Feia apî

To outou haamaitairaa patereareha

Ua faaite te peresideni Monson e, e au te haamaitairaa patereareha mai te « hoê Liahona no outou iho no te reniraa i to outou haere‘a e te arata‘iraa i to outou e‘a ». No reira eaha ïa teie haamaitairaa, e nahea te reira i te tauturu i te arata‘iraa i to outou oraraa ?

Eaha te hoê haamaitairaa patereareha ?

E piti opuaraa rarahi i roto i to outou haamaitairaa. Te matamua, e faaite mai te reira i to outou opu, e aore râ no teihea nunaa outou i roto i te fare o Iseraela. Te piti, te vaira i roto te hamaramaramaraa no te arata‘i ia outou. I roto i to outou haamaitairaa te vaira ihoa te mau fafauraa, te mau a‘oraa e te mau faaararaa.

E hea matahiti e nehenehe ai au e farii i to‘u haamaitairaa ?

Aita te matahiti i taotiahia, tera râ e mea ti‘a ia tano to outou paari no te ite i te natura mo‘a o te haamaitairaa. E rave rahi mau melo tei haamata i te feruri no ni‘a i te fariiraa i to ratou haamaitairaa i roto i te mau matahiti matamua o to ratou apîraa.

Nahea vau ia farii i te haamaitairaa ?

A paraparau na mu‘a i to oe episekopo e aore râ te peresideni amaa. Mai te mea e ua ineine e e mea ti‘amâ oe, e farii ia oe i te hoê parau faati‘a. I muri iho i te reira, e nehenehe oe e faanaho i te hoê farereiraa e te patereareha i roto i to oe fenua.

Nahea vau i to‘u haamaitairaa ?

A vaiiho i te hoê vahi papû, e a tai‘o pinepine i te reira. A haamana‘o, e mea mo‘a to oe haamaitairaa e e no oe ana‘e. E nehenehe ta oe e faaite te reira i te mau melo o te utuafare, tera râ eiaha i te mau taata atoa. Oia atoa, te mau haamaitairaa atoa i faahitihia i roto i to oe haamaitairaa patereareha ua niuhia ïa i ni‘a i to oe haapa‘o maitai e i te talena mahana a te Fatu.