Mulwol ko Bin Somm’on e Presidency, February 2010
Mu Tanmiy e Ya’el Rom
Fonow ko Profet Rodad
Dayif ko Mich
“Fa’anra dariy e michuwaen’dad nib gel ma dabda toeyed e dayif ko mich nib too’aar, sana dabiyog ni ngad sak’iy gaed u fithik’ e yoko’ nge nifeng ni bay e ayis riy ko ngiyal’ ni bay yib Mo’oniyan’ ngodad.
“Yafos u dakean re fayleng ney e ngiyal ko sikeng, fan ni kad bad ko biney e yafos e ngan falfalaen’ man fal’eg rogoy ni ngan sul bayay ko gin ni bay Got riy. Ra ngayog e re sikeng ney, ma thingar da nanged e magawon nge tin nib mom’aw. Pinn’ey e rayog ni nge taerdad, nge daken e ya’el rodad era pil’ me puth nga but’—, biney e ra buch, fa’anra dayif rodad ko mich, nge michuwaen’dad ko tin riyul’ e de too’aar u fithik e ya’el rodad.”1
Fil e lowan ko tin ni ke Buch
“Nap’an gadad ba gay dad ni th’abi fel’, bay boech e duwer ni ra powi’iy e tafnaey rodad: I gag bee’ ni guba’adag ni ngug mang? Kug chuchugor boch ngak’ fare Tathapeg buch’uw e daba’ ko fowap? Gura yan nib chuchgor boech gabul? Bay e muthaen’ rog ni ngug thil’’ ngug mang nib fel’ rogon boech? …
“Pi duw ni ke yib nge pi duw nike yaen, machane michuwaen’dad ko fare gospel e th’abi gaa’ fan. Nap’an ni gadad bayan ko pi rran ni bay yib, dabda pagtilined e tin ni kad filed ko pi duw ni ke thimur.”2
Paluw ara Liahona Rom
“Patriarchal blessing rom ea fanam ni yigo’ gur. Sana’ ba ngochngoch fab n’uw, mom fa mom’aw ni ngan bi’eg. Dariy fan uw n’uw ngin fa pi thin ko patriarchal blessing rom. Fare Kan ni Thothup e ma pii’ fan nib riyul’. Fare babyor ni bay e patriarchal blessing rom nga dakean e de t’uf ni ngam teet’aer nib yaram mag yan mu cha’riy. Gathi ireray ba babyor ni ngan tay nga frame fa ngan yoloy. Machane, ireray e babyor ni ba t’uf ni ngan bi’eg. Ma banen ni nge t’uf rom. Man fol ko thin riy. Patriarchal blessing rom ra powi’iyem u fithik’ e nep ni rib limar. Ir ra powi’iyem u fithik’ e ma’ad’ad ni bay yib u lane re yafos ney. … Patriarchal blessing rom ni ir e Liahona ara paluw rom mara powi’iyem. …
“Sana ra t’uf e gum’aen’ ko ngiyal ni ngad sap, soen, nge muruwel gaed ngayan I mada’ ko ngiyal’ nike pi e tawa’ath ni kan michmicheg u lane patriarchal blessing rodad nira yib ngodad.”3
Mired ngak’ Ni’ir
“Mu tay u wun’um ni dam mur yaen ni yigo’ gur … … Nap’an gabe yaen u fithik’ ere yafos ney, gubin ngiyal’ thingar mu yaen ko gin niba e tamilang riy, ma pi foen ko re yafos ney ere thig nga tomur rom. …
“Nap’an kug chal’ ko pi chep nib thothup ni fan e pining’aen, ta’areb e thin nibe yib ko tafnaey rog bayay nge bayay. Re thin nem [e] ‘moy’. ‘Somoel e ke yoeg, ‘Mired ngog.’ Ke yoeg, ‘Mired ngam filed ewok rog.’ Ke yoeg, ‘Mired, ngam laked gag.’ Guba’adag ere thin ney, mired. Gube wenig ngomed ni ngad daroed ngak’ Somoel.”4
© 2010 ku Intellectual Reserve, Inc. Bay mat’awon gubin e gidii’. Nni yoloey u Merika. Micheg nag I pilyeg ko thin nu Ngalis: 6/09. Micheg nag I pilyeg: 6/09. Nni pilyeg koMulwol ko First Presidency Message, February 2010. Yapese. 09362 905
Machib nag ko re Mulwol ney
Teaching, No Greater Call be yoeg: “Sensey nib fel’ de lemnag, … ‘Mange ngug fil e daba?’ machane ra lemnag, ‘Urogon rayog ni ngug e pii’ ayuw ngak’e bitir u skul ni ngar nanged e pin’en ni ba t’uf?’” ([1999], 61). Rayog ngam ayuweg gidii’ ni yaed ma fil pin’en u lan ere mulwol ney, sana’ pii’ ngorad babyor nge pensal ma yaed bi’eg e pi thin ku President Monson mi yoloey e tin ni riyul’ ni kar patgad ngay ni mornga’agen e tanmiy ko ya’el. Bitir e rayog ni ngan achey e sasing ko n’en ni kar filed. Fa’anra gaba’adag ma rayog ngam fithraed ni ngar share niged e pin’en ni kar yoloeyed fa sasing ni kar acheyed.