Parau poro‘i na te mau Tuahine Hahaere, Mati 2010
Te Faaitoitoraa i te Faaroo i roto i te Atua te Metua e ia Iesu Mesia na roto i te Tai‘oraa a te Taata Iho i te Papa‘iraa Mo‘a.
A haapii i teie mau papa‘iraa mo‘a e te mau faahitiraa parau e aore râ, mai te mea e hinaarohia, a haapii i te tahi atu parau tumu o te haamaitai i te mau tuahine o ta outou e hahaere ra. A faaite i to outou iteraa papû no te parau haapiiraa. A ani manihini i te feia o ta outou e haapii ra ia faaite atoa i te mea o ta ratou i farii e i haapii mai.
« I to‘u riroraa ei vahine faaipoipo apî… ua ani-manihini-hia mai au ia haere i te hoê tamaaraa na te mau tuahine atoa o te Sotaiete Tauturu i roto i ta‘u paroita o tei tai‘o i te Buka o Moromona e aore râ, i te hoê buka poto no te Aamu no te Ekalesia. E ere ta‘u tai‘oraa i te mau papa‘iraa mo‘a i te mea tamau roa, no reira ua fariihia vau i roto i teie tamaaraa na roto i to‘u tai‘oraa i te hoê buka poto no te mea e mea ohie e e ere i te mea roa roa. A tamaa noa‘i au, ua tae mai te hoê mana‘o puai i roto ia‘u e, noa’tu e e mea maitai teie buka aamu poto, e mea ti‘a ia‘u ia taio i te Buka a Moromona. Te parau mai nei te Varua Maitai ia‘u ia taui i ta‘u huru tai‘oraa i te papa‘iraa mo‘a. I taua mahana ra ua haamata vau i te tai‘o i te Buka a Moromona, e aita vau i faaea faahou… No te mea ua haamata vau i te tai‘o i te papa‘iraa mo‘a i te mau mahana atoa, ua haapii au no ni‘a i to‘u Metua i te Ao ra, no ni‘a i Ta’na Tamaiti ia Iesu Mesia, e te mea o ta‘u e ti‘a ia rave no te riro mai ia Raua te huru…
« … E nehenehe te mau vahine tata‘itahi e riro ei orometua no te parau haapiiraa evanelia i roto i to’na utuafare, e te titau nei te mau tuahine tata‘itahi i roto i te Ekalesia i te ite no te evanelia i roto i to ratou ti‘araa faatere e te ti‘araa orometua. Mai te mea aita â outou i rave atu ra i teie peu te tai‘oraa i te papa‘iraa mo‘a i te mau mahana atoa, a haamata i teie nei e a tape‘a i te tai‘oraa ia ineine outou no te mau hopoi‘a i roto i teie oraraa e i te oraraa e amuri atu.1
Julie B. Beck, peresideni rahia no te Sotaiete Tauturu.
« Na te tai‘oraa i te mau papa‘iraa mo‘a e tauturu i to tatou iteraa papû e i te iteraa papû o te mau melo o to tatou utuafare. I teie mahana te paari nei ta tatou mau tamarii ma te haaatihia e te mau reo e ume nei ia ratou ia vaiiho i te mea ti‘a e ia pee i te mau mea o teie nei ao. Mai te mea râ, e niu paari to ratou i roto i te evanelia a Iesu Mesia, e iteraa papû no te parau mau e e opuaraa papû i te ora ma te parau ti‘a, eita ïa ratou e vai i raro a‘e i te reira mau faahemaraa. E hopoi‘a na tatou te haapuairaa e te parururaa ia ratou ».2
Peresideni Thomas S. Monson
« Te hinaaro nei tatou i to tatou mau tuahine ia riro ei mau piahi no te papa‘iraa mo‘a… Titauhia outou ia matau i ta’na mau parau mau mure-ore no to outou maitai, e no te haapii i ta outou iho mau tamarii e te tahi atu â o te haere mai i piha‘i iho ia outou ».3
« Te hinaaro nei matou ia haamaitaihia to outou mau utuafare i te tuahine aravihi i roto i te papa‘iraa mo‘a – noa’tu e e mea faaipoipo-ore-hia e aore râ, e mea faaipoipohia, e mea apî e aore râ, mea ruau, e mea ivi e aore râ te ora ra i roto i te hoê utuafare… Ia riro outou ei feia aravihi no te mau papa‘iraa mo‘a – eiaha no te taataahi ia vetahi ê, no te faateitei râ ia ratou !4
Peresideni Spencer W. Kimball (1895–1985).
© 2009 na Intellectual Reserve, Inc. Faturaa paruruhia. Nene‘ihia i te Mau Hau Amui no Marite. Parau faati‘a no te reo peretane : 6/09. Parau faati‘a no te iritiraa : 6/09. Iritiraa no Visiting Teaching Message, March 2010. Tahitian. 09363 895
Te mau tauturu no te mau tuahine hahaere
I roto i ta outou hahaereraa, a pahono i te mau uiraa e a opere te mau mana‘o ma te faaohipa i te mau papa‘iraa mo‘a. A faaite i to outou iteraa papû e mea nafea te papa‘iraa mo‘a i te faaitoitoraa i to outou faaroo. A ui i te tuahine o ta outou e hahaere ra ia faaite mai e e mea nafea te mau papa‘iraa mo‘a faaitoitoraa i to’na fare e utuafare.
Faaineineraa no te taata iho