Teachings for Our Time
Katak ko an Melkisedek Priesthood im Doulul eo an Kōrā Ro ilo Jabōt emen naaj ilo “Teachings for Our Time.” Kajjojo katak maron̄ in kar kōpooj jān juōn ak lōn̄ ļo̧k in kōnono ko letok ilo kar kweiļo̧k eo eļap. Stake im district būreejtōn ro remaron̄ kālet kōnono ta ko reaikuj in kar kōjerbali, ak remaron̄ jitōn̄ eddo in n̄an bisop ro im branch būreejtōn ro. Ritōl ro reaikuj in kwaļo̧k aorōk ko an em̧m̧aan ro ilo Melkesidek Priesthood im jejtōr ro ilo Doulul eo an Kōrā Ro ekkatak ejja kōnono ko ilo ejja Jabōt ko wōt.
Ro rej pād ilo katak ko ilo Jabōt-emen kar rōjan̄ er n̄an ekkatak im būktok n̄an kūlaaj eo kweiļo̧k eo eļap me ej waļo̧k ilo makjiin eo ekāāl.
Ļōmņak ko n̄an Kōpooj juōn Katak jān Kōnono ko
Jar bwe Jetōb Kwojarjar eo en pād ippām ilo am̧ ekkatak im katakin kōn kōnono(ko). Komaron̄ in po n̄an kōpooj katak eo ilo kōjerbal bar kein katak ko jet, bōtaab kōnono ko ilo kweiļo̧k eo eļap kar kōmālim ilo laajrak in katak ko. Jerbal eo am̧ ej n̄an jipan̄ ro jet ekkatak im mour kōn ko̧jpeļ āinwōt kar katakin ilo kweiļo̧k eo eļap an Kabun̄ eo kiiō.
Etale kōnono(ko), pukōt pedped ko im katak ko me remaron̄ in tōpar aikuj ko an ro uwaan kūlaaj eo. Barāinwō pukōt bwebwenato ko, eoon in jipan̄ ko, im ennan ko jān kenono(ko) me enaaj jipan̄ eok katak m̧ool kein.
Kōm̧m̧ane juōn laajrakin in wāween n̄an katakin pedped ko im katak ko. Laajrak eo am̧ eaikuj koba kajjitōk ko me ejipan̄ membōr ro uwaan kūlaaj eo.
-
Pukōt pedped ko im katak ko ilo kenono(ko).
-
Ļōmņak kōn meļeļe ko aer.
-
Kwaļo̧k meļeļe, ļōmņak ko, imminene ko, im naan in kam̧ool ko.
-
Mour kaki pedped ko im katak ko ilo mour ko aer.
|
Allōn̄ ko |
Kein Katak ko ilo Jabōt Emen |
|---|---|
|
Nobōm̧ba 2010–Eprōļ 2011 |
Kōnono ko kar jeje ilo Nobōm̧ba 2010 Liaona * |
|
Māe 2011–Oktoba 2011 |
Kōnono ko kar jeje ilo Māe 2011 Liaona* |