Bin Tomm’on e Mulwol ko Presidency, April 2010
Ba Muruwel ku GodNib Mangil
April 6, 1830
180 e duw nike yaen, Joseph smith, Oliver Cowdery, nge ku boch e gidii’ e kar mo’lung gaed nga ta’bang ni ngar yarmiyed Fare Galasia Rok Yesus Kristus ni Fan ko Gidii’ Rok ko Tin Tomur e Rran. Ma urngin ban’en ni ur weliyed u lane mo’lung e ba moem ya bay kan thothup riy. Pi record rok Joseph e be weliy murunga’agen e sakrament, “fare Kan Thothup e yib nga dakean maed nug thamiyed nib fel’ ko pin’en ni ug weliyed, ma gamaed gubin ni gu pininged e magaer ku Somoel,mar falfalaen’ gaed nib gel.”1
Pi n’ean nibe buch e chiney e be yaen ni danir nang u fayleng; ya danir yoeg fa ni yoeloey nga babiyor ni ngan nang iyaen. Ere, urogon ni ra falfalaen’ e tharmiy ma ni tay fan Got ko binem e rran, ni fare Galasia rok YesusKristus e ke sul nga fayleng!
Solomon Chamberlain
Fa binem e rran nga mada’ ko chiney, ma bukun e biyu’ e pi fakey ni pumo’on nge bpin e yib e mich ngoraed ngak e Chitamangiy u Tharmiy me yaed thamiy fare kanthothup me yaed un nga fithik e raen ko tawfe. Bay rebe pumo’on ni kanog Solomon Chamberlain ngak.
Solomon e bay e kanthothup rok ma yug ma paer ni ma meybil, be gay rogon ni nge m’ay machan e denen rok ma be ning ayuw ngak e Chitamangiy nu Tharmiy ni nge pow’iy ko tin riyul’. Bangiyal’ u lane 1816, me micheg Solomon u waen’ ni ra paer ni nge guy fare rran ko Galasia ku Kristus ni ngan yarmiy u tomren e tin ke yoeg e pi apostal ni nga kun yarmiy bayay u fayleng.
In e duw nga tomren ni be malekag Solomon u boch iyaen nga Canada me tal nga ba binaw nib achig u Palmyra, New York. Me thamiy ni gowa yibe tawasariy ni ngari tal ngaram. Ma dariy ban’en ni manang riy fan nike tal ngaram, me tabab ko numon ngak e gidii’ ko re binaw nem. Ma dawori n’uw napan u m’on nike runga’ag e thin ko ba “gold Bible.” Me ga’ar gal bug i thin nem e kan pi’ “ba gel ni boed e gamig ko waya [nibe] yib u lang u loelgeg nge mada’ nga buguli ayig.”
Duwer Rok e powi’iy i yaen ko tabinaew rok Smith, ire ram e gin i non riy ko girdii’ u murunga’agen e thin nib mangil ko fare gospel ni kan fulweg. U tomren nike paer u rom l’agruw e rran me yib e mich rok ko tini riyul’, me ululiy Solomon e milekag rok nga Canada, ni ke fek 64 yang e babiyor ni kafin ni fal’eg, yu yang i babiyor ko fare Babiyor ku Mormon. Gubin ni yang nike yaen riy, ma ke machib nag e gidii’, “ni ta’areb rogon ko ba tolang fa ba sobut’, fal’ rogon fa ba gafgow, … ngan fal’eg rogoy ko fare muruwel ku Got nib mangil ni kari chugur ni bay yib.”2
Ba Muruwel ku Got Nib mangil
Nap’an e ra rran nem u lane April 1830, ma biyu’ e gidii’ ni nang e tin riyul’ ko fare gospel nike sul bayay ma yaed un tawfe u fithik e raen. Gube micheg ni re “muruwel ney ku Got nib mangil” e bay u fayleng e daba’. Gube micheg ni fare Somoel e be guy e Galasia Rok ma be gagiyeg nag u dakean e Profet Rok, President Thomas S. Monson Dariy rebe taw’ath ni yug ba thil ko paer u lane tiney e rran. Aray ngal’an e falfalaen’, ke guy e pi profet kakarom mar uned i rin’, nge tini rin’ e pi angel. Fare Somoel e reb ga’ laniyan’ ko Galasia Rok. Ri ku ba ga’ laniyan’ ko picha’, ni boed Solomon Chamberlain, nibe rin’ e n’en nibe yoeg fare kanthothup me un ngak pi walagen ni pagal nge pi walagen ni bpin u fayleng iyaen ni yaed be ayuw i garareag e re muruwel ney ku Got nib mangil.
© 2010 by Intellectual Reserve, Inc. Gubin ni mat’won ma bay. Print nag u USA. Kan micheg ko thin nu Ngalis: 6/09. Pilyeg kan fanay: 6/09. Ni pilyeg ko First Presidency Message, April 2010. Yapese. 09364 905
Ngan Fil Ban’en ko Re Mulwol Ney.
Tini um rin’ e ire ram e bin th’abi fel’ ma ba’ gelngin ni ngam fanay ni rebe taline muruwel rom ko” (Teaching, No Greater Call [1999], 18). Nap’an ni gara ser nag murunga’agen Solomon Chamberlain, mag pining fare tabinaew ngar guyed e ngiyal’ ni i rin’ n’en nibe yoeg fare kanthothup ngak. Ngan weliy rogon e n’en ni i rin’ ni ku rayog nira ayuweg boch e gidii’. Pining chonggin e tabinaew ni ngar ser niged e ngiyal’ ni bay bee’ ni dag ngoraed e ngongol nib fel’ ni ayuwegraed.