Serafo

Om we Efeioch seni Petriark

Presten Monson a awewei eu efeioch seni petriark pwe “pwisin noum we Liahona ne ammonata om we kokkot me emwenuk won ewe an.” Iwe met ei efeioch, me ifa usun epwe tongeni emweni manauom?

Met ei efeioch seni petriark?

Mi wor ru popun om we efeioch. Aewin, epwe pwäratä meni tenin aramas ka feito seni, are menni tappin aramas me non imwen Israel minne ka choni. Oruan, mi masou ngeni poraus ne aninis epwe emwenuk. Om we efeioch epwe masou ngeni pwon, kapasen aurour, me kapasen pesepes.

Epwe fite ieri ai upwe angei ai we efeioch?

Ese wor eu ier mi koukuno, nge a chok namot an epwe watte ierum pwe kopwe tongeni sinei pinin ewe efeioch. Chommong chon mwichefen mi poputa ne ekieki usun ar efeioch nupwen ra serafo.

Ifa usun upwe angei ewe efeioch?

Akkom kopwe fos ngeni ewe pisop are presetenin pranch. Ika ka monota ngeni me nimenimoch, kopwe angei echo taropwen mumuta. Mwirin, ka tongeni kokkot ngeni eu fansoun ren ewe semanap me non neniom we.

Met upwe föri ren ai we efeioch?

Kopwe isonochu, me kopwe anneani iteitan. Kopwe chechemeni, om we efeioch mi pin me a pwisin om we. Ka tongeni poraus usun ren chon om we famini, nge kosap poraus usun ngeni chommong aramas. Pwan, meinisin ekkewe efeioch me poraus usun non om we efeiochun semanap mi anongonong won om nukunuk me kunokun ewe Samon.