Agtutubo
Paskua ti Misionario
Bayat ti maikadua a Paskuak a kas maysa a full-time a misionario, sumarsarungkarkami iti kaduak iti maysa a kabumbuniag a miembro ken ti pamiliana. Kalpasan ti dakkel a pangrabii ti Paskua, imburaymi kadakuada ti maysa a mensahe ti Paskua.
Kiniddawmi iti pamilia a mangidrowingda kadagiti banag a mangipalagip kadakuada iti panawen ti Paskua, kas kadagiti bitbituen, sagsagut, pannakaipasngay, ken dagiti Christmas tree. Kalpasanna binasami ti sumagmamano a nasantuan a kasuratan, agraman ti 2 Nephi 19:6: “Ta nayanak kadatayo ti maladaga, maited kadatayo ti anak a lalaki; ket maipabaklayto kenkuana ti panangituray; ket maawaganto iti Nakaskasdaaw, Mamagbaga, Ti Naindaklan a Dios, Ti Agnanayon nga Ama, Ti Prinsipe ti Kappia.” Kinantami ti “Once in Royal David’s City” (Hymns, no. 205), binuyami ti pelikula maipapan iti Pannakaipasngay, ket imburaymi ti pammaneknek maipanggep ken ni Jesucristo.
Daytoy ket maysa a Paskua kadagiti simple a kasasaad, nga adayo manipud kadagiti pamilia ken kadagiti gagangay a parambak ti Paskua, ngem bayat ti panangiburaymi iti pammaneknek maipapan iti Mangisalakan, nariknak ti naun-uneg a panagayat ken panagyaman Kenkuana ken iti pannakayanakna ngem iti pannakaammok kasakbayanna. Naamirisko a daytoy ti maudi a Paskuak nga addaak iti panagserbi a kas full-time a misionario iti Nailangitan nga Amak, ngem naawatak a makapagpaneknek kaniak ti Espirituna maipanggep iti Anakna uray sadino man ti ayanko.