Molaetsa wa Thuto ya Ketelo, Moranang 2010
Go Batla le go Amogela Tshenolo ka Bongwe
Ruta mafoko a a boitshepo le dinankolo kgotsa, fa go tlhokafala, molawana o mongwe yo o tlaa segofatsang bakaulengwe bao ba etelang. Fa bosupi ka dithuto Laletsa bao ba etelang go abelana maikutlo ka se ba se ithutile
Ke ka Batla Jang Tshenolo ka Bobosi?
“Re ipaakanyetsa go amogela tshenolo e ka bobosi jaaka baporofite, ka go bala mafoko a a boitshepo, go itima dijo, go rapela, le go aga tumelo. Tumelo ke senotlele. Gakologelwa ipaakanyo ya ga Joseph Smith go amogela Pono ya Ntlha:
“‘Fa ope mo go lona a tlhaela botlhale, a botse Modimo. …
“‘Mme a botse ka tumelo, a sena pelaelo.’”1
Mogolwane Robert D. Hales wa Khoramo ya Baaposetole ba ba Lesome le Bobedi.
“Thapelo ke senotlele sa gago go legodimong. Setswalo se ka fa letlhakoreng la gago la lesire.
“Mme se ga se gone gotlhe. Go yo o neng a ithaya gore tshenolo e tlaa elela go sena maiteko, Morena o rile:
“‘Ga oa tlhaloganya; o ne o ipoleletse gore ke tlaa go e neela, fa o ne o sa akanya sepe ntle le go mpotsa.
“‘Mme, bona, Ke go raya ke re, o tshwanetse wa e sekaseka mo tlhaloganyong; jalo o mpotse gore a e siame, fa e siame ke tlaa dira gore pelo ya gago e tuke mo go wena; ka jalo, o tlaa utlwa gore e siame.’”2
Moporesidente Boyd K. Packer, Moporesidente wa Khoramo ya Baaposetole ba ba Lesome le Bobedi.
Ke ka Amogela Jang Tshenolo ka Bobosi?
“Mo mefuteng ya yone e e tlwaelesegileng, tshenolo kgotsa tshedimoso e tla ka tsela ya mafoko kgotsa dikakanyo tse di tlang mo tlhaloganyong (bona Enose 1:10; D&D 8:2–3), ka tshedimoso ya tshoganetso(bona D&D 6:14–15), ka maikutlo a a bonolo kgotsa a a bosula mabapi le ditshwetso tse di lebilweng, kgotsa le e bile ka metshameko e e sedimosang, jaaka mo botlhakgeng jwa metshameko ya botaki. Jaaka Moporesidente Boyd K. Packer, … Moporesidente wa Khoramo ya Baaposetole ba ba Lesome le Bobedi, a buile, ‘Tshedimoso e tla thata e le maikutlo go na le e le modumo.’”3
Mogolwane Dallin H. Oaks wa Khoramo ya Baaposetole ba ba Lesome le Bobedi.
“Tempele ke ntlo ya boithutelo. Bontsi jwa kaelo e e fiwang mo tempeleng e bokao bofitlha e bile e ithutiwa ka Mowa. Se se raya gore re rutiwa go tswa godimo. … Go tlhaloganya ga rona ga bokao jwa ditlhomo le dikgolagano go tlaa oketsega fa re boela tempeleng kgapetsa ka mowa wa go ithuta le go akanya ka boteng nnete ya bosakhutleng e e rutiwang. … A re akoleng maatla a semowa le tshenolo e re e amogelang fa re etela tempele kgapetsa.”4
Silvia H. Allred, mokhanselara wa ntlha mo boporesidente-kakaretso jwa Mokgatlho wa Thuso.
© 2009 ka Intellectual Reserve, Inc. Tetla tsotlhe di beilwe. E gatisitswe mo USA. Tetla ya Sekgoa: 6/09. Tetla ya Thanolo: 6/09. Tlhanolo ya April 2010 Visiting Teaching Message. Tswana. 09364 763
Dithuso tsa Thuto ya Ketelo
O le moruti wa ketelo, o ka amogela tshedimoso ka Mowa mabapi le se bakaulengwe ba se tlhokang le gore o ka ba thusa jang. Fa o ruta molaetsa o, amogana, jaaka go tlhokafala, tshedimoso nngwe le nngwe kgotsa thusa thuso e o e amogetseng mabapi le thuto ya ketelo.
Ipaakanyo ya Gago