An Fefin Chon Amwa Poraus, February 2010
Tumunuochu Pisek non Tipachem me Touau Seni Niwinimang
Kopwe aiti ekkei wokisin me poraus are, ika mi namot, pwan eu nongonong epwe efeiochu ekkewe fefin ka churi. Kopwe kapasen pwäratä ren ekkewe nongonong. Kopwe tingorei ekkewe ka churir pwe repwe poraus usun met ra mefi me kaeo.
Tumunuochu Pisek
“‘Manauen tumun’ … mi wewen ewe [isoni] ach kewe pisek, ewe kokkotun mwoni, awora ren pochokunan manau, me ammonata ren sukkun me fefeitan angang, me awora tumunun fefeitan imw me isois pwan ochun manau. … Ika sipwe manau non tipachem, sipwe nom non poun Semach we.”1
Preseten Spencer W. Kimball (1895–1985).
“Met mi namot pwe sipwe tongeni manau seni pwisin ach tufich? … Nepoputan ewe Mwichefen, Brigham Young a tingorei ekkewe fefin repwe kaeo ifa usun ar repwe epetti semwen non famini, efisata angangen imw, me kaeo pekin mwoni me pwan ekkoch angang. Ekkena nongonong mi chuen auchea ikenai. Sinenap seni kaeo mi chuen auchea. …
“Ua kapas eis ngeni ekkoch pisop met mi namot non pekin tumunuk pwisin ren ekkewe fefin non ekkewe wart, me ra kapasen tumunun mwoni. Mi namot pwe fefin repwe weweiti niwinin ar repwe kamo mettoch ren noun pwan emon mwoni me esap manau me non an kokkotun mwoni. Ewe oraun kinikinin angangoch ekkewe pisop ra apasa kuk. Möngö mi ammonata me ani me non ewe imw mi mo kukkun, me mi och ren ewe inis, me ra apochokuna ewe famini.”2
Julie B. Beck, presetenin Fin Anisi.
Touau seni Niwinimang
“Upwe poraus usun nimu kinikinin ngaseno non pekin mwoni. …
“Akkom, kopwe monatiw om asoren eu ne engon. …
“Oruan, kosap kamo nap seni met ka angei seni angang. …
“Aunungatin, kaeo ne isoni. …
“Aruanun , kopwe ennet ngeni wisom non pekin mwoni. …
“Enimuen, kopwe aiti noum kewe semirit ar repwe tapweno mwirin om we nenien appiru.”3
Elder Joseph B. Wirthlin (1917–2008) seni ewe Mwichen Engon me Ruemon Aposel.
“Nupwen sia nom fan niwinimang, sia fangeta ach pungun finata mi fakkun auchea me sia efisata weires won pwisin kich. Sia fangeno ach fansoun, tufich, me pochokun ne eniwini ach kewe niwinimang—pisek minne mi fen tongeni aea ne anisi pwisin kich me ach kewe famini, me pwan ekkoch aramas. …
“Eniwini ach kewe niwinimang iei me ach sipwe touau seni niwinimang non fansoun mwach iwe mi namot pwe sipwe anganga ach nuku non ewe Chon Amanau—esap chok pwe sipwe föfföroch nge sipwe winiti pwan ekkis och. Mi namot an epwe watte nuku ne apasata ekkewe kapas, ‘Ese naf nouch mwoni ne kamo.’ A namot nuku pwe sipwe epinukunuk pwe ach manau epwe och ika sipwe fangeta ach mochen pwe epwe wor ach tufich ren met mi namot fan itach pwisin me pwan fan iten pwan ekkoch.”4
Elder Robert D. Hales seni ewe Mwichen Engon me Ruemon Aposel.
© 2010 seni Intellectual Reserve, Inc. Meinisin pung mi kawor. Mi för non Amerika. Kapunguno non fosun engenes: 6/09. Kapunguno chiakun: 6/09. Chiakun Visiting Teaching Message, February 2010. Chuukese. 09362 901
Aninis ngeni ekkewe Fefin Chon Amwa
Kopwe poraus ngeni chienom we won ifa usun ne kapas usun ei poraus ngeni namotan emon me emon fefin. Met sokkun angangochun tumunuk pwisin minne ka tongeni aea ngeni ewe ka churi?
Ammonata Pwisin
Ren pwan ekkoch poraus, nenengeni All Is Safely Gathered In: Family Finances (nampan pisek 04007).