Roronrikirake
Aia Kiritimati Mitinare
N au kauoua ni Kiritimati n au tai ni mitinare ae bwanin taina, ngai ma toau ti kawara te mwembwa ae e a tibwa bwabetitoaki ma ana utu. Imwiin te amwarake ni Kiritimati n te tairiki, ti tibwaua te rongorongo n te Kiritimati.
Ti tuanga te utu bwa a na koroi tamnein bwaai ake e na kauringiia iai te tai anne, n aron itoi, bwaintangira, bungiakin te tia Kamaiu, ao kaai ni Kiritimati. Ngkanne ti wareki tabeua koroboki aika a tabu, n aron 2 Nibwaai 19:6: “Bwa e bungiaki te teei nakoira, ao e na mwiokoaki bwa e na tautaeka; ao e na aranaki bwa Moan te Raoiroi, Te Tia Reirei, te Atua ae Mwaaka, te Tama ae e Aki Tootoki, Uean te Raoi.” Ti anenea “Once in Royal David’s City” (Boki n anene, nambwa. 205), mataku n tamnein te Tia Kamaiu, ao taekina am koaua iroun Iesu Kristo.
Bon te Kiritimati ni bwaai aika bebete, kitanakiia ara utu ao te bootaki ni kukurei ibukin te Kiritimati ae tataneiai te aba iai, ma ngke ti taekina ara koaua iroun te Tia Kamaiu, I namakina te tangira ae korakora ao te kakaitau Ibukina ma Bungiakina nakon ae I ataia ma imwaina. I ataia ae au kabanea ni Kiritimati n au tai ni mitinare ae bwanin taina nakon Tamau are i Karawa, ma I a kaman ataia ae kona Tamneina ni kakoaua nakoiu ibukin taekan natina te Mwaane n te tabo ae I mena iai.