2010
Ano ang Tunay nga Katahum?
June 2010

Lamharon

Ano ang Tunay nga Katahum?

Si Pangulong Monson nagasiling sa sining mensahe, “Sa aton kalibutan, ang moral nga kinabatasan sa masami daw indi masyado kaimportante sangsa katahum ukon kaanyag.” Ang bataon nga mga babayi ayhan nagapangduhaduha nahanungod sa ila imahen sang kon sin-o sila kag kon ano ang sarang nila malab-ot. Binagbinaga ining mga panghunahuna parte sa tunay nga katahum gikan kay Elder Lynn G. Robbins sang Seventy:

  • Ang isa ka bataon nga babayi nga ang dagway nagasanag alangay sa kalipay kag katakos nagasabwag sang pang-sulod nga katahum.

  • Ang manami nga yuhum tunay nga matahum sa pagsabwag sini sa lubos nga natural nga paagi. Ining tunay nga katahum indi sarang ipinta kundi isa ini ka dulot sang Espiritu.

  • Ang kaugdang isa ka pang-gwa nga tanda kag kinahanglanon para sa pang-sulod nga katahum.

  • Kon wala ka nalipay sa imo dagway, makabulig nga tan-awon mo ang imo kaugalingon sa mga mata sadtong mga nagapalangga sa imo. Ang tago nga katahum nga makita sang mga mahal sa kabuhi sarang mangin espiho para sa mga kaugalingon-nga-pagsanyog.

  • Ang klase sang lalaki nga luyag pamanahon sang isa ka takos nga babayi “nagatan-aw indi” subong sang pagtan-aw sang isa ka natural nga tawo (tan-awa sa 1 Samuel 16:7). Sia mabihag sa tunay nga katahum nga ginasabwag sini gikan sa isa ka putli kag malipayon nga tagipusuon. Ini matuod man sa isa ka bataon nga babayi nga nagapangita sang isa ka takos nga pamatan-on.

  • Ang aton Amay sa Langit nagapaabot sa tanan Niya nga mga anak sa pagpili sang husto, nga amo lamang ang alagyan padulong sa wala’y katapusan nga kalipayan kag pang-sulod nga katahum.

  • Sa Ginuo, wala sang pagpaindis-indis. Ang tanan may palareho nga prebilihiyo nga may Iya imahe nga nakurit sa ila mga nawong (tan-awa sa Alma 5:19). Wala na sing mas tunay pa nga katahum.

Agud mabasa ang bilog nga mensahe, tan-awa sa Lynn G. Robbins, “True Beauty,” New Era, Nob. 2008, 30. Ang mga pamatan-on makasalapo sang amo man nga laygay sa Errol S. Phippen, “Ugly Duckling or Majestic Swan? It’s Up to You,” Liahona, Okt. 2009, 36.