Rongorongo man te Moan Beretitentii, Ritembwa 2010
Ti Kona n Noora te Kristo?
N te tairiki teuana te tibu temwaane e wareka te karaki nakon tibuna te aine ae aua ana ririki ngke e tararake man taku, “Tibuu, tarai itoi!” E ngare ma te akoi te unimwaane man taku, “Ti mena inanon te auti, anii. Akea itoi ikai.” Ma te ataei e teimatoa n taekinna, “Iai am itoi inanon am ruu! Taraia!”
E tararake te tibu te mwaane ao, ni mimiina, e nooria bwa e kaonrakeaki te tiiring ma taura aika kiakia. E bon aki nooraki n angiin te tai, ma ngkana e uranako te oota, ao ikai are ti tebo ma taraan itoi. E katika matan te ataei bwa e na tarai, ma bon akekei. Ao man te tai anne, ngkana e rinnako te tibu te mwaane nakon te ruu aei, e kona n noora te bwai ae aki nonoria ma imwaina.
Ti a manga roko inanon te Kiritimati ae kamiimi ae kaonaki ma katangitang ao taura, bootaki ni kukurei ao bwaintangira. Ma aomata ni kabane, ngaira aika membwa n te ekaretia aika ti a tia ni katoka aran te Tia Kamaiu ti kainnanoia ae ti na taraa tinanikun te bong anne ao n iangoa te koaua ae moan te tikiraoi ao tamaroan te tai aei n te ririki.
N na rangi ni mimi bwa iraman mai Betereem ae ata te bwai anne ikekei ngkai naba, ae e kaan nakoia, e a tia ni bungiaki te Tia Kamaiu? Natin te Atua, te Mesia ae a maan n tataninga ao ni beritanaki—E mena i buakoia!
Ko uringa te bwai ae taekinna te anera nakoia taan kawakin tiibu? “Bwa e bungiaki n ana kaawa Tawita n te bong aei ami tia Kamaiu, are te Mesia are te Uea.” Ao a itaetae taani kawakin tiibu i rouia ni kangai, “Ti na nako Betereem ngkai, n noora te baere roko” (Ruka 2:11, 15).
N aroia taan kawakin tiibu ni kawai, ti kainnanoia n taekinna inanora, “Ti riai n noora te baere e roko.” Ti riai n tangiria inanora. Ti a nako n noora Atuaia Iteraera ae Tabu n aia tabo maan, n te tembora, i aon te maunga, ao i aon te kaibangaki. N aroia taan kawakin tiibu, ti a kukurei ao n neboa te Atua ibukin uotakin rongorongo aika raraoi aika uota te kimwareirei ae korakora!
N tabetai ao te kabanea ni kangaanga ni bwai aika ti kona n noori bon bwaai ake a tia ni mena imoara ni katoa te tai. N aron te tibu te mwaane ae aki noori itoi i aon te tiiring, n tabetai tiaki kona n noora te bwai ae mena i matara.
Ngaira ake ti a tia n ongo te rongorongo ae kakukurei ibukin rokon Natin te Atua, ngaira ake ti a tia ni katoka iaora Arana ao n tia ni berita bwa ti na toua Kawaina bwa ana tia reirei—ti riai ni kauki nanora ao ara iango ao n Nooria raoi.
Te bong ae te Kiritimati e bon rangin ni kakukurei n aanga aika mwaiti. Bon te tai ni karaoi mwakuri n akoi ao n tangiriia raora. Bon te tai n tarai riki aron maiura ao kakabwaia aika bon ara bwai. Bon te tai ni kakabwarabure ao ni kabwaraaki am bure. Bon te tai ni kakukureiko n taian katangintang ao taura, bootaki ni kakukurei ao bwaintangira. Ma kakukurein te tai anne e na aki kamemeerei ara taratara man tukiira bwa ti na aki noora Uean te Raoi n Ana kaintokanuea.
Ti na bane ni karika te Kiritimati n te ririki aei bwa te tai ni kimwareirei ao ni bobootaki, te tai are ti na kakaitau n aron te kakai are E a tia te Atua ae Moan te mwaaka ni Kanakoa Ana Riki Temanna, Iesu Kristo, ni kabooa te aonaaba!
© 2010 iroun te Intellectual Reserve, Inc. A bane n tauaki mwiin taian kariaia ibukin katootongana. Boretiaki n te USA. Kariakana n te Taetae n Imatang: 6/09. Kariaiakan rairana: 6/09. Rairan te First Presidency Message, December 2010. Kiribati. 09372 859
Iango Ibukin te Angareirei man te Rongorongo Aei
1.“A kona mwakuri ni kakukurei ni kabonganaaki ni karikirakea te kukurei ao ni buokiia taan reireinaki ni kabanea riki aia iango iaon atuun te reirei. … Tamnei bon bwaai n reirei aika kakawaki ibukin kaotaan te boto n iango iaon te reirei ao ni buokiia naake a reireinaki n teimatoa ni kan ongora” (Teaching, No Greater Call [1999],160, 176). Ngkana ko a moana tibwauaan te rongorongo aei, iangoia ni kabongana te mwakuri ni kakukurei n aron kaotakin te tamnei ke tibwauaan te boki ae tabu ao n titirakina te utu bwa ana iangoia bwa e kanga ni kaineti ma te rongorongo.
2.“Teuana ma ibuakon am kouru aika rangin ni kakawaki bon buokaia tabeman bwa a na kabongnai reirei n te euangkerio n aia kanganga ni katoabong. … Buokiia taan kan reireinaki bwa ana ukoukora te kakabwaia are e reke ngkana ti maiuakina te euangkerio” (Teaching, No Greater Call, 159). Imwiin tibwauaan te rongorongo aei, iangoia bwa ko na kawariia utu aika membwa bwa ana tibwaua aia atatai ae a tia ni karekei ngke a tia ni kabanea aia iango iroun te Tia Kamaiu n tain te Kiritimati aei.