Ennaan eo an Būreejtōnji eo Kein kajuōn, Pāpode 2010
Ilo Pojak Kōn Jetōb
Kapiļōk jān Rikanaan eo Ad
Juōn Pedped in Tōmak
“Eļan̄n̄e ejjeļo̧k ippād juōn pedped in tōmak eo emūlaļ im juōn naan in kam̧ool epen kōn m̧ool eo, emaron̄ in pen ad kajumej jān lan̄ ko im kōtto ko an kabo im rej itok n̄an kajjojo iaad wōj.
“Mour in ej juōn iien mālijjon̄, juōn iien n̄an kam̧ool kōn kōj make n̄e jemaron̄ in ro̧o̧l n̄an ippān Jemedwōj Ilan̄. Bwe jān maron̄ in bōk melejon̄, jej aikuj iioon melejon̄ im men ko repen. Men kein remaron̄ in kakkure kōj, im mour ko ad remaron̄ rub im pedekilkil—ilo m̧ool, eļan̄n̄e pedped in tōmak ko, naan in kam̧ool ko ad kōn m̧ool eo rejjab ejaake ilo kōj.”1
Bōk Am Katak jān Katak ko Jem̧aan
“Ilo ad pukōt em̧m̧an ko ad make, jet kajjitōk ko remaron̄ in tōl kōļmenļo̧kjen ko ad: N̄a e ke ikōņaan bwe in āinwōt? N̄aij ke epaake ļo̧k Rilo̧mo̧o̧r rainin jān ke iaar inne? Inaaj ke epaake ļo̧k ilju? Ewōr ke peran ippa n̄an oktak n̄an em̧m̧anļo̧k eo? …
“Iiō ko emōj aer itok im iiō ko emōj aer mootļo̧k, bōtaab aikuj eo n̄an juōn naan in kam̧ool kōn gospel eo ej wōnmaanļo̧k ilo an wanlōn̄ļo̧k. Ilo ad emakūt m̧aanwaj n̄an ilju im jeklaj, jejjab aikuj jab erļo̧k jān katak ko jem̧aan.”2
Liaona eo Am̧ Make
“Kōjeram̧m̧an ko an Petriak eo am̧ ej am̧ im am̧ wōt make. Emaron̄ in kadu ak aitok, pidodo ak m̧wilaļ. Aitokin im kajin eo ejjab kōm̧m̧an jān juōn kōjeram̧m̧an ko an Petriak. Ej Jetōb eo me ej kalikkar tok m̧ool in meļeļein Kōjeram̧m̧an eo am̧ ejjab aikuj in lemlem ilo tiljek im kakkone. Ejjab aikuj likūt ilo jikin pija ak kamejeje kake Ak, ej n̄an riiti. Ej n̄an iakwe. Ej n̄an ļoore. Kōjeram̧m̧an ko an Petriak eo am̧ enaaj lale eok ilo iien eo eļap an marok n̄an eok. Enaaj tōl eok ilo kauwōtata ko an mour. … Kōjeram̧m̧an ko an Petriak eo am̧ ej n̄an eok juōn Liaona n̄an kajjerer im tōl iaļ eo am̧. …
“Kijenmej emaron̄ aikuj ilo ad lale, kōttar, im jerbal n̄an juōn jeram̧m̧an eo emōj kallim̧m̧ur n̄an an bōk jikin.”3
Itok n̄an E
“Kememej bwe kwōj jab etetal make iaam. … Ilo am̧ etetal ilo mour in, aolep iien etetal ļok n̄an meram eo, im annak ko an mour renaaj rumļo̧k ilikim. …
“Ilo aō ālōk ļo̧k n̄an jeje ko rekwojarjar n̄an bōk im̧we, ewōr juōn naan ej jutakļo̧k make iaan jān iien n̄an iien. Naan eo [ej] ‘itok.’ Irooj eaar ba, ‘Itok n̄an eō.’ E eaar ba, ‘Itok katak kōņ eō.’ E eaar barāinwōt ba, ‘Itok, ļoore eō.’ Em̧m̧an ippa naan in, itok. Akweļap eo aō in ej bwe jān itok n̄an Irooj.”4
©2009 jāņ Intellectual Reserve, Inc. Aolep jimwe ko rej pād ippān. Jeje ilo USA. Kōmālim ilo kajin En̄lij: 6/9. Kōmālim Ukook eo: 6/09. Ukook eo an First Presidency Message, February 2010. Marshallese. 09362 874
Katak jān Enaan In
Teaching, No Greater Call ej kwalok: ‘Juōn rūkaki eo ejeļāļo̧kjen ejjab lōmņak, … ‘Ak ta eo inaaj katakin rainin?’ak ilo bar juōn, “Ewi wāween aō jipan̄ rijikuul ro aō ta eo rej aikuj jeļā?’” ([1999], 61). N̄an jipan̄ kajjojo armej katak jān bwebwenato in ilo peba in, lōmņak kōn am̧ leļok n̄an er peba im pinjeļ ko im leļok n̄an er iien n̄an riiti naan ko an Būreejtōn Monson im jei laļ waj m̧ool ko loe ālikin aer pojak kōn jetōb. Ajri jiddik ro remaron̄ in jin̄n̄a pija kōn ta ko raar katak. Lōmņak n̄an kajjitōk ippāer n̄an kwaļok ta ko raar jei ak jin̄n̄a ki.