Mulwol ni Ngan Thapeg ni Ngan Nang, February 2010
Gagyeg nag e tirom banen u Fithik’ e Ganop nge Dab mu fek Malfith
Fil e pi chep nib thothup nge guruy ney, ara fa’anra ba t’uf, fil reb e yalen ko gospel nira pii’ e ayuw ngak’ pi’in ni gama guy. Pii’ michuwaen’um ko fare doctrine. Fith e pi’in ni gama guy fa’anra yaed ba’adag ni ngar yoeged ko mange kar thamiyed nge tin ni kar filed.
Gagyeg nag e tirom banen u Fithik’ e Ganop
“‘Paer u fithik’ ganop … ba yip fan [cha’ariy] chugum rodad, tanmiy urogon ngad use niged e salpiy, nang ko ba t’uf boech e salpiy ko dowef rodad, nge tanmiy nib fal rogon ni fan ko skul nge muruwel ni ngan skul nag nib fel’, man motoyil boch ko ggan ni ngan falag u tibnaw nge ggan ni ngan cha’riy u tibnaw mad gel niged boch ea thamtham rodad. … Fa’anra gadad ra paer u fithik’ e ganop, gadad ra paer ni boed ni fa’anra gadad bay u lane pa’ Yesus.”1
President Spencer W. Kimball (1895–1985).
“Mang e ba t’uf rodad ere rayog ngad pired nib fel’ rogon? …U tabolngin ko re Galasia ney, Brigham Young eke wenig nag ngak chonginn ni ppin ni ngan fil rogon e paer ni fel’ rogoy ma dariy e m’ar u tabinaw, ma yarmiy e tabinaw ni ba ngongoliy e mad, yung e waldug , nge reb ban’en rayog ngan rin’ nde t’uf ni ngan chuwi’iy. Man fil eaccounting nge bookkeeping. Pi yalen ney e kab gaa’ fan e daba’. Skul e kaba monog niba gaa’ fan. …
“Kug fith boch bisof ko mange ba tu’uf ko ppin u ward rorad ni t’uf ni ngar filed ni th’abi gaa fan, ma pi bisof e kar yoeged e budgeting. Fapi ppin ba t’uf ni ngan nanged mang e ra buch nap’an yaed chuwi’iy ban’en ko malfith ma darma paer u lan e budget. Bin l’agruw ban’en ppin ba t’uf ni ngan fil e lith e ggan. Ggan ni kan lith man ka’ u lane tibnaw e ba sobut’ pulowon, ba fel’ ko dowef, mabe gel nag e tha’ u tabinaw.”2
Julie B. Beck, general president ko Relief Society
Pag e Malfith
“Ngu yoloey lal kiy ni nge puf’rogoy ko malfith. …
“Somm’on, pii’ ea maligach rom. …
“Bin l’agruw, mu yus nag boech’uw e salpiy ko urngin ni kam fek. …
“Bin dalip, cha’ariy boech e salpiy rom. …
“Bin aningeg, pii’ e salpiy ngak’ pi’in niba e malfith rom riy. …
“Bin lal, fil ngak’e bitir rom ni ngar fol gaed ko wok’ rom.”3
Elder Joseph B. Wirthlin (1917–2008) ko fare Ulung ko Ragag nge L’agruw Apostle.
“Nap’an ni bay e malfith rodad, gadad ba malog nag boech e paer nib puf rogon rodad nge yaen ni ngad pig pig gad ngak bee’. Bay e time, gelingin, nge bo’or ban’en rodad ere rayog ngad sulweg e salpiy ni kad ninged—fa’anra kug mal’eg ni rayog ngug pii’ e ayuw ngodad, tabinaw rodad, nge boch e gidii’. …
“Ra ngad pi’ed pulwon e malfith rodad e chiney man pag boch e malfith ta’boch ma thingar da pii’ed e michuwaen’dad ngak’ fare Tathapeg—Gathi kemus ni ngad rin’ed machane mang e gidii’ nib fel’ ko chiney. Ba t’uf e mich ni ga’ni nge yoeg e pi thin nib mom, ‘Dabi gaman ea salpiy ni ngad chuw’iyew.’ Ba t’uf e mich ni ngan pagaen’ nap’an gadad maligach nag e tin gadad ba’adag ni ngan chuwi’iy ko tin nib t’uf ngodad nge boech e gidii’.”4
Elder Robert D. Hales ko fare Ulung ko Ragag nge L’agruw Apostle.
© 2010 ku Intellectual Reserve, Inc. Bay mat’awngin gubin e gidii’. Nni yoloey u Merika. Micheg I pilyeg nga Ngalis: 6/09. Micheg I pilyeg: 6/09. Pilyeg ko Visiting Teaching Message, February 2010. Yapese. 09362 905
Pin’en nira ayuweg Cha’ nima yani nge nang Salpen Bee’
Mu non ngak’e companion rom mornga’agen urogon rayog ngam fil re mulwol ney ngak’ gubin e ppin ni gama guy. Mang boch banen nigab salap riy nifan ea paer nib fal’ rogoy ni ngam sernag ngak’?
Personal Preparation
Ko boech e ayuw, muguy All Is Safely Gathered In: Family Finances (item no. 04007).