Mulwol ni Ngan Thapeg ni Ngan Nang, January 2011

Fare Chep nge Tin ni ke Buch ko Ulung ko bpin ko galasia

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Ulung ko ppin ko Galasia ni bang ko yafas rom nib mangil.

Eliza R. Snow ke puguran ni fare Profet ni Joseph Smith ke fil ni “mus ni re fithingan [Ulung ko bpin ko galasia] e fithingan ko tiney e rran, rib elal e ulung nem.”¹

Chitimangdad nu Tharimy nge Fak, ni Yesus Kristus, kar ronow ngak Joseph Smith ma, udakaen fa’nem, kar sulwegew gubin e yang ko galasia nga dakaen e fayleng. Ulung ko bpin ko galasia e reb e yang ko re sulyarmen nem. Re ulung ko Galasia e daworiy yaram ngayan i mada’ ko ngiyal napan nikan yarmiy e ulung ko bpin.²

Ko pi pul nga m’on, urngin e Mulwol ni Ngan Thapeg ni Ngan Nang nra ayuwegdad ni ngad filed yug boech marnga’agen pi chep ko Ulung ko bpin ko galasia nge biyang rok nga lan e duwgliy ko gospel. Ba yo’or fan, mab ga’fan ni ngad nanged fan e chep rodad, mab tu’f riy.

Som’on, nangaen’ ko chep nge tin ni ke buch u lane Ulung ko bpin ko galasia ma ayuwegdad ni ngad manged e pi ppin nib adag Somoel ni ngad manged. U dakaen e urungin boech e ppin nib Giidi’ Rokko tiney e tumor e rran, rayog ni ngad filed ko tin ni ke buch uragon rayog ni ngad gel gad ko pi magowan nga m’on.³

Bin l’agruw, chep rodad e ma fil ngodad ni ta’b rogon e kengin ni ke ayuweg ko Galasia ni kakrom ma ayuweg dad ko tiney e rran. Lowan’ ney nge fan rodad ni ngad—gel niged e michaen’ nge paer nib fel, gel nag e pi tabinaw rodad, min ayuweg e gidii’ nib t’uf e ayuw rorad—ma fek iyaen e tin ni ke buch ngodad nge tin ni bay rodad e chiney.

Bin dalip, fini ngad tayed fan e chep nge yalen rodad, rayog ni ngad falflan’ gad riy. President Henry B. Eyring, Bin Som’on e Counselor ko Bin Som’on e Ulung, ke yog, “Ram pii’ e yalen rodad ngak e gidii’ ko ngiyal ni gabe athpeg ea t’ugeg ngorad. … Re chep nge yalen ko Ulung ko bpin ko galasia e kan thi’eg min yoloey, machane re yalen riy e kan pii’ lan gumircha’ ko gumircha’.”⁴

Ma ere, nang fan ko chep nge yalen rodad ma ayuwegdad ni ngad manged biyang ko Ulung ko bpin ko galasia nib fel’. President Spencer W. Kimball (1895–1985) ke weliy, “Gad ma nang ni pi ppin ni bay e falflan’ ko tin ni ke buch faram ra ayuweg e tin ni nge buch nga m’on.”⁵

Julie B. Beck, president ko Ulung ko Bpin ko Galasia

Kofapi Babyor nib Thothup

Esther 9:28–29; Romans 16:1–2; Alma 37:8; Moroni 7:45–47

Rok e pi Chep nge Yalen Rodad

“Ulung ko bpin ko Galasia e ka yarmiy Somoel riy ni fan ko ppin.”⁶ Fini Joseph Smith nib profet, e ke yarmiy fare Ulung ko Bpin ko Galasia ko March 17, 1842. Re ulung nib achigchig, nib yarmiy ko bo’or e mit e ppin, e kan yarmiy ko ppin nib yul’yul’ faram boed e pi ppin ni bay riy e daba’. “Bin bitir e dalip e rugod, ma bin elal, e ppin ni wugem e duw rok. Ragag nge ta’reb e ppin e kan, l’agruw ke yim’ e pum’on rorow, nel’ e daworiy mabgol, ma ta’reb dabda nanged. Lowan’ ko skul rorad ab thil, ma be thil e gin nikarbod riy, nge rogon e paer rorad. Ke ga’ nag e mit nib yo’or yay e ppin ni bay ko re ulung fini ke ga’ ere ulung ney, machane kar pired ni yad ba ta’areb.”⁷

Mange Rayog Nggu Rin’?

Mange rayog nggu rin nggu ayuweg pi ppin nugbe nang farad ni ngar athapeged ere tawath ko t’ufeg ney?
Mang e rayog nggu rin e biney e pul nggu fal’eg e yafos rog nga m’on? ko tabinaw rog? ko yug boech e gidii?

© 2011 by Intellectual Reserve, Inc. Gubin ni mat’won ma bay. Kan yoloey u Mariken. Kan micheg ko thin nu Ngalis: 6/10. Pilyeg kan fanay: 6/10. Pilyeg ko Visiting Teaching Message, January 2011. Yapese. 09761 905

Mich • Tabinaw • Ayuw