Molaetsa wa Boporesidente Jwa Ntlha, Moranang 2010
Tiro ee Kgolo ya Modimo
Moranang 6, 1830
Dingwaga tse di lekgolo le masome a robang bobedi tse di fetileng, Joseph Smith, Oliver Cowdery, le ba bangwe ba le mokawana ba ne ba kgobokana go aga Kereke ya ga Jesu Keresete ya Baitshepi ba Malatsi a Bofelo. Ka mekgwa e e farologanyeng, e ne e le bokopano jo bo bonolo mme e bile bo le boitshepo. Joseph o bega fa morago ga selalelo, “Mowa yo o Boitshepo o ne wa re tshologela ka bokete — mo bangwe ba ne ba porofita, fa re ntse re rorisa Morena, re ipela fela thata.”1
Ditiragalo tse di fetile fela di sa lemogwa ke lefatshe; di ne di sa amogelwa ka ditlhogo mo dipampiring tsa dikgang kgotsa mekgosi. Le fa go ntse jalo, magodimo one a ne a ipelafatsa jang e bile a galaletsa Modimo — gonne ka lone tsatsi leo, Kereke ya ga Keresete e ne e boetse lefatsheng!
Solomon Chamberlain
Go tswa tsatsi leo go fitlhela le, didikadike tsa barwa le barwaetsana ba ga Rraetsho kwa Legodimo ba setse morago tshedimoso ya Mowa yo o Boitshepo ba bo ba tsena mo metsing a a boitshepo a kolobetso. Mongwe wa go tshwana le bao e ne e le Solomon Chamberlain.
Solomon e ne e le monna yo o semowa e bile o ne a tsaya dihoura di le dintsi mo thapelong, a senka maitshwarelo a dibe tsa gagwe gape a kopa Rraetsho kwa Legodimong go mo kaela nnete. Nako nngwe ka bo 1816, Solomon o ne a solofediwa mo ponong gore o tlaa tshela go bona letsatsi le ka lone Kereke ya ga Keresete e tlaa agiwang morago ga thata ya boaposetole e busediwa gape mo lefatsheng.
Morago ga dingwaga Solomon o ne a tsere loeto ka sekepe se se neng se lebile Canada fa se ne sa ema mo toropong e nnye ya Palmyra, New York. Koo o ne a utlwa maatla a magolo a mo gogela go fologa. Le ntswa a ne a sa itse lebaka la gore ke eng a ne a le foo, o ne a simolola go bua le banni ba toropo. Ga go a mo tsaya sebaka se se kalo go fitlhela a utlwa mabarebare ka “Baebele ya gouta.” O ne a bua fa mafoko ao a ne a mo itaya ka “maatla jaaka motlakase [o o] neng o tswa godimo ga tlhogo ya gagwe go fitlha menwana ya dinao.”
Dipotsolotso tsa gagwe di ne tsa mo gogela kwa motseng wa ga Smith, kwa a neng a bua le ba a ba fitlhetseng ka dikgang tse di makatsang tsa tsosoloso ya efangedi. Morago ga go nna malatsi a le mabedi koo le go amogela bopaki ka nnete, Solomon o ne a tsweledisa mosepele wa gagwe go ya Canada, a tsaya ditsebe di le 64 tse dintsha, tse di sa lomaganngwang tsa Buka ya ga Momone. Gongwe le gongwe ko a neng a go ya, o ne a ruta batho, “botlhe kwa godimo le kwa tlase, bahumi le batlhoki … go ipaakanyetsa tiro e e kgolo ya Modimo e e neng e tloga e diragala.”2
Tiro e e Kgolo ya Modimo
Go simolola ka tsatsi lele ka Moranang 1830, didikadike tsa batho di itemogetse bonnete jwa efangedi e e tsosolositsweng e bile ba tsene ka metsi a kolobetso. Ke paka fa “tiro e e kgolo e ya Modimo” e le mo lefatsheng gompieno. Ke fa bosupi gore Morena o okametse Kereke ya Gagwe e bile o e laola ka moporofite wa Gagwe, Mporesidente Thomas S. Monson. Ga se lesego fela jaaka a mangwe go tshela mo malatsing a bofelo. A ke malatsi a kgalalelo, a sale a bonwe ke baporofite ba pele e bile a eteletswe ke baengele ba ba kelelelo. Morena o kelelelo ka Kereke ya Gagwe. E bile o kelelelo ka ba ba tshwanang le Solomon Chamberlain, ba ba salang morago tshedimoso ya Mowa yo o Boitshepo ba bo ba ipopa le bakaulengwe lefatshe ka bophara mo go thuseng go tsisa tiro e kgolo e ya Modimo.
© 2009 ka Intellectual Reserve, Inc. Tetla tsotlhe di beilwe. E gatisitswe mo USA. Tetla ya Sekgoa: 6/09. Tetla ya Thanolo: 6/09. Tlhanolo ya Molaetsa wa First Presidency Message, April 2010. Tswana. 09364 763
Go Ruta go tswa Molaetseng o
Go nna sekai ke nngwe ya didirisiwa tsa thuto tse re nang natso” (Teaching, No Greater Call [1999], 18). Fa o amagana polelo ka ga Solomn Chamberlain, laletsa ba lelwapa go leba dinako tse a neng a sala morago tshedimoso ya Mowa. Buisanang ka ka fa sekai sa gagwe se neng sa thusa ba bangwe. Laletsa maloko a lelwapa go amogana ka nako e sekai sa mongwe se se molemo se neng sa ba thusa.