jodikdik

Kōjeram̧m̧an ko an Petriak eo Am̧

Būreejtōn Monson ej kalikkar juōn kōjeram̧m̧an ko an Petriak āinwōt “juōn am̧ make Liaona n̄an kajeerer im tōl iaļ ko am̧.” Innām ta kōjeram̧m̧an in, im ewi wāween an maron̄ jipan̄ tōl mour eo am̧?

Ta in juōn kōjeram̧m̧an ko an Petriak?

Kōjeram̧m̧an ko am̧ ewōr ruo wūn ko an. Juōn, enaaj kwaļo̧k lain in menmenbwij eo am̧, ak ewi wōt bwij in am̧ ilo mōn Israel. Ruo, enaaj pād ie meļeļe ko n̄an jipan̄ eok. Kōjeram̧m̧an ko Am̧ enaaj pād ie kallim̧m̧ur ko, kean̄ ko, im kakkōļ ko.

Ewi jon̄an rettan bwe in maron̄ bōk kōjeram̧m̧an in?

Ejjeļo̧k juōn iiō emōj karōke, bōtaab kwōj aikuj jon̄an rettan eo em̧m̧an n̄an kam̧oolol ekwojarjar eo an kōjeram̧m̧an in. Elōn̄ ro uwaan rej jinoe aer ļōmņak kōn bōk kōjeram̧m̧an eo aer ilo rettan iiō ko rej jinoe aer jodikdik.

Ewi wāween Aō bōk kōjeram̧m̧an in?

M̧oktata kōnono ippān bisop ak būreejtōn eo an branch. Eļan̄n̄e kwōj pojak im wanōk, kwonaaj bōk juōn mālim. Ālikin menin, komaron̄ in karōk juōn iien ippān Petriak eo ilo eria eo am̧.

Ta eo imaron̄ in kōm̧m̧ane kōn kōjeram̧m̧an eo aō?

Likūt ilo juōn jikin etiljek, im riiti jān iien n̄an iien. Kememej, kōjeram̧m̧an eo am̧ ekwojarjar im am̧ wōt make. Komaron̄ in kwaļo̧k n̄an ro uwaan baam̧le eo am̧ epaak, ak kwōj jab aikuj in kwaļo̧k e ilo looblej. Barāinwōt, aolep kōjeram̧m̧an ko kōnono kake ilo kōjeram̧m̧an an Petriak eo am̧ rej pedped wōt ioon am̧ tōmak im iien eo an Irooj make.