Mulowol ni Ngan Thapeg ni Ngan Nang, June 2010
Fal’eg e pi Covenant u dakaen e Sakrament
Fil fapi chep nib thothup nge guruy ney, ara fa’anra ba t’uf, fil reb e yalen ko gospel nira pii’ e ayuw ngak’ e ppin ni gama guy. Pii’ mich ko fare doctrine. Pining pi’in ni gama guy yoeged ko mange kar thamiyed ma kar filed.
Yesus Kristus e ke Tabolngin nag fare Sakrament
“Me fek Yesus e flowa, me pining e magaer riy ngak Got, me t’et’ar, me pii’ ngak pi gachalpen me ga’ar, ‘Mfeked ngam ked’ (Matt. 26:26). ‘Ireray dowag, ni kan pii’ ni bochmed.Um rin’ed e ren’ey ngi i pugurag ngomed’ (Luke 22:19). T’ab rogon ke fek fare kapi wayn, ni kan tay boech e raen riy ko yalen roraed, me pii’ e meybil ni bachan, min pii’ ngak e gidii’ u to’oben, ni ga’ar: ‘Re kap ney e bin bi’ech e m’ag ko racha’eg,’ ‘ni kug pii’ … ni nge yog nggu n’ag fan e denen.’ ‘Mu rin’ e ren’ey ni bachag.’ …
“Chirofen ko re nap ko Gethsemane nge Golgotha mada’ ko chiney, pi bitir rok fare m’ag e kan michiged ni ngar tay u wun’ rad re miligach ko Kristus. Iraray e bin bi’ech, bin tolang, bin thothup e yalen.”1
Elder Jeffery R. Holland ko re Ulung ko fare Ragag nge L’agruwi Apostal.
Gadaed be Fal’eg e pi M’ag ko Tawfe bayay udakaen fare Sacrament
“Napan nikan tawfe nag daed, ma kad feked nga dakaen daed e fithingan Yesus Kristus nib thothup. Fek fithingan nga dakean daed e reb e ban’en ni th’abi ga’ fan ko pin’en ni gadaed be rrin’ u lane yafos rodaed. …
“Gubin e wik ko mo’lung ko sakrament gad be micheg ni ngad tayed u wun’daed fare bayul ku e Tathapeg rodaed fini gaed be fal’eg e m’ag ko tawfe bayay. Gad be miched ni ngad rin’ed boed ni ke rrin’ Somoel—ni ngad fol gaed ko Chitamangdaed man koel chiylen e motochiyel rok. Pi tawa’ath ni gadaed ni be yib ngodaed nge paer Kan Thothup rok rodaed ni gubin ngiyal’.”2
Elder Robert D. Hales ko fare Ulung ko Ragag nge L’agruwi Apostal.
“Gu bay ko bochi bulyal ni meruk e duw rok ko re raan ni kan tawfe nag. Tomur ko re rran nem me yoeg nib madangdang, “Kug tawfe ko reb e rran, ma dawor gu denen!’ Machane re raan nem ni ri ba adag e yani m’ay, me gaag e rib mich u wun’ug nike nang fan e chiney, ni boed ni kad filed, ni demutrug gelngin ni gadaed be gay rogon, ma gathi gubin gniyal’ ni gadaed be puloe’ ko tin magawon ban’en, nge tin tagan ban’en. …
“… ma de yog ni ngad thiliyeged e yalen ni go’ gadaed. Re m’ag u wan’ nge pi pangidad nrib fel e gathi ke mu’. Napan ni gadaed be doel’ fa mel’eg nib kireb, thingar da ning ayuw ko Somoel rodaed ni ngad suloed ko kanawo. Gadaed be fek fare sakrament gubin e wik ni ngad daged e mich u waen’ daed u lane gelingin ku Somoel ni nge thiliyeg daed. Gadaed be pogofay nag e pi denen rodaed min micheged ni ngad n’ag fan riy.”3
Julie B. Beck, general president ko Relief Society.
© 2010 ko Intellectual Reserve, Inc. Ba’ mat’awngin gubin e gidii’. Nni yoloey u Meriken. Micheg nag I pilyeg ko thin nu Ngalis: 6/09. Micheg nag I pilyeg: 6/09. Pilyeg I Visiting Teaching Message, June 2010. Yapese. 09366 905
Ayuweg e Cha’ nima yani nang Salpen Bee’
Napan ni gara nang e walagem nib ppin nge tabinaew rok, mu sap nag e pi kanawo’ ni rayog ni ngam ayuweg ni nge sul biyay u dakean e pi covenant rok ko fare sakrament. Fa’anre dani yib nga mo’olung ko sakrament, ram pinning ni nge un fa mu pi’ e ayuw ngak ni nge rrin’ (ma’af,fa ayuw ko pifaak, fagar ni nge paer u to’oben, nge kuboech)?
Mugu’uliyem