Klumech er a First Presidency,Ongerung el Buil 2010
Er a Kedmeklel a Reng
Osischakl el mlara Profet er Kid
Uchetemel a Klaumerang
“Alsekum eng diak a mesisiich el uchetemel a klaumerang me a olechotel a klaumerang er kid, eng locha mo meringel er kid el mtekengii a mesisiich el ses el eolt me a mekelekolt el eltel a cherreoed el diak do kor el di mo chemau el rokui.
“A klechad er kid a temed el ngara ongarm, ng temed el olecholt er kid el kmo kede klikiid el sebeched el lmuut el mor bitang er a Demad er a Babeluades. Sel domekduch er kid, eng kired el mo chemau a ongarm me a ringel. A ikang a sebeched el mesibas er ngii me a delbenged a sebechel metemall—er ngii, alsekum ea uchetemel a klaumerang, a olechotel a klaumerang er kid a diak el ungil delalem er a elsel a reng er kid.”1
Bododengei a Suobel er a mla Memong
“Sel dorritel er a rengud, ea ikang el ker a dousbech el kerbai er ngii el omerritel: A klechad er ngak ngmla moterkokl er sel soak? Ngak ak lmuut el kmeed er a Osobel er elechang er a sils er elii? Ea klukuk ak lmuut el mo kmeed? Ngarngii a duch erreng er ngak el sebechek el mo ungil? …
“A rak a mla mei e remiid, ngdi usbechel a olechotel a klaumerang er a osischakl a di melemolem el mesisiich. Sel dorael el bedul medad, ngdiak el kired el chemoit a suobel er a ngara mong.”2
Sel kuk di Kerbai er Kau
“A klengeltengat er a patriarch el ekong er kau a di kirem e merkong. Ngsebechel di kedeb malechub eng kemanget, ngdi beot malechub eng dmolech a belkul. A klemengetel me a tekoi el lousbech a diak el rellii a klengeltengat er a patriarch. Ngbai Edaol Reng a ochotii a merang el belkul. A klengeltengat er kau a kirel mo ungil keldmokl. Ngdiak el kirel do chemolt malechub eng nglluches er a babier el di lesang a rechad. Ngbai kirel di mechuiu. Ngkirel di modanges. Ngkirel motirakl. A klengeltengat er a patriarch er kau a mo mekrolau er sel kot el milkolk el klebesei. Ngmo mekrolau el choridau er a kengaol el tekoi er a klechad. …A klengeltengat er kau er a patriarch a sel kuk di kerbai el moltirakl er ngii el olecholt er a rolem. …
“Nglocha kired el moklou a rengud sel domes, e dongiil, e doureor el kirel a ikei el blel iaksok el klengeltengat el mo mekedmokl.”3
Di mei er Ngii
“Di mletkii el kmo ngdiak el dil kau el tang el merael. …Sel omorael er tial klengar, e bo blechoel merael el bedul a llomes, ea llechul a klechad a di mo okiuulem …
“Sel [bla] kunguiu er a edaol llechukl el soak el mukrael, a tang el tekoi a [di] blechoel me tuobed el betok el taem. Tiang el tekoi [a] ‘mei.’ A Rubak a dilung el kmo, ‘Mei er ngak.’ Ngii a dilung el kmo, ‘Mei e mosuub a sebechek el ocholt er kau.’ Ngii a dirrek el dilung el kmo, ‘Mei, e moltirakl er ngak.’ Ngsoak s el tekoi, mei. A ongtik a kmo di demei er a Rubak.”4
© 2010 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/09. Kengei er a oidel: 6/09. Oidel a Klumech er a First Presidency Message. February 2010. Palauan 09362 881
A Osischakl el mlara Tiang el Klumech
Teaching, No Greater Call a kmo: “A meduch el sensei a diak el lomdasu el kmo,… ‘Ngerang a bokulischakl er elechang el sils?’ ngbai, ‘Ak mekerang e ngosuterir a rengelekek el suub el mo medengei a kirir el medengei?’” ([1999], 61). A omolngeseu er a rechad el suub a suobel er tiang el cheldecheduch, besterir a babier me a oluches me a techellir el menguiu a tekingel a President Monson e lluches a klemerang el siluub er a teletelel e kede keldmokl er a reng. A remekekerei el ngalk a sebechir el di ouzunga a teletelel a tekoi el blal suub. Molengit er tir me louchais a suobel el blal lluches malechub e te mla ouzunga.