Mulwol ni Ngan Fil ni Ngan Nang, March 2010
Pi’ Gelngin e Mich ngak’ Got ni Chitamangiy nge Yesus Kristus u fithik e Fal thin u Babyor ku Got nib Thothup ni Go’gur
Mu fil e pi thin u babyor ku Got nib thothup nge numon ni, fa’anra ba t’uf, reb nib ga’ fan e ra fal’eg wa’than e pi walagey nib pin ni gama guy raed. Mog e mich ko fare doctrine. Pining e picha’an ni gabe guy ni ngan ser nag e n’en ni yad be thamiy nge n’en ni kar filed.
“Napan ni kafin gu mabgol, … min pinngeg ko ba abich ni masiw’ ni fan ko gubin e walagey nib pin ko Ulung ko bpin ko Galasia u lane ward rog ni kar bi’eg Fare Babyor ku Mormon fa bakean e babiyor ni chepine Galasia . Ke gapas an’ug ni kug bi’eg fare ke babyor ku Got nib thothup, ere meyog ni gu’un ko ulung ko abich ma yibe bi’eg fare ke babyor nike moem boch mab ngoch napan. U napan ni gube abich, mug thamiy ba thamtham ni rib gel ni fare ke babyor ni chepin e galasia e ba mangil,ni thingar gu bi’eg fare Babyor ku Mormon. Fare Kan ni Thothup e wawliyeg ni ngug thilyeg rogon ni guma bi’eg e thin u babyor ku Got nib thothup. Chi rofen nem mug tabab i bi’eg Fare Babyor ku Mormon, ma dag tal. … Bachan ni kug tabab i bi’eg e thin u babyor ku Got nib thothup ni gubin e ran, ma kug nang murunga’agen e Chitamag nu Tharmiy, nge Fak ni Yesus Kristus, nge n’en nib t’uf ni ngug rin’ ngug boed Row. …
“… Gubin e bpin ma rayog ni nge mang e cha’ nib ga’ ko doctrine ko gospel u tabinaew rok, ma gubin e walagey ni bpin u lane Galasia mab t’uf e llowan’ ngak’ ko gospel ni bee’ nib ga’ ma ba sensey. Fa’anra dawori macham ngom ni nga um bi’eg e babyor nib thothup ni gubin e rran, mag tabab e chiney ya ngeyog ni mu fal’eg rogom ni fan ko tin nib mil fan ngom u lane biney e yafos nge lane yafos ni manemus.”1
Julie B. Beck, president ko Ulung ko bpin ko galasia.
“Fal thin u babyor ku Got nib thothup e ra ayuweg e mich rodaed nge mich ko gidii’ u tabinaew rodaed. Pi fak daed e daba’ e yad be ga’ i yaen nibe liyeg raed e lunguy nibe n’iginraed ni ngar paged e n’en nib mangil nge n’en ni ngar rin’ed, ko bin ni, fapi n’en ni ba’adag e fayleng. Rayog ni fa’anra bay e deaf u lane gospel ku Yesus Kristus, nge mich ko tin riyul’, nge gelngiy ni ngan paer ni yib mangil, ma kura yib e lumel. Ba mil fan ngodaed ni ngad yororiyed gadaed roraed.”2
President Thomas S. Monson.
“Gamaed ba’adag pi walagmad ni bpin ni ngar cheg gaed i bi’eg e pi thin u babyor ku Got nib thothup. … Ba t’uf ngom ni ngam poey ko tin riyul’ rok ni fan ngom, nge fan ko n’en ni gabe fil ko pi fakam nge gubin boech e gidii’ ni be yib ngom.”3
“Gamad ba’adag e tabinaew romaed ni ngan yibliy ko walagey nib pin ni demtrug ko i go’gur fa kam mabgol, bitir fa pi labthir, ke yim’ e pumo’on rom fa kab fas u lane tabinaew. … Ke cheg u fithik e thin u babyor ku Got nib thothup—ni darma kireb nag laniyan’ e gidii’, machane ma ayuweg raed!”4
President Spencer W. Kimball (1895–1985).
© 2010 by Intellectual Reserve, Inc. Gubin ni mat’won ma bay. Pring nag u USA. Kan micheg ko thin nu Ngalis: 6/09. Pilyeg kan fanay: 6/09. Ni pilyeg ko Visiting Teaching Message, March 2010. Yapese. 09363 905
Ayuw ni fan ko Visiting Teaching
Napan e nang salpen bee’, mag pi’ e fulweg ko pi duwer mag ser nag e n’en ni ngan rin’ u lan fapi thin rok Got nib thothup. Mog e mich ko rogon ni gel nag e mich rom ni kam fil e thin rok Got nib thothup. Mu fith walagem ni bpin ni gama guy ni nge ser nag e n’en ni ke fil ko fapi thin rok Got nib thothup nike gel nag e tabinaew rok nge gidii’ u tabinaew rok.
Mugu’uliyem