Naan in Katak an Kōra, Pāpode 2010
Kajeikik M̧weik ko ilo Tiljek im Pād wōt ilo Jab Muri
Katak jeje kein rekwojarjar im elij ko ak, elan̄n̄e aikuij, bar juōn pedped in katak eo me enaaj kōjeram̧m̧an jejtōr ro kwoj loļo̧k er. Kwaļo̧k am naan in kam̧ool kōn katak eo. Karweineneik jabdewōt ro kwōj loļo̧k n̄an aer kwaļo̧k ta eo rej en̄jaake im kar katak.
Kajeikik M̧weik ko
“‘Loļo̧kjen kōn wāween mour’… ej āinwōt n̄e ej kwaļo̧k bwe jān kōjparok men ko bwinid, tiljek ilo karōk men ko rejelōt jāān, kōjparok jāān n̄an ajmour eo am make, im leļo̧k eļap ad lōmņak n̄an kōkmanmanļo̧k moko im jikin kakkon ko im barāinwōt n̄an lan̄aj kajoor ilo kōj n̄an emakūt. … Eļan̄n̄e jenaaj mour ilo tiljek im kabwe ad aikuj, jenaaj pād ilo mour em̧m̧an āinwōt ilo loobren Pein.”1
Būreejtōn Spencer W. Kimball (1895–1985).
“Ta kapeel ko jej aikuji n̄an jipan̄ kōj erom eo ejeļā un̄are pein make? … Ilo raan ko etto ilo Kabun̄, Brigham Young eaar akweļap n̄an jejtōr ro n̄an katak n̄an katak bōbrae nan̄inmej ilo baam̧le ko, ejaake koorlok koban moko, im katak bōnbōn im jeje im bar kapeel ko jet ekkā kōm̧m̧ani. Pedped ko rej kōm̧m̧ani wōt rainin. Jeļāļo̧kjeņ ej wōnm̧aanļo̧k wōt n̄an an lukkuun wōr tokjen. …
“Iaar kajjitōkin bisop ro kain kapeel ta ko ikijien un̄are peid make jejtōr ro ilo ward ko aer eļap aer aikuj, im raar ba kilen bajet. Kōrā ro rej aikuj in meļeļe kōn wāween ko rejelōt wia iloan muri im jab mour ekkar n̄an juōn bajet. Kapeel eo kein karuo bisop ro raar kōļaajrake eaar kōn kōmat. Mōn̄ā ko kōpooji im kan̄n̄i ilo m̧weo edik ļo̧k wōneier, rājmour ļo̧k, im jipan̄ ļo̧k n̄an kakajoorļo̧k jemjerā ko ilo baam̧le.”2
Julie B. Beck, Būreejtōn eo Eļap an Doulul eo an Kōrā ro.
Bōbrae Muri
“Imaron̄ ke rejjan̄ 5 waween ko n̄an am̧ anjo jān muri ilo jāān. …
“Kein kajuōn, kōllā juōn m̧ōttan jon̄oul. …
“Kein karuo, kōjerbal jon̄an eo edik jān wōneem.
“Kein kajilu, katak n̄an kakkon.
“Kein kemen, kautiej kallimur ko am kōn jāān. …
“Kein kaļalem, katakin ajri ro nejūm n̄an ļoor waanjon̄ak eo am̧.”3
Elder Joseph B. Wirthlin (1917–2008) eo an Doulul eo an Rijilōk ro Jon̄oul Ruo.
“N̄e jej etal n̄an ad pād ilo muri, jej leļo̧k anemkwoj in kālet ko ad raorōk im ejjeļo̧k uwaaer im likūt kōj make āinwōt kulli. Jej kōjeņoļo̧k iien ko ad, kajoor ko ad, im wāween ko n̄an bar kōllaik ļo̧k ta eo jaar muri ki—wāween ko jemaron̄ in kar kōjerbali n̄an jipan̄ kōj make, baam̧le ko ad, im ro jet …
“N̄an kōļļāik muri ko ad kiō im bōbrae muri ko ilju ej aikuj bwe jen kamelmele tōmak eo ad ilo Ri lo̧mo̧o̧r—ejjab n̄an kōm̧m̧an em̧m̧anļo̧k ak n̄an ad em̧m̧anļok. Ej bōk eļap tōmak n̄an kadwōjļo̧k naan kein repidodo, ‘Jej jab maron̄ e wōnen.’ Ej bōk tōmak n̄an leke bwe mour enaaj em̧m̧anļo̧k ilo ad en̄taan kōn kōņaan ko ad n̄an ad maron̄ iioon aikuj ko ad make im ro jet.”4
Eļtōr Robert D. Hales eo an Doulul eo an Rijilōk ro Jon̄oul Ruo.
©2009 by Intellectual Reserve, Inc. Aolep maron̄ ko rej pād ie Jeje ilo USA. Kōmālim ilo Kajin En̄lij: 6/09. Kōmālim Ukok: 6/09. Ukook eo an Visiting Teaching Message, February 2010. Marshallese. 09362 874
Jipan̄ n̄an Rūkaki in Loļo̧k Ro
Leļo̧ok kapilōk n̄an eo m̧ōttam kōn ewi wāween iioon katak in ilo meļeļe ekkar n̄an jekjek ko kajjojo jejtōr ro rej pād ie. Kain kapeel rōt ilo jeļā un̄are peid make eo kwomaron̄ leļo̧k n̄an e?
Pojak ko an Juōn Make
N̄an meļeļe ko reļļap ļo̧k, lale All Is Safely Gathered in: Family Finances (item no. 04007).