Messaġġ tal-Għalliema taż-Żjajjar, April 2010
Infittxu u Nirċievu r-Rivelazzjoni Personali
Għallem l-iskrittura u l-kwotazzjonijiet jew, jekk ikun hemm bżonn, xi prinċipju ieħor li jista’ jbierek lill-aħwa li inti żżur. Agħti t-testimonjanza tiegħek ta’ din id-duttrina. Stieden lil dawk li inti tgħallem sabiex jaqsmu miegħek dak li huma ħassew u tgħallmu.
Kif Nista’ Nfittex ir-Rivelazzjoni Personali?
“Aħna nitħejjew sabiex nirċievu r-rivelazzjoni personali kif jagħmlu l-profeti, billi nistudjaw l-iskrittura, insumu, nitolbu u nibnu l-fidi. Il-fidi hija l-muftieħ. Ftakru fit-tħejjija ta’ Joseph għall-Ewwel Viżjoni:
“Jekk xi ħadd minnkom jonqsu l-għerf, għandu jitlob lil Alla. …
“Mela jitlob bil-fidi, bla ma jitħasseb.’”1
Il-Presbiteru Robert D. Hales tal-Kworum tat-Tnax-il Appostlu:
“It-talb hu l-muftieħ personali tiegħek għas-sema. Is-serratura tinsab fuq in-naħa tiegħek tal-velu.
“Iżda dan mhux kollox. Lil wieħed li għallem li r-rivelazzjoni tinkiseb mingħajr ebda sforz, il-Mulej qallu:
“Inti ma fhemtx; inti ħsibt li jiena nagħtihielek, meta inti lanqas biss indenjajt ruħek tistaqsini.
“Iżda, ara, jiena ngħidlek, li inti għandek tistudjaha f’ moħħok; mbagħad staqsini jekk hux veru, u jekk ikun veru jiena nwassal sabiex inti tħoss nar jaqbad ġewwa sidrek; għalhekk, inti tħoss li huwa vera.’”2
Il-President Boyd K. Packer, il-President tal-Kworum tat-Tnax-il Appostlu.
Kif Nista’ Nirċievi r-Rivelazzjoni Personali? “
Fl-aktar forom familjari tagħha, ir-rivelazzjoni jew l-ispirazzjoni tasal permezz tal-kliem jew tal-ħsieb li jikkomunikaw mal-moħħ (ara Enos 1:10; D&C 8:2–3), permezz tal-illuminazzjoni spontanja(ara D&C 6:14–15), permezz ta’ sentimenti pożittivi jew negattivi dwar xi ħaġa li tkun sa twettaq, jew saħansitra permezz ta’ preżentazzjoni artistika sspirata. Il-President Boyd K. Packer, … il-President tal-Kworum tat-Tnax-il Appostlu, iddikjara, ‘L-ispirazzjoni tasal aktar bħala sentiment milli bħala ħoss.’”3
Il-Presbiteru Dallin H. Oaks tal-Kworum tat-Tnax-il Appostlu.
“It-tempju huwa dar tat-tagħlim. Ħafna mit-tagħlim li jsir fir-tempju huwa simboliku u titgħallmu permezz tal-Ispirtu. Dan ifisser li aħna niġu mgħallmin minn fuq. … L-għarfien tagħna tat-tifsira tal-ordinanzi u l-patti jikber hekk kif nibdew immorru t-tempju ta’ spiss bl-attitudni li nitgħallmu u nikkontemplaw il-veritajiet eterni mgħallmin hemmhekk. … Ejjew ngawdu l-qawwa spiritwali u r-rivelazzjoni li nirċievu hekk kif nattendu t-tempju regolarment.”4
Silvia H. Allred, l-ewwel kunsillier fil-presidenza ġenerali tas-Soċjetà tal-Għajnuna.
© 2010 mill- Intellectual Reserve, Inc. Id-drittijiet kollha riservati. Printed in USA. Approvazzjoni bl-Ingliż: 6/09. Approvazzjoni tat-traduzzjoni: 6/09. Traduzzjoni ta’ Visiting Teaching Message, April 2010. Maltese. 09364 159
Għajnuna għat-Tagħlim taż-Żjajjar
Bħala għalliema taż-żjajjar, inti tista’ tirċievi l-ispirazzjoni tal-ispirtu li tgħinek tkun taf il-bżonnijiet tal-aħwa u kif tista’ tgħinhom. Inti u tgħallem dan il-messaġġ, aqsam, kif xieraq, kull ispirazzjoni jew għajnuna li inti rċevejt dwar it-tagħlim taż-żjajjar.
Tħejjija Personali