Te Rongorongo ni Kaakawari n Reirei, Maati 2010
Kakorakoraan te Onimaki iroun te Atua te Tama ao Iesu Kristo rinanon Oin Ara Kamatebwai ni Booki Aika a Tabu
Reirei koroboki aika tabu ma taeka aikai ke, ngkana e tangiraki, te reirei riki teuana ae na kakabwaiaia tarimi ake kam kawariia. Anga am koaua iaon te reirei. Kaoia naake ko kawariia bwa a na tibwa te bwai are a tia n namakinna ao n ataia man te reirei.
Ngke I a bon tibwa mareaki, … I a kaoaki nakon te katawanou ibukiia taari aine n te Bootaki n Aine inanon au uoote are a tibwa tia ni wareka Ana Boki Moomon ke te rongorongo ae e uarereke ibukin te Ekaretia. I aki rang raraoma n au wareware ni booki aika a tabu, ngaia are I a tau n ira te katawanou man warekan te boki ae e uarereke ibukina bwa e bebete ao e kauarerekea te tai. Ngke I a katawanou, I a karekea te namakin ae e korakora e ngae ngke te rongorongo n te boki aei e rangi n tamaroa, Nna kaman riai ni wareka Ana Boki Moomon. Te Tamnei ae Raoiroi e anganai te namakin n ibita anuau ni wareware ni booki aika a tabu. N te bong anne I a moana warekan Ana Boki Moomon, ao I aki kan katokia. … Ibukina bwa I a moana au wareware ni booki aika a tabu ni katoa bong, I a reiakinaki taekan Tamau are i karawa, Natina are Iesu Kristo, ao tera ae Nna riai ni karaoia n ai Aroia. …
“… Aine n tatabemaniia nako a kona n riki bwa taan reirei n tuua n te euangkerio inanon mwengaia, ao taari aine n tatabemaniia nako inanon te Ekaretia a kainnanoa te atatai n te euangkerio ngkai ngaiia taan kairiiri ao taan reirei. Ngkana ko tuai ni karikirakea te anua ni wareware ni booki aika a tabu, moanna mang ngkai ao waakina am kamatebwai n te aro bwa ko aonga n tauraoi ibukin katabeam n te maiu aei ao n te maiu ae na roko.”1
Julie B. Beck, te Beretitenti ni Kabuta n Aia Bootaki Aine.
Te kamatebwai ni booki aika a tabu e na buoki ara koaua ao aia koaua kain ara utu. Ara ataei ni boong aikai a ikawairake mani katobibiaki n taian bwana ae anaa nanoia bwa ana urua ae eti ao ni karekea, n onea mwiin, kukurein te aonaaba. Ti ngkana e matoatoa aaia n ana euangkerio Iesu Kristo, iai te kakoaua iaon taian koaua, ao te nano ni kan maeka ma te kororaoi, a butimwaeaki nakon anua aikai. Tabera bwa ti na kakorakoraia ao n kamanoia.”2
Beretitenti Thomas S. Monson.
“Ti tangiria taari aine bwa ana riki bwa taan rabakau iaon booki aika a tabu. … Ko kainnanoa ataakin ana koaua aika akea tokiia ibukin oin buokam, ao ibukin reiakinaia oin natim ao tabemwaang ake a na rootaki man anuam.3
“Ti tangira mweengara bwa e na kakabwaiaki irouia aine aika taan rabakau ni booki aika a tabu—e ngae ngke ko tuai ni iein ke koa tia ni mare, ko ataei ke koa kara, e a tia ni mate buum ke ko maeka inanon te utu. … N riki bwa taan rabakau iaon booki aika a tabu—n aki uotiia rikaaki temwaangina, ma kona tabekiiarake!”4
Beretitenti Spencer W. Kimball (1895–1985).
@2010 iroun Interllectual Reserve, Inc. A bane n tauaki mwiin taian kariaia ibukin katootongana. Boretiaki i USA Kariaiakaki n te Ingiriti: 6/09 Kariaiakaki rairana. Rairan te Visiting Teaching Message, March 2010. Kiribati. 09363 859
Ibuobuoki Ibukin te Reirei ni Kakawari
Inanon rokom, kaekai titiraki ao tibwaua am atatai iaon koauan bwaai ao ni kabonganai booki aika a tabu. Kaota am koaua bwa e kanga am kamatebwai iaon booki aika a tabu ni kakorakora am onimaki. Titirakina te aine ane ko kawaria bwa e na tibwaua bwa e kanga aron ana kamatebwai ni booki aika a tabu ni kakorakora mweengana ao ana utu.
Oin Am Katauraoi