Serafo

Met Wewen Ennetin Ningoch?

Preseten Monson a apasa non ei poraus, “Non ei fonufan, fan chommong ochun manau a feito mwirin ningoch.” Meni ekkewe fopun repwe osukosuk ren met ra kuna pwe io ir me met ra tongeni winiti. Kopwe ekieki usun ekkei ekiek usun ennetin ningoch seni Elter Lynn G. Robbins seni Ekkewe Fik:

• Nikinikinin emon fopun mi fakkun saramaram ren pwapwa me nimenimoch a pwarata ningan seni me non.

• Ewe emenimenin nimenimoch mi fakkun ningoch nupwen a wesewesen ennet. Ei ennetin ningoch ese tongeni fori seni poun mwan nge a eu niffangen ewe Ngun mi Fel.

• Nimenimoch mi eu esisinnan me namotan ningoch seni me non.

• Ika ka netipechou usun nikinikinum, epwe anisuk ne kunok seni mesen ekkewe ir ra tongek. Ningoch mi opano mi pwa ngeni ekkewe ir ra tonge me a tongeni anisuk ne fefeita non pekin manauom.

• Ewe sokkun mwan minne emon fefin mi nimenimoch a mochen apupunu “ese kuna” usun ekkewe re fonufan ra kuna (nengeni 1 Samuel 16:7). Epwe kunu ngeni ewe ennetin ningoch mi pwar seni eu netip mi unusoch me pwapwa. Pwan ina usun mi ennet ren emon fopun mi kutta emon mwan mi nimenimoch.

• Semach won Nang a anamota pwe meinisin noun kewe semirit repwe finata met mi pung, minne mi chok ewe an ngeni pwapwa fochofoch me ningoch seni me non.

• Ren ewe Samon, ese wor kitir. Meinisin mi tufichin weri nikinikin Kot won meser (nengeni Alma 5:19). Ese wor ningoch me non mi napano ennetin.

Ne anneani unusen ewe poraus, nengeni Lunn G. Robbins, “True Beauty,”New Era, Nofemper 2008, 30. Anuwan mwan ra tongeni kuna aurour non Errol S. Phippen, “Ugly Duckling or Majestic Swan? It’s Up to You,” Liahona, Oct. 2009, 36.