Mulwol ko Bin To’m’on e Presidency, June 2010
Archea’ ni Canarie ni bay Poen nib Gray
Chugur ko nel’ i ragag e duw kafaram, napan ni gag e bisof nib fel’ yangreg, ke yim’ Kathleen McKee, reb e ppin u ward rog ni ke yim’ e figirngin faram. Boech e ti rok’ e dalip e archea’ ni canary. La’gruw, ni bay e ra’en nib magchoel nib fel’, e kan pi’ ko pi fagar rok. Bin dalip, ni Billie fithingan, e bay poen ni de fel’ ra’en nib gray. Sister McKee e ke yoloey e babyor ngog: “Rayog ni nge fal’eg e tabinaew rom nge gur reb e tabinaew ngak?” Ri dani fal’ ya’an, machane tang rok e tha’abi fel’.”
Sister McKee e t’ab rogon ko e archea’ ni canary rok ni bay e poen nib gray. Dan pi’ e taw’ath ngak ni pithorang, dani sasalap, me dariy e bitir rok. Machane pi tang rok ke ayuweg e gidii’ ni ngar athamgiliy gad min ngongoliy e muruwel rorad.
Ke sug e fayileng ko pi archea’ ni canary ni bay e poen nib gray. Machane ban’en nib kireban’ e mus ni buchuw rorad e rayog ninge tang. Boechi giyad nib fel’ yangren e dar nanged ko yaed mini’, Ko mang e rayog ni ngar manged fa ngan mang; kemus ni yad ba’adag ni ngar mang bee’ nib fel’. Yug boech e rib ilal, ba yo’or e magawon roraed, fa ba sug lanin’uy ko iyooran. —Yaed be paer ni rib sobut laniyaen’ raed.
Ra ngad pired nib fal’ rogon, thingardi fal’eg rogdaed ni ngaed madangdang gaed u fithik e pi magawon rodaed, tuluf e kirbaen’ ko falflaen’, man gel nag e yafos nib sobut. Kam fith, “Urogon ni rayog ni ngaed ngongoliyed e pi n’ey?” Gu fulweg, “Ngan fil rogon e bin riyul’ ko minii’ gur!” Gadaed e pi fak ko e got nib fos; ke ngongoly daed u t’aeb i yaen. Mu lemnag e ren’em: kad sum gaed u ya’an Got. Dabyog ni ngaed tayed fan e ren’ey ngodaed nib riyul’ fanra’ dariy gelingin riy.
U lane fayileng, pangin nib fel’ de ga’fan ko fla’ab fa fel’ i yaen. Machane kakrom e ke yoeg Somoel e kanawo’ ngak Samuel ni fare profet: “The Lord seeth not as man seeth; for man looketh on the outward appearance, but the Lord looketh on the heart” (1 Samuel 16:7).
Napan ni gay Somoel e pum’on ni bay e mich rok, ma dani mel’eg u fithik e gidii’ nib uf’uf’ me thothup u wun’raed u lan e pi galasia u bang. Machane, Ke pinning u fithik e pi tafita’ nu Capernaum. Ke mel’eg Simon ni mang Peter, facha’ ni ke iyooran, ni dariy e llowan rok u skul, ni fare Apostal ko mich. Ba archea’ ni canary, ni bay e poen nib gray, ke athapeg e pagan’ nge t’ufeg ko Somoel. Ke athapeg e wurengaen rok.
Napan nike mel’eg Somoel e tamachib nib yul’yul’ mrib gel, De pinning ir ufithik e pi fagaer rok, machane ke pinning ir ufithik e pi to’ogor rok. Saul, fare to’ogor, e ke mang Paul ni fare tamachib.
Fare Tabiyul rodaed e ke mel’eg e gidii’ ni de machalbog ni ngar filed e kanawo ko machalbog. Mere me rin’ faram. Ke rin’ e chiney—ngak gubin e gidii’ ni bay e archea’ ni canary ni bay e poen nib gray. Me pinningem nge gur ni ngad pigpig gaed Ngak u roy u but’. Thingar da m’aged e ren’ey u wun’ daed. Ma lan e magawon rodaed, fa’anre ngan dol, ngan wenig gaed: “Mpowiy maed, O mu powiy maed, Somoel rodaed nib gaa’, u wuru’ e talimar ni ngad tamilang gaed daba’.”1
Meybil rog e ngad leked e rungin ko fare Pum’on nu Galilee, ni kan pir’eg u fithik e gidii’ nib sobut, nib waer, ni kan piridiy, ni kan thamiyed e amith. Aygi yaen e tang nib fel ko gumircha’daed napan ni gadaed ra rrin’.
© 2010 ko Intellectual Reserve, Inc. Ba’ mat’awngin gubin e gidii’. Nni yoloey u Meriken. Micheg nag I pilyeg ko thin nu Ngalis: 6/09. Micheg nag I pilyeg: 6/09. Ni pilyeg ko First Presidency Message, June 2010. Yapese. 09366 905
Ngan Fil Ban’en ko Re Mulwol Ney
Napan ni gara sensey … , ra ayuwegem ni ngam mog ko gidii’ u class ni ngan gay man motoyil ko ban’en nib mangil rogon” (Teaching, No Greater Call [1999], 55). Ra ngan ayuweg pi chongin e tabinaew ni ngar nanged fan fare mulwol rok President Monson, mag ning chilen ngoraed ni ngar puruy niged e tin ni kar filed u tomuren ni kam bi’eged ko fare mulwol u ta’abang. Mu pinning gubin e cha’ ni ngan weliy ko mang e ba ga’ fan u wan’ ko re mulwol ney. Mu ning e machib u dakaen e mich rom morngo’agen fare mulwol ko President Monson.
Machib ko thin rok Got, boed ni ke pi’ pi profet Rok, ra ayuweg e yafos ko gidii’ ni gadaed be machib nag (muguy Teaching, No Greater Call, 50). Ke yoeg President Monson ni bay gelingin ko bee’ fa’anra me nang fa’nem ni gadaed gubin e bitir ku Got. Napan ni kam mu’ e bi’eg, mag fith fare tabinaew ni ngar weliyed e tin nima sulaen’ raed ko yad mini’.