu] (item ahk. 04007).