Poraus seni Fefn Chon Amwa, June 2010
Asofosefanni Pwon seni ewe Sakramen
Asukuna ekkei pukfel me wokisin are, ika mi namot, ekkoch nongonong epwe efeiochu ekkewe fefin ke churir. Apasa om kapasen pwäratä usun ekkew nongonong. Mut ngeni ekkewe ke churir repwe apasa usun met ra mefi me kaeo.
Jises Kraist a Efisata ewe Sakramen
“Jises a angei ewe pinaea, a iotekin kinisou, a kini feseni, iwe a ngeni noun kewe chon kaeo, iwe a apasa, ‘Oupwe angei o mongo’ (Matt. 26:26). ‘Iei inisi, a fangeno fanasengesimi. Oupwe fori ei pwe achechemeniei’ (Luke 22:19). Non pwan ei napanap a angei ewe wain, mi pachenong ren och konik, a apasata eu efeiochun kinisou ren, me a pasini ngeni ekkewe ir ra nom ren, me a apasa: ‘Ei kap mi ewe testamen sofo non chaai,’ ‘minne mi kusutiw … ren ewe omusomusen tipis.’ ‘Oupwe fori ei ne chechemeniei.’ …
“Seni ena mettoch a fis nekunion me mwen Gethsemane me Golgotha, semiritin ewe pwon mi nom fan ewe pwon ne chechemeni ewe asoren Kraist non ei napanap mi minefo, mi napanap, mi nap pinipinin me non eu napanap faniten emon me emon.1
Elder Jeffrey R. Holland seni ewe Mwichen Engon me Ruemon Aposel.
Sia Asofosefanni Ach Kewe Pwonen Papatais seni ewe Sakramen
“Nupwen sia papatais, sia angei woch iten Jises Kraist mi pin. Ach angei Itan woch we mi eu nein ekkewe mettoch mi fakkun auchea mi fis ngenikich non manauach. …
“Iteitan wik non ewe mwichen sakramen sia pwon ne chechemeni an ewe Chon Amanau asoren achasefannikich nupwen sia asofosefanni ach pwonen papatais. Sia pwon ne fori usun chok ewe Chon Amanau a fori—ne anneasosichi ewe Sam me anneasosichi an kewe annuk fansoun meinisin. Ewe feioch sia angei ina pwe Ngunun we epwe nom rech iteitan.”2
Elder Robert D. Hales seni ewe Mwichen ekkewe Engon me Ruemon Aposel.
“Ua fiti emon nengin mi wanu ierin won ewe ranin an we papatais. Nesoponon ewe ran a apasa ren pochokun, ‘Ua papatais ren ukukkun eu ran, me use tipis fan eu!’ Nge ewe ran mi unusoch ese sopweno, me ua sinei pwe iei a kaeo, usun chok kich meinisin sia kaeo, pwe ina mo pwe sia achocho weires, sise kunu seni iteitan mettoch mi ngaw, me iteitan fini mi mwan. …
“… Ese tufich pwe sipwe tongeni wesewesen siwin seni chok ach pwisin achocho. Pwisin ach mochen me ach achocho ese naf. Nupwen sia mwanino are ese och ach fini, mi namot pwe ewe Chon Amanau epwe anisikich pwe sipwe tongeni awenakicheno. Sia angei ewe sakramen seni wik me wik pwe sipwe pwarata ach nuku non An manaman ne siwini kich. Sia pwari ach kewe tipis me sia pwon ne nikitireno.”3
Julie B. Beck, Presetenin Fin Anisi unus.
© 2010 seni Intellectual Reserve, Inc. Meinisin pung mi kawor. A för non Amerika. Kapungunon non fasun Engenes: 6/09. Kapungunon chiakun: 6/09. Chiakun Visiting Teaching Message, June 2010. Chuukese. 09366 901
Aninis ren Fefin Chon Amwa
Nupwen ka poputa ne sineiochu emon fefin me an we famini, kopwe kutta ren ekkoch an minne ka tongeni anisi ne asofosefanni an kewe pwon me ren ewe sakramen. Ika ese fiti ewe mwichen sakramen, ka tongeni tingorei ngeni pwe epwe fiti are awora aninis pwe epwe tongeni fiti (kopwe aninis ren taksi, anisi ren noun kewe semirit, kopwe chiechi ngeni me mommot arapakkan, me pwan ekkoch)?
Ach Pwisin Amonata