Այցելող Ուսուցիչների Ուղերձ, փետրվար 2010
Միջոցները իմաստուն տնօրինել և պարտքից խուսափել
Աղոթքով ուսուցանեք այս սուրբ գրություններն ու ելույթները կամ, անհրաժեշտության դեպքում, ուսուցանեք մեկ այլ սկզբունք, որը կօրհնի այն քույրերին, որոնց դուք այցելում եք: Վկայություն բերեք վարդապետության մասին: Նրանց, ում ուսուցանում եք, հրավիրեք կիսվել իրենց զգացմունքներով և սովորածով:
Միջոցները տնօրինել
«Խնայողաբար ապրել … նշանակում է տնտեսել մեր միջոցները, ֆինանսական գործերը խելամտորեն պլանավորել, անձնական առողջության համար լիովին ապահովագրվել, բավարար չափով պատրաստվել կրթական և մասնագիտական զարգացմանը, պատշաճ ուշադրություն հատկացնել մթերմանը և պահեստավորմանը, ինչպես նաև էմոցիոնալ ճկունություն զարգացնել: … Եթե մենք խելամտորեն և խնայողաբար ապրենք, մենք այնքան ապահով կլինենք, ինչպես Նրա ափի մեջ»:1
Նախագահ Սպենսեր Վ. Քիմբալ (1895–1985):
Ինչպիսի՞ ունակություններ են մեզ անհրաժեշտ ինքնապահովող դառնալու համար: … Եկեղեցու վաղ օրերին Բրիգամ Յանգը աղերսում էր քույրերին սովորել, ինչպես կանխել հիվանդությունը ընտանիքում, տնային արտադրություն հաստատել, սովորել հաշվապահություն և այլ կիրառական հմտություններ: Այս սկզբունքներն այսօր ևս կարևոր են: Կրթությունը շարունակում է կարևորվել: …
«Ես մի քանի եպիսկոպոսների հարցրել եմ, թե իրենց ծխերում քույրերը հիմնականում ինքնապահովման ի՞նչ ունակությունների կարիք ունեն, և նրանք պատասխանել են` բյուջե կազմելու: Կանայք պետք է հասկանան ապառիկով գնելու և ըստ բյուջեի չապրելու վտանգը: Երկրորդ ունակությունը, որ եպիսկոպոսները նշել էին, դա խոհարարությունն էր: Տանը պատրաստված սնունդը հիմնականում ավելի էժան է և առողջարար, և նպաստում է ավելի ամուր ընտանեկան հարաբերությունների հաստատամանը:2
Ջուլի Բ. Բեք, Սփոփող Միության գերագույն նախագահ:
Խուսափեք պարտքից
«Թույլ տվեք առաջարկել ֆինանսական ազատություն տանող հինգ կարևոր քայլեր: …
Առաջինը, վճարեք ձեր տասանորդը: …
Երկրորդ, ծախսեք ավելի քիչ, քան վաստակում եք: …
Երրորդ, սովորեք խնայել: …
Չորրորդ, ժամանակին վճարեք ձեր ֆինանսական պարտավորությունները: …
Հինգերորդ, սովորեցրեք ձեր երեխաներին հետևել ձեր օրինակին:»:3
Երեց Ջոզեֆ Բ. Վիրթլին (1917–2008), Տասներկու Առաքյալների Քվորումից:
«Երբ պարտք ենք վերցնում, մենք կորցնում ենք մեր թանկարժեք, անգին ազատության մի մասը և մեզ դնում ենք կախվածության մեջ: Մենք տրամադրում ենք մեր ժամանակը, եռանդը և միջոցները, որպեսզի վերադարձնենք մեր պարտքը, մինչդեռ այդ միջոցները կարող էինք օգտագործել մեր, մեր ընտանիքի և մյուսների համար: …
Մեր պարտքերը այժմ վճարելու և ապագայում պարտքից խուսափելու համար, մենք պետք է հավատք գործադրենք Փրկչի հանդեպ, ոչ թե պարզապես ավելի լավ գործելու, այլև ավելի լավը լինելու համար: Մեծ հավատք է պահանջվում այս պարզ խոսքերն ասելու համար. «Մենք միջոց չունենք դրա համար»: Հավատք է պահանջվում վստահելու համար, որ կյանքը կբարելավվի, եթե մենք զոհաբերենք մեր ցանկությունները մեր և մյուսների կարիքները բավարարելու համար»:4
Երեց Ռոբերտ Դ. Հեյլս` Տասներկու Առաքյալների Քվորումից:
© 2009 by Intellectual Reserve, Inc. Բոլոր իրավունքները պաշտպանված են: Printed in USA. Անգլերենի հաստատումը. 6/09: Թարգմանության հաստատումը. 6/09: Visiting Teaching Message, February 2010 -ի թարգմանությունը: Armenian 09362 201
Օգնություն Այցելող Ուսուցիչներին
Ձեր ընկերակցի հետ խորհրդակցեք, թե ինչպես պետք է այս ուղերձը նրբանկատորեն համապատասխանեցնեք յուրաքանչյուր քրոջ կարիքներին: Ինքնապահովման ի՞նչ ունակություններով կարող եք կիսվել նրա հետ:
Անձնական պատրաստվածություն
Լրացուցիչ տեղեկության համար, տես All Is Safely Gathered In: Family Finances (item no. 04007):