Serafo
Chommong Misineri non Manauei
Ewe aewin Raninfel ua fiti ekkewe misineri ne fiti fan, ua esinna aramas minne ua sisinei seni nekukuni seni neniei. Ua kuna emon chienei me non sukkun, ekkewe chon angang me non sukkun, emon nengin use fakkun kirokiroch ngeni non fansoun nom, me pwan emon at ua ekkis sani.
Emon me emon ekkei aramas ra fakkun kuu netipei. Chienei we a emon fopun mi fakkun och, me ua finata ne kaeo usun ewe Mwichefen pokiten ewe nengin. Ekkewe chon angang ra chechemeniei seni sukkun a anisiei ne sinei pwe ua auchea. Ua kaeo usun tongen Kot me tong ennet seni ewe fopun mi etiwaei ina mo use kirokiroch ngeni i non fansoun nom. Ewe at ua sani a eu nenien appiru, ua esinna saraman me ua mochen ai upwe emon chiechian.
Ekkei mettoch mi anisiei ne kaeo pwe, ina mo me mwen ua churi ekkewe misineri, Semach won Nang a ammona eita pwe upwe angei ewe kapas allim seni ekkewe aramas ra nom unuki. Seni ena fansoun ua kaeo pwe ekkewe mettoch mi kukkun minne sia föri mi tongeni watte niwinin. Aucheanap, ua kaeo pwe angangen misineri a poputa seniei.