2010
Ta In Deeo Eo Em̧ool?
Juun 2010

Jodikdik

Ta in Deeo Eo Em̧ool?

Būreejtōn Monson eaar ba ilo ennaan in, “Ilo laļ in, kadkad in m̧wil jet iien ej āinwōt edik aorōkōn jen deeo im katōn̄tōn̄.” Jiron̄ ro remaron̄ in aban̄ kōn nememe eo aer kōn wōn eo er im ta eo rej kōņaan erom. Ļōmņake ļōmņak kein kōn deeo eo em̧ool jan Eļtōr Lynn G. Robbins eo jān Jiljilemjuōnn̄oul.

  • Juōn jiron̄ eo paotokin ej ebbōļ kōn jim̧or lem̧ōņōņō im wānōk ej ebbōļ kōn deeo jān tulowa.

  • Ettōn̄dikdik in wānōk ej m̧ool in aiboojoj āinwōt ebbōļ ilo juōn wāween ejim̧we. Deeo in em̧ool ej jab maron̄ unoke ioon ak ej juōn menin letok an Jetōb eo.

  • Ettā bōro ej juōn kōkkaļe ilo tulik im ej menin aikuj n̄an deeo eo itulowa.

  • Eļan̄n̄e kwōj inepata kōn paotokum̧, enaaj jipan̄ n̄an lale eok make imejen ro otemjej rej iakwe eok. Deeo eo enojak n̄an loe jān ro rej iakwe eok emaron̄ in erōm juōn kilaaj n̄an em̧m̧anļo̧k eo am make.

  • Kain em̧m̧aan rōt eo juōn kōrā ewānōk ekōņaan in m̧areiki barāinwōt “jab loe” āinwōt armej ej lale ālikin armej (see 1 Samuel 16:7). E enaaj reel kōn deeo eo em̧ool ej ebbōļ jān juōn bōro em̧ool im ekam̧ōņōņō. Ejja wāween eo wōt ej m̧ool n̄an juōn jiron̄ ej pukōt juōn likao eo ewānōk.

  • Jemed ilo Lan̄ ej kōtmene bwe aolep ajri ro Nejin rej n̄an kālet jim̧we eo, eo ej iaļ eo wōt n̄an m̧ōņōņō eo ejjeļo̧k jem̧ļo̧kin im deeo eo itulowa.

  • Ippān eo, ejjeļo̧k jiae. Aolep ewōr aer juōn wōt jon̄ak in anemkwoj n̄an bōk nememen Anij kar je ilo paotokimi (lale Alma 5:19). Ejjeļo̧k deeo em̧ool ļo̧k.

N̄an riiti likio in ennaan eo, lale Lynn G. Robbins, “True Beauty,” New Era, Nobōm̧ba. 2008, 30. Likao ro remaron̄ in loe ejja kapilōk in ilo Errol S. Phippen, “Ugly Duckling or Majestic Swan? Ej Am̧ Pepe,” Ļiaona, Okt. 2009, 36.