Poraus seni Fefin Chon Amwa, March 2010
Apochokuna Nuku non Kot ewe Sam me Jises Kraist seni Pwisin Kaeo Pukfel
Asukuna ekkei pukfel me uwekisin are, ika mi namot, ekkoch nongonong epwe efeiochu ekkewe sister ke churir. Apasa om kapasen pwäratä usun ekkew annuk. Murt ngeni ekkewe ke churir repwe apasa usun met ra mefi me kaeo.
“Nupwen ua keran kofot, … Emon a tingore ei pwe upwe fiti eu fansounen möngö fan iten meinisin ekkewe Fin Anisi non ai we wart mi fen aneani ewe Puken Mormon are eu puken uruon Mwichefen. Ua ekkis chipwang non ai anneani pukfel, iwe ua tongeni fiti ewe fansoun möngö pokiten ua aneani ewe puk mi kukkun pokiten mi mecheres me ese namot watte fansoun. Nupwen ua möngö, a wor ai memef pwe ina mo pwe ewe puken uruo mi och, epwe fen och ika ua anneani ewe Puken Mormon. Ewe Ngun mi Fel a pesei ngeni ei upwe ekkesiwini ai achocho ne anneani pukfel. Ena chok ran ua poputa ne anneani ewe Puken Mormon, me use fen kouno. … Pokiten ua poputa ne anneani ekkewe pukfel iteitan ran, ua kaeo usun Semei won Nang, Noun we Jises Kraist, me met mi namot upwe föri ai upwe winiti usun chok Ir. …
“… Iteitan fefin mi tongeni emon sensen ewe kapas allim me non imwer we, me iteitan fefin me non ewe Mwichefen a namot an weweiti ewe kapas allim pwe epwe emon sou emwen me sense. Ika kese fen kan anneani ekkewe pukfel iteitan ran, kopwe poputa iei me sopweno om kaeo pwe kopwe monota ngeni wisom kewe non ei manau me non fansoun ese much.”1
Julie B. Beck, Presetenin Fin Anisi unus.
“Kaeo ekkewe pukfel epwe anisi ach kewe kapasen pwäratä me ekkewe kapasen pwäratä an chon ach kewe famini. Nouch kewe semirit ikenai mi marita me a chommong mongungu mi pesei ngenir ar repwe nikitano met mi pung me achocho ngeni, ekkewe pwapwan fonufan. Ika pwe mi wor ar nongonong mi pochokun non ewe kapas allimen Jises Kraist, eu kapasen pwäratä ren met mi ennet, me ar mochen manau wenewen, ir mi tongeni tur me ren ekkewe pesepes. Wisach kewe epwe apochokunar me tumunur.”2
Preseten Thomas S. Monson.
“Sia mochen pwe ekkewe fefin repwe sineiochu ekkewe pukfel. … Mi namot eu chiechi fengen ren ekkewe ennet ese much fan iten pwisin en, me ren popun om kopwe aiti noum kewe semirit me pwan meinisin ekkewe ekkoch repwe sinei en.”3
“Sia mochen pwe imwach kewe repwe efeioch ren fefin mi sineinapei ekkewe pukfel—ina mwo ika ka anaemon chok are pupunu, kukkun are watte, nipich are nonnom ren famini. … Oupwe winiti chon sinienap ekkewe pukfel—esap an epwe efeingawa emon ren kapas, nge ekireta!”4
Preseten Spencer W. Kimball (1895–1985).
© 2010 seni Intellectual Reserve, Inc. Meinisin pung mi kawor. A för non Amerika. Kapungunon non fasun engenes: 6/09. Kapungunon chiakun: 6/09 Chiakun Visiting Teaching Message, March 2010. Chuukese. 09363 901
Aninis ren Fefin Chon Amwa
Non om fansoun chufengen, kopwe pwonueni ekkewe kapas eis me aea fengen ekieki me aea ekkewe pukfel. Kopwe kapasen pwäratä ifa usun kaeo pukfel mi apochokuna om nuku. Kopwe tingor ngeni ewe fefin oua churi epwe poraus won ifa usun an kaeo ekkewe pukfel mi apochokuna imwan we me an we famini.
Ammonetan Emon me Emon