Naan in Katak an Kōrā, Tijemba 2010
Ad Jerbal ñan Bōk kuņaad ilo Jerbal an Tampeļ im Menmenbwij an Baam̧le
Katak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ iok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am make.
Tōmak • Baam̧le • Deeor
Ium̧win elōn̄ epenpen ko elōn̄ armej raar mej ilo aer jab jeļā kōn ko̧jpeļ eo. Jet iaan armej ran rej nikum̧ ro repaak im rettoļo̧k. Rej kōttar ñan am̧i kōm̧m̧ane pukpukōt ko raorōk n̄an eddeiki baam̧le ko ippān doon im kōm̧m̧ani kaiñi in lo̧mo̧o̧r ko ilo etaer.
Enan̄in aolep tampeļ ko ilo laļ in rejjab lukkun poub. Enan̄in aolep tampeļ ko ilo laļ in relukkun poub. Irooj eaar kallim̧ur bwe būruwōmi renaaj oktak ñan ro jememi bwe laļ in eban lukkun ko̧kkure ilo itok eo An (lale D&C 2:2–3).
Ewōr am̧ make kōjeram̧m̧an ko kwōj bōki āinwōt juōn tōprak in am bōk kuņaam̧ im pād ilo Jerbal an tampeļ im menmenbwij an baam̧le. Juōn iaan men kein ej lan̄lōn̄ eo me kwōj en̄jaake āinwōt am̧ jerbal ñan ro jibūm̧ im jim̧aam̧. Eo bar juōn ej bwe komaroñ ekkar n̄an juōn peba in mālim an tampeļ, me ej kalikar erreo eo am̧ im̧aan Irooj. Ro rejjab erreo rainin kōn maron̄ eo n̄an bōk juōn peba in mālim an tampeļ aikuj in jerbal ippān juōn bisop ak branch būreejtōn n̄an karbōb ilo iien eo em̧ōkaj tata. Jouj en jab ejjeļo̧k menin aikuj in elukkuun aorōk. Ij kam̧ool bwe Pinmuur eo ej m̧ool im bwe jerawiwi ko remaron̄in jeorļo̧k kōn ukweļo̧k eo ejejjet.
Ainwōt ad bōk kuņaad ilo jerbal an tampeļ im menmenbwij an baam̧le, jej kanooj jeļā n̄an bōk Jetōb eo n̄an kaenōm̧m̧an kōj ilo apan̄ ko ad im n̄an tōl kōj ilo jokālōt ko raorōk. Jerbal an tampeļ im menmenbwij an baam̧le ej m̧ōttan jerbal eo ad in kōmraikļo̧k, ak jerbal n̄an ro jet, n̄an ro jibūd im jim̧m̧aad make.
Jān Bwebwenato eo Ad
“Rikaanan eo Joseph Smith eaar ba, ‘jerbal eo elaptata ilo laļ in me Anij eaar door iood ej n̄an pukōt rimej ro ad’ (History of the Church 6:313). Jān jinoin, jejtōr ro ilo Doulul eo an Kōrā Ro raar rejtake jerbal in eļap. Ilo Nauvoo ilo 1842, ikirelel eo an Sarah M. Kimball n̄an jipan̄ rijerbal in kōkal ko an tampeļ eo eaar kōm̧akūt juōn kumi in jejtōr ro n̄an ejaake er make bwe en maron̄ em̧m̧anļo̧k aer jerbal. Ilo aer kar ijjino kweilo̧k, Rikanaan eo … eaar ejaake Doulul eo an Kōrā Ro kein kajuōn ālikin jinōk eo an priesthood eo. Jān tōre jab eo m̧aanļo̧k, jejtōr ro ilo Doulul eo an Kōrā Ro raar jipan̄ iuun m̧aanļo̧k jerbal eo an Tampeļ eo an Nauvoo. …
“Ilo 1855, ralitōk iiō ālkin an Armej ro Rekwojarjar jino kar jikrōkļo̧k ilo Utah, Im̧ōn Menin letok kwojarjar eo eaar jutak. Eliza R. Snow, eaar juōn iaan membōr ro an Doulul eo an Kōrā Ro jinoin tata im eaar kejparok rekoot ko kōn ejaake eo, kar kūr jen Būreejtōn Brigham Young ilo 1866 eo n̄an erom būreejtōn eo eļap an Doulul eo an Kōrā Ro. E im jejtōr ro jet raar rijerbal ro retiljek ilo Im̧ōn Menin letok kwojarjar eo. Innām, ilo an kar dedeļo̧k Tampeļ ko ilo St. Geroge, Logan, im Manti, jejtōr rein raar etal n̄an kajjojo tampeļ ko bwe ren maron̄ kōm̧m̧an jerbal n̄an ro remej ijōkein.”1
© 2010 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin English: 6/09. Kōmālim an ukook: 6/09. Ukook eo an Visiting Teaching Message, December 2010. Marshallese. 09372 874
Ta Imaron̄ kōm̧m̧ane?
-
Ewi wāweein Aō maron̄ jipan̄ jijtōr ro aō pukōt rūtto ro aer im kōm̧mani kaiñi ko an tampeļ n̄an er? Ļōm̧ņake kōn jōkjōk ko an kajjojo jijtōr ilo am̧ kejōkļo̧kjeņ kōn wāweein n̄an tōpar aikuj ko an. Komaron̄ ļōm̧ņake bwe menmenbwij an baam̧le ekkā an maron̄ kōkajoor membōr ro rekāāl, rej ro̧o̧ltok, im membōr ro rōjāniknik.
-
N̄āāt eo jerbal an tampeļ im menmenbwij an baam̧le raar kainem̧m̧an eō ilo apan̄ ko aō ak kar tōl eō ilo jokālōt ko raorōk?
N̄an meļeļe ko rellaplok, etal n̄an www.reliefsociety.lds.org.