Pweng sin Mwet Forfor Luti, Tisacmpuh 2010
Ma Kunacsr in Wi Oruh Orekma lun Tempuhl ac Sramsram Mahtuh ke Sucu an
Lutlut ke ma inge ac, fin ohi, sramsramkihn nuh sin muhtwacn wiyowos ma kowos muhtwacta yohroh an. Orekmakihn kuhsen siyuck ingacn in kahsrwe kom ahkkweye muhtwacn wiyom ingacn ac in oruh U luhn Muhtwacn in Kasruh an in sie ip fokoko ke moul lom sifacna an.
Luhlahlfongi • Sucu • Kahsrwelah
Yac pucspucs somlah ah mwet pucspucs misac ac tiac etuh ke wosasuc uh. Kuhtuh sin mwet ingacn sucu na fototo ac oacyacpac loes lowos. Elos tuhpan kowos in oruh sukok fal in kapsrweni sucu lowos an nuh sie ac orwaclah akwuck in molwelah ma ac molweloslac uh.
Inkaiyacn tempuhl fin facluh uh tiac kahfofo. Leum El olwelah tuh insiowos in forlah nuh sin pahpah uh tuh facluh fah tiac kuhnausyucklac nohfohn ke tuhkuh Lal uh (liye D&C 2:2–3).
Oasr mwe insewowo lowos sifacna kowos eis ke kowos wi orekma ke sramsram mahtuh luhn sucu ac orekma luhn tempuhl. Sie pa engan kom puhlakihn ke kowos kuhlwacnsapuh mwet mahtuh lowos. Sie pac pa kom in kuh in eis pwepuh in lwelah nuh ke tempuhl, suc akihlen nwacsnwacs lom ye muhtuhn Leum an. Elos suc tiac nwacsnwacs mihsenge ke pacl wo in eis pwepuh in lwelah uh enenuh in sun pisap kuh prestuhn luhn pracns in kuh in fal in eis ke pacl na sa. Nuhnak muhnahs nimet lwelah in wacngihn kuh fal yohk srihpac se inge yurum. Nga fahkwack lah Iwaclah sac pwacye ac lah ma koluk uh kuh in nuhnak muhnahsyeyuck ke auliyak fal uh.
Ke kuht wi orekma ke tempuhl ac sramsram mahtuh luhn sucu uh, kuht etuh na pwacye lah oasr Nguhn yohrohsr in ahkwoye kuht in pacl upac ac kol kuht ke sulaclah yohk srihpac uh. Orekma luhn tempuhl ac sramsram mahtuh luhn sucu uh pa ip ke orekma lasr in sang kahsruh, kuh kuhlwacnsap, nuh sin mwet mahtuh lasr sifacna.
Sin Ma Mahtuh Lasr
“Mwet Pahluh Joseph Smith el fahk, ‘Kunohkohn luhlahp se emet fin facluh se inge pa God El fihliac facsr in suk ke mwet misac lasr uh’ (Sramsram Mahtuh ke Alu, 6:313). Ke muhtwacwacackiyac ah me, tahmtahel ke Un Muhtwacn in Kahsruh uh pahtok orekma yohk se inge. Fin acn Nauvoo ke 1842, kena lal Sarah M. Kimball in kahsruh mwet muhsahi tempuhl uh pihrakwack u in tahmtahel se in orwaclosweni nuh sie elos in kuh in kuhlwacnsap wo. Ke elos fahsrweni ac, Mwet Pahluh … el akiyac Un Muhtwacn in Kahsruh se emet ke atac se el akiac ke pristut ah. Ke pacl sac fahlac, tahmtahel ke Un Muhtwacn in Kahsruh uh tahfwelah na orekma lalos ke Tempuhl Nauvoo. …
“Ke 1855, yac alkosr tukun Mwet Luhlahlfongi uh fihli fin acn Utah, Iwen Mwe Sang tuh ahksahfyeyucklac. Eliza R. Snow, suc sie sin mempucr ke Un Muhtwacn in Kahsruh emet ac karuhnguhnwacng ma suhmuhslah luhn u sacn, tuh pahng sel Prestuhn Brigham Young ke 1866 in oruh prestuhn luhlahp luhn Un Muhtwacn in Kahsruh an. El ac tahmtahel wiyacl luhlahlfongiyuck yohk ke orekma lalos ke Iwen Mwe Sang Muhtahl. Na, ke Tempuhl St. George, Logan ac Manti ac ahksahfyeyucklac ah, tahmtahel ekahsr inge, forfor nuh ke kais sie tempuhl inge elos in kuh in oruh orekma lalos ke mwet misac.”1
© 2010 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/09. Ahkkweyeyucklac ke lweng: 6/09. Lwenglah luhn Pweng sin Mwet Forfor Luti, Tisacmpuh 2010. Kosraean. 09372 868
Meac Nga Kuh in Oruh?
-
Nga ac kahsruh tahmtahel wiyuck uh in sokwack ke mwet mahtuh ac orwaclah akwuck luhn tempuhl lalos uh fuhkah? Motko nuh ke kais sie ohiyac luhn kais sie tahmtahel ke kom motko ohiyac fuhkah in sun enenuh lal an. Kom kuh in motko lah orekma ke sramsram mahtuh luhn sucu uh kwacna ahkkweye mempucr sasuc, sifil fohlohk, ac muhnahs kuhtuh an.
-
Ngac orekma luhn tempuhl kuh sramsram mahtuh luhn sucu uh ahkwoyeyuc ke pacl upac nuh sihk kuh kolyuc ke pacl nga oruh sulaclah yohk srihpac luhk uh?
Nuh ke mwe ahkkahlwemye sahyac, som nuh ke www.reliefsociety.lds.org.