Te Rongorongo ni Kakawari n Reirei, Ritembwa 2010
Tabera Bwa Ti Na Ibuobuoki n te Mwakuri Ibukin Rongorongon te Utu n te Tembora
Kamatebwaia te karaki aio ao, n ae e angaraoi, maroroakinna ma taian tiitita ake ko kawariia. Kabonganai titiraki ni buokiko ni kakorakoraia am tiitita ao ni karaoa te Bootaki n Aine bwa iteran maium ae kakammwakuri.
Onimaki • Utu • Buokaki
Inanon taian tienture a mwaiti aomata aika a tia ni mate n akea ataakin te euangkerio. Tabeman ma ibuakoia aomata aikanne bon am koraki aika a kaan ao aika a raroa. A tataningai ngkami bwa kam na karaoa te kakaae ae riai n reita ami utu ni kabane ao ni karaoi otenanti ni kamaiu ibukiia.
Angiia tembora n te aonaaba a bon aki rangin n tabetabe. E a tia ni berita te Uea bwa nanomi ana rairaki nakoia taama n te aro bwa te aonaaba e na aki bakataeaki ni kabane n Ana tai n roko (tara D&C 2:2–3).
Iai oin ami kakabwaia ae kam na karekea man ami ibuobuoki n te mwakuri n te tembora ao n rongorongon te utu. Teuana maibuakan aei bon te kukurei ae ko namakinna ngkana ko beku ibukiia am bakatibu. Teuana riki ko a kona ni karekea am rekomente nakon te tembora, are e kakoaua taum imatan Tamam are i Karawa. Naake aki tau n te bong aei ni karekea aia rekomente a riai ni mwakuri ma te bitiobi ke te beretitenti nte mwaanga bwa aonga n tau n te tai ae waekoa. Taiaoka ni karekea te beeba ni bwaati ae kakawaki aei. I kakoaua bwa te Mwakuri ni Kamaiu e boni koaua ao bwa a kona buure ni kabwaraaki man te rairannano ni koaua.
Ngkana ti ibuobuoki n te mwakuri n te tembora ao n rongorongon te utu ngkoa, ti kakoauaa bwa ti na karekea te Tamnei n anganiira te rau n ara kangaanga ao ni kairiira n iango aika kakaawaki. Te mwakuri n te Tembora ao rongorongon te utu bon iteran ara mwakuri ni karekea te kamaiuaki, ke te mwakuri n ibuobuoki, nakoia ara bakatibu.
Man Ara Rongorongo ni Kawai
“E taku te Burabeti Iotebwa Timiti, ‘Te kabanea ni kakawaki n tabe n te aonaaba aei ae e a tia ni kawenea te Atua iaora bon ukoukoraia ara mate’ (History of the Church, 6:313). Mai moana, taari n te Bootaki n Aine a tia ni boutokaa te mwakuri ae kakaawaki aei. i Nauvoo n 1842, nanon Sarah M. Kimball ni kan buokiia taan mwakuri ni katean te tembora e kawaekoa te kurubu n aine bwa ana bairei aroia n te aro ae a na kona n nakoraoi riki aia ibuobuoki. Ngke a moanna ni bobotiia, te Burabeti … e bairea te moan Bootaki n Aine n ira ana baeten te nakoanibonga. Man te tai anne, taari inanon te Bootaki n Aine a buoka aron te mwakuri n te Nauvoo Tembora. …
“N te 1855, wanua te ririki imwiin rokoia aomata Aika Itiaki i Utah, te Auti n Entaumente e kateaki. Eliza R. Snow, are e a tia n riki ngaia bwa kaain te moan membwa n te Bootaki n Aine ao ni kawakin rekooti ibukin te bootaki anne, e weteaki iroun Beretitenti Brigham Young n te 1866 bwa e na riki bwa te beretitenti n te Bootaki n Aine. Ngaia ma tabeman riki titita bon taan mwakuri aika rangin n onimakinaki n te Auti n Entaumente. Ao, ngke e a tia te St. George, Logan, ao Manti Tembora, a mwananga titita aikai nakon tembora aikai n tatabeua nako bwa aonga ni kona ni karaoi mwakuri ibukiia maate iai.”1
© 2010 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakan Rairanan n te Ingiriti: 6/09. Kariaiakan rairana: 6/09. Rairakin te Visiting Teaching Message, December 2010. Kiribati. 09372 859
Tera ae I Kona ni Karaoia?
-
N na kanga ni buokiia aine n ukoukora aia bakatibu ao ni karaoi otenanti n te tembora ibukiia? Iangoa aia kanganga aine n tatabemaniia nako ngkana ko iangoia bwa ko na kanga ni buoka kainnanona. Ko bae n iangoia bwa te mwakuri n rongorongon te utu e kona n anga te korakora nakoia membwa aika boou, aika a oki, ao ake aki kakaonimaki.
-
N ningai ae a tia te mwakuri n te tembora ao n rongorongon te utu n anganai te rau n au kakaewenako ke ni kairai n au iango aika kakawaki?
Ibukin rongorongona riki, nakon www.reliefsociety.lds.org.