Klumech er a Oldingel e OlisechaklOngerung el Buil 2010
Melemalt e Diak el Terrekakl el Usbechel a Klalo e Diako Blals
Moluluuch e molischakl a ikang el edaol llechukl me a tekoi malechub, a omousbech, a kuk tang er a osischakl a mo omekngeltengat er a rodos el moldingel er tir. Mouchais er a klemerang el kirel osisechakl. Molengit er tirkel moldingel er tir el mo ouchais aikel lomelchesiu me a bla lsuub.
Melemalt el usbechel a klalo
“‘Kerreomel klechad’ … a mesaod er a omengereomel a klekedelled, a ungil omengitel me a usbechel a ududed, a ungil kedmeklel a klisichel a bedenged, a ungil kedmeklel a omesubed me a skuled me a omesubel a duch er a ureor, kede di mo kerkikl er a kedmeklel a delengchekled me a klokled me a chelleklel a rengud. … Alsekum eng melemalt e kerreomel a klechad er kid, e kede kmal selbechakl el di ua bla demoterkokl er a Chimal.”1
President Spencer W. Kimball (1895–1985).
“Ngerang el duch a dousbech el ngosukid el di mo kid el dechor? … Ser a uchelel a Ikelesia, a Brigham Young a milluluuch e olengit er a rodos me losuub el omkar a rakt er a telungalk, e loterkokl okedmeklel a klalo me a kall er a delengchokl, e lsuub omelchesel a babier er a usbechel me a omengitel a udoud me a kuk di bebil er a duch er a ureor el sebechir el ousbech. A ikang el uldasu a dirke sebeched el ousbech er elechang el sils. A omesuub er a skuul a di melemolem el klou a ultutelel. …
“Ak mla oker er a rebebil er a rebisob el kmo ngerang el duch er a ureor al sal ousbech, e te melekoi el kmo ng urbetel a omengitel a udoud. A redil a kirir el medengelii a berredel a ocheral a klalo sel lomals me sel lebecherei a omengitel a udoud me lengelakl er a ngarngii el udoud. A ongerung el duch el lulekoi er ngii a rebisob a omeruul el kall. A blengur er a blai a blechoel kesai el udoud a mechoit el kirel, e lmuut el ungil er a bedenged, e smisiich a deleuill er a elsel a telungalk.”2
Julie B. Beck, el ngarbab el president er a Cheldebechel er a Rolngeseu.
Lak Domals
“Me kucholt a eim el teletelel e kede mo mimokl er a tekoi er a udoud.
“A kot, e motobed a udoud el kirel ongeltacher el tengetengem …
“Ongerung, a udoud el mchoit a kirel mekesae er a omkereker …
“Ongedei, mosuub el mo sebechem el mengudel a udoud …
“Ongeuang, bom kerkikl el kokad a belsem. …
“Ongeim, mosischekelterir a rengelekem el mo oltirakl a omerellem.”3
A Elder Joseph B. Wirthlin (1917–2008) er a Chelchad er a Teruich me a Terung el Apostol.
“Sel ki bo blals, aki oterau a bebil er a mekreos, el diak el mochar el mimokl el rengud el melilt e osisebid er dauch er a omessiou. Kede oterkokl a temed, klisiched me a ududed el kokad a bladeleng—el mle sebeched el ousbech el ngosukid, a telungalk er kid, me a kuk di bebil er a rechad …
“A de kekad a belsed er elechang e lak domals er kid er a ngar medad ngkired el ultuil er a klaumerang er kid er a Osobel—el diak de di doruul el lmuut el ungil kid a ba imo ungil. Ngkired el ultuil er a mesisiich el klaumerang el kmung a ikang el beot el tekoi, ‘Ngdiak el sebeched el mecherar.’ Ngklaumerang a dousbech er ngii el momedengei el kmo a klechad er kid a sebechel mo lmuut el ungil sel debechei a soad meng mo sebeched el ngmai a usbeched me a usbechir a rebebil.”4
A Elder Robert D. Hales er a Chelchad er a Teruich me a Terung el Apostol
© 2010 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/09. Kengei er a oidel: 6/09. Oidel a Visiting Teach Message, February 2010. Palauan. 09362 881
Ngesou el kirir a Roldingel Sensei
Mouchais er a omobengkel el olischakl mel delbedabel tiang el klumech el mora rebek el odos el di mo ior er a klechad er tir. Ngerang el duch er a klechad a sebechem el ochotii er a odos er kau?
Kedmeklel a Klechad
A lmuut el dechelel a omsodel, mesa All Is Safely Gathered In: Family Finances (item no. 04007).