Fal’ Yangarean
N’en ni Kug Rin’ u Fithik e Mich rog
Nap’an ni gub 13, mug tabab i bi’eg fare babiyor ku Mormon ni gubin e rran, ma ug paer u fithik e taw’ath ni gubin e rran ke mada’ ko chiney.
Sunday Sukul kaleas romaed ko 13-yangaren e dawor i yog ni ngar nanged rogon ni ngar muding gaed. Ere , bay rebe sensey romaed nib cheg ni ma gay rogon ni nge fil ban’en ngomaed u fithik e kanthothup. Bay rebe lesson ni ngan bi’eg e lane babiyor nib thothup.
Nga tomren fare lesson me pi’ e athamgil nga laniyan’ maed. Ni be yip’ fan ngomaed ni gamaed gubin, machane be paer nib sap ngog me ga’ar, “Gube non ngom ni nga um bi’eg e babiyor ko fare Babiyor ku Mormon ni gubin e rran!” Mug lem u laninug, “Bay gu dag ngom. Rayog ni gu rin’!”
Mug tabab ko bin ta’areb e guruy ku Nephi e re nep’ nem mu gu ulul i bi’eg ni gubin e rran. Sana gathi rib fel’ rarogog u napan ni gu tabab i bi’eg, machane me yo’or yay mug adag i bi’eg fare Babiyor ku Mormon mu gu thamiy. Ug bi’eg e babiyor ni gubin e nep’ nge macham ngog mug adag.
In e pul nga tomren mu gub ngak Alma 32 mar gu falfalan’ ko tin ke yoeg nike buch u fithik e mich. U sukul e kafin gu filed murunga’agen riy rogon e tini yima rin’ ko science, ere gu ragbug nga but’ ngug gog ngak e Chitamangiy u Tharmiy ni kafin gu tabab i nang ban’en. Mug fith ni nga gu nang ko ba riyul’ e Babiyor ku Mormon fa dangay.
Ko tin ni da ug gguy, ma Gu manang ni Chitamangiy e i fulweg taban e meybil rog ni bo’or yay. Bi’eg e babiyor ni gubin e rran ko fare Babiyor ku Mormon e pi’ gelngig ni nga ug gel ko tirok mo’onyan’. Kug thamiy ni kug chuchugur ko Chitamag u Tharmiy. Kug thamiy gelngig u gelngin fare Kan Thothup ni kug gel ko pi lumel. Tin ke yoeg Alma u murunga’agen e tin nike rin’ ko thin ku Got e ba riyul’: “I tabab nag i ga’ nag anug; arrogon, i tabab nag i mon’og nag e nagaen’ rog, arrogon, i tabab nag ni nge m’ag an’ug ngay” (Alma 32:28).