Fal’ Yangaren

Mang e Fel’ Yaen nib Riyul’?

Ke yoeg President Monson u lane biney e mulwol, “U lane fayileng, pangin nib fel’ e de ga’fan ninge fla’ab fa fel’ i yaen.” Pi rugod e yad ra magawon ni ngar nanged ya’an raed ko yaed mini’ nge mang e rayog ni ngar manged. Mu tay fan e pi tafney ney morngo’agen nib fel’ ya’an nib riyul’ nike yoeg Elder Lynn G. Robbins ko fare Seventy:

Ba rugod nib fal’flaen’ ma ba bi’ech ma ba fel’ i yaen ma rib pithorang.
Re sminmin rok e ppin nib bi’ech ab pithorang ma be fek i yaen e falflan’ riy. Biney e fal’ ya’an e dabiyog ni ngan achey machane ba tawa’ath ko fare Kan Thothup.
Rogon e maad e ba pow ma ba tu’uf ko ppin ni nge mangil.
Fa’anra kam kirbaen’ rogon ya’am, ra ayuwegem ni ngam guy e yafos rom owchen e gidii’ nib t’uf rom. Tin nib pithorang ni de yog ni ngan guy ra aywegem ni ngam mon’ong nge gel nag e yafos rom.
Re pumo’on ni ba’adag e ppin nib bi’ech ni nge mabgol “de guy” boed e bo’or e pumo’on ni yad be guy (musap ko 1 Samuel 16:7). Ra yaen ngak re ppin ni bachan ke fel’ i yaen gathi kemus e downgin machane ku fel’ i yaen e gumircha’ey. Ta’ab rogon ko rugod ni ba gay e pumo’on nib mangil.
Chitamangdaed nu Tharmiy ke ning gubin e bitir Rok ni ngar mel’eged e tin nib fel, ni’ir kemus e rogon ni ma yip i yaen ko fal’flan nge fel’ i yaen ni dariy mus bi’id.
Rok Somoel, ma dariy e togopluw rok. Gubin ke bay e gelngin ni ngan tay re i yaen Rok nga dakaen rad. (muguy Alma 5:19). Dariy reb i yaen nib fel’ ngay.

Ni ngan bi’eg gubin e mulwol, muguy Lynn G. Robbins, “True Beauty,” New Era, Nov. 2008, 30. Pi pagal e ku rayog ni ngar pir’eged e thin nib t’ab rogon u Errol S. Phippen, “Ugly Duckling or Majestic Swan? It’s Up to You,” Liahona, Oct. 2009, 36.