Klumech ra First Presidency, Ongedei el buil 2010
Duch el Reng ra Ungil Omeruul
A tara moktek er tial klengar a ochotii el mora Dios el kmo kede mo oltirakl a Llechul el ngii a ousbech ra duch e reng. Kid a ngilsechekel er sel skeng ra belurir a redeleb. A tang ra edei iitiud ra rechad ra babeluades a ulemtok ra uldasou el mora skeng er tial beluulechad el mlar ngii a techall el mo diak el sebecherir el kudmeklii.
Uchei ra demechell, e kede kmal mle ungil medengleii, a Dios el Chedam ma Ngelekel, el Jesus Kristo. Kede mle ungil Mesterir e orrengese er Tir ra Lolisechakl e lolisiich er kid. Chelechang ea kateng a mla tongetengii a uldesued ma ikel dodengei. A diablong, el ngii a chedam ra blulak, a ngarngii a techellel meng kmal kired el mo ungil mesang el kmo kid kede techang lokiu osenged ra klaumerang, ele bedenged a mo obangel ongetikaik ma chelitechut ra tech.
Kede obang a klou el ngesou el meskid a duch el reng er tial klengar. Sel kot el ngarbab er ngii a Tngakireng ra Jesus Kristo. Me ngultuill er sel Ngii a le rirellii, e a klengit a sebechel mousubes lokiu a techolb e chelid. Ng sebeched lomekbeches er tial klengeltengat sel dolai ra sakrament loba klaumerang lobengkel a ouuchel reng.
A chedaol sengk meng tara ngesou. Kede nguu a Reng ra Kristo ra taem ra cheroll. Tia meskid a klisiich el mo medengei sel bocha le kired el melilt ra rael el mora diak a ulebengelel klengar. A chedaol llechukl a meral lomekrael sel donguiiu loba Chedaol Reng el keldemed.
A Chedaol Reng a ngosukid lochotii omereng el saull e olengit a ngesou lokiu a nglunguuch lobengkel a bleketakl el teletael ma kleasning el ngii a mle tal deuil a rengud lobengkel a Demad ra Babeluades e ngii a bo denguu sel deluut el mo er Ngii. A cheldecheduch lobengkel a Dios a olngeseu choroid a dakt ra rengud sel lolisiich ra klaumerang ma beltik el reng ra Chedam ra Babeluades ma Jesus Kristo.
A chedaol priesthood a meskid a duch el reng ra omesiou el doruul. Meng chelsel chedaol urerel e kede nguu a klisiich el mesiou ra rengelekel a Dios e otngeklii a ongetikaik ra mekngit. Sel Ngii a mekedongid el mo mesiou, e kede nguu tiakid el telbiil el kmo ngkel ngii a ngoikid, seikid a Ngii a mor ngii, ele Ngii a mo ruchei er kid. Ngii a mo ngara kadikm ma katur kid, ea Reng er Ngii a mora chelsel a rengud, ea reanghel er Ngii a iiliuekel er kid, el mo sobecheklid” (D&C 84:88).
A Profet Joseph Smith ra lengara omesiou eng mlar ngii a uchul eng mlo medakt. Eng di a Dios a milsang a duch el reng loba tiakid el okesiu ra Mastang:
Ngii a dilul kmo alsekum a Joseph a ulebidokel ra kliokl, malechub eng mlora chimorir a romekeuad, el kirel mo okodall; a lulbidokel ra dmolech; alsekum a meklou el chedesaoch a subechii er ngii;alsekum ea mesisiich el eolt a mo cherreuel; alsekum ea babeluades a chemudel a iilkolk, ma rokui el tekoi a mo dmak el tongetengii a rael; e sel kmal ngaruchei, alsekum e ngobok a tungelel a beluu ra ngau el kirel, e ngii a kirel medengei el kmo aikal rokui el tekoi a mo msang a suobel, e mo klungiolel.
A Rubak a dilu er ngii el kmo a Ngelekel a Chad a mla ngosechekel ra ikal rokui. E uleker el kmo ngii ngarbab er Ngii? D&C 122:7–8
A Dios a mla meskid a kmal betok el ngosukid el choroid a dakt e meskid a duch el reng, ra ngii dil ngerang el bo de chebangel ra klengar. Me sel dosiik a ngesou er Ngii, e Ngii a sobecheklid el mor sel diak a ulebengelel klengar el dosiik er ngii.
© 2009 lokiu a Intellectual Reserve, Inc. Urrekodel a rokui el klisiich. Milluches ra USA. Kengei ra Englishl: 6/09. Kengei ra oidel: 6/09. Oidel a First Presidency Message, March 2010. Palauan. 09363 881
Olisechakl er Tial Klumech
A Jesus Kristo, el Mastang ra Olisechakl, a blechoel loker a ker el lomeksemeriar ra rechad el mo melbedebek e oltirakl a osisechakl el Ngii a ulisechakl. … A Keril a muchel a uldasou, el ngara rengud el osiik, e mo blak a rengud” (Teaching, No Greater Call [1999], 68). Momdasou a remuul e moker a bebil ra ker el ngosuterir a rechad el mo medengelii e mo oltirakl a klemerang el mla mosisechakl ra chelsel tial klumech. El uaia, ng sebechem loker, “Ngera el ngesou a bla el beskau a Dios el choroid a dakt e meskau a duch el reng?” malechub “A Dios ng mla mekerang e ngosukau el mo diak ko medakt?” A rechad bo lolbedebek a nger tir e longer.